Wah Ki Leuksa Bagea Nun
inget jaman baheula pasosore ngadengekeun dongeng nepikeun ka telat ngaji dongeng na ki leuksa simply narcotic ceuk barudak ayeuna mah, matak nyandu nuhun ah tos gabung , ngadamel carnyam atuh di dieu _____ From: urangsunda@yahoogroups.com [mailto:urangsu...@yahoogroups.com] On Behalf Of ki_leuksa Sent: Wednesday, April 29, 2009 4:11 PM To: urangsunda@yahoogroups.com Subject: [Urang Sunda] Sampurasun Sampurasuuun..... Hapunten anu kasuhun, sim Kuring rumaos tumorojog tanpa larapan. Nu dimaksad taya sanes, seja ngiring ilubiung di Kusnet, ngiring aub sarta jabung tumapalung malahmandar aya guna sareng mangfaatna, boh keur sim Kuring boh ka dulur-dulur sadaya. Wasta Ki Leuksa, ti tatar Sunda. Kapungkur mah sok ngajajah milangan kori, ngalalana di jomantara, nepungan baraya-baraya nu aya di desa jeung di kota, nguriling ka tepis wiring, ngajugjug ka lembur-lembur nu aya di gunung-gunung. Tapina ngan ku sawangan, da raga badag mah tetep di imah, diuk dina korsi reyod nyanghareupan meja oyag, ngetik nerektek nulis carita nyambung anu jaman harita mah sok disarebut "dongeng" disiarkeun dina radio-radio swasta. Aeh, naha karek jol geus loba ngobrol. Hampura baraya, bakat ku sono nepi ka poho kana tatakrama. Ujug-ujug panjang cumarita, boa pribumi mah can kumpul lelembutan, naha saha ieu nu karek jebul teh? Tos heula atuh sakitu, moal waka panjang nu dicatur samemeh aya anu ngaku mah. Eee sumuhun, Mang Emot Padaringan, aya ? Sakali deui, hapunten anu kasuhun. Wasalam Ki Leuksa - Sumedang
