Salam baktos ti simkuring...sok diramekeun kusnetna ku urang sadaya...
hatur nuhun.
Semoga Allah mengampuni dosa -dosa kita,.........Amien!!!
________________________________
Dari: ki_leuksa <ki_leu...@yahoo.co.id>
Kepada: urangsunda@yahoogroups.com
Terkirim: Rabu, 29 April, 2009 16:10:41
Topik: [Urang Sunda] Sampurasun
Sampurasuuun. ....
Hapunten anu kasuhun, sim Kuring rumaos tumorojog tanpa larapan. Nu dimaksad
taya sanes, seja ngiring ilubiung di Kusnet, ngiring aub sarta jabung
tumapalung malahmandar aya guna sareng mangfaatna, boh keur sim Kuring boh ka
dulur-dulur sadaya.
Wasta Ki Leuksa, ti tatar Sunda. Kapungkur mah sok ngajajah milangan kori,
ngalalana di jomantara, nepungan baraya-baraya nu aya di desa jeung di kota,
nguriling ka tepis wiring, ngajugjug ka lembur-lembur nu aya di gunung-gunung.
Tapina ngan ku sawangan, da raga badag mah tetep di imah, diuk dina korsi reyod
nyanghareupan meja oyag, ngetik nerektek nulis carita nyambung anu jaman harita
mah sok disarebut "dongeng" disiarkeun dina radio-radio swasta.
Aeh, naha karek jol geus loba ngobrol. Hampura baraya, bakat ku sono nepi ka
poho kana tatakrama. Ujug-ujug panjang cumarita, boa pribumi mah can kumpul
lelembutan, naha saha ieu nu karek jebul teh?
Tos heula atuh sakitu, moal waka panjang nu dicatur samemeh aya anu ngaku mah.
Eee sumuhun, Mang Emot Padaringan, aya ?
Sakali deui, hapunten anu kasuhun.
Wasalam
Ki Leuksa - Sumedang
Kenapa BBM mesti naik? Apakah tidak ada solusi selain itu? Temukan
jawabannya di Yahoo! Answers! http://id.answers.yahoo.com
