Dipengkolan ka tumaritis paamprok jeung sicepot, pok ditanya. "Pot tas timana euy, meuni dines kitu, tas nyokot gajih?" "Nyokot gajih tai pedut, pan tas nyontreng euy, tuh tingali buktina!" tembal sicepot bari nembongkeun ramo leungeun anu bolokot ku mangsi. "Euleuh enya we meuni bolokot ka beungeut beungeut, nek nyaingan personil kuburan band ieu teh, naha bet bisa kitu?" "Hayang nyaho dongengna? kieu geura...pan dewek teh geus lila katerap jarawat batu,basa keur diuk nunggu antrian nyontreng, nu gigireun ngaharewos, jarawat diingu, ubaran atuh! pokna, manggeus malahan geus kuparud sagala tetep we rokmong, jawab dewek,cobaan geura ku mangsi urut nyontreng, pokna deui, siatah adol teh dewek langsung we percaya, teu loba pikir sabada nyontreng clom leungeun dewek dianclomkeun kana mangsi, terus diulas ulas kana beungeut!" "Euleuh jadi kitunya dongengna!" "Heueuh, tingali geura beungeut dewek bleg we beungeut tangtara anu tas latihan perang!" "Teu nanaon ari cageur mah!" "Cageur tujuh puluh malah tambah renjul deuleu, nupuguh mah nu gigireun teh nipu ka aing, mana mangsi nukieu mah lila nek leungit!" "Tarimakeun we Pot, ari rumasa sok nipu mah, pasti sok katipu deui!" "Heu..heu....tobat....eta meureun pedah basa kamari nipu sigareng!" "Nipu kumaha kitu?" "Kieu...ceuk dewek teh....Reng panggalikeun peuyeum cau euy dipipir pakalungan domba, cirina aya ajiran luhurna, geus kapanggiheun, teu antapwarah ku sigareng dikali make leungeun, na ari delewo teh,sigareng langsung bebedus bari ngepret ngepretkeun leungeun..!" "Har nya peuyeum nanahaon make nepika kitu sagala?" "Dewek tas nyeri beuteung deuleu..dipeuyeum didinya!" "Gehel....nyiar nyiar pidosaeun silaing mah Pot!" "Bongan sigareng ge sok nipu dewek!"
Keur guntreng ngobrol, kuring inget ka obrolan sawatara waktu katukang dimilis ieu anu ngabahas kumaha carana eureun udud. Sugan jeung sugan sicepot boga jurus jetu ngeureunan udud, langsung we ditanya. "Pot...lain euy ari silaing sok udud keneh?" "Alhamdulillah dewek geus insap euy!" "Cik..cik...kumaha carana?" "Ah gampang jeung teu pira deuih, kieu geura...geus nyaho carana nyapih budak sangkan lesot nyusu?" "Nya apal eta mah, hulu susu indungna diolesan obat merah atawa dibalur ku siki mahoni met pait, balukarna budak jadi kapokeun nyusu!" "Bener...tah dewek ge kitu euy, tungtung roko paragi ngenyotna dibaluran obat merah jeung siki mahoni, malahan asbakna ge ku dewek dibalur oge da mun keur sakaw ningali asbak ge sok hayang ngagares!" "Heueuh pan urang mah lain budak euy?" "Puguh eta, maenya urang eleh ku budak, budak bisa eureun nyusu alatan obat merah jeung siki mahoni, piraku kucara kitu urang teu bisa eureun udud!" "Bener euy Pot, mun teu bisa era euy ku budak. Tapi Pot saprak eureun udud aya epek sampingna teu?" "Maksud silaing jadi rampus nyatu kitu?" "Tah eta euy awak dewek sieun jadi super burayut!" "Ah moal, paling epekna ka pamajikan!" "Naha make jor jor kapamajikan sagala?" "Kieu geura....pan budak dewek teh geus lesot nyusu jadi teu perlu make obat merah jeung siki mahoni deui!" "Terus naon hubungana jeung eureun udud?" "Meureun pamajikan teh teu tegaeun ka dewek, udud pan geus eureun, piraku nu eta ge pipilueun disapih kawas budak!" "Sibedul...pinter kodek sia mah Pot, ari kabudak kudu disapih, ari sorangana!" "Ih pan lebar ari kudu dianggurkeun mah!" Sajeroning ngobrol, na jero hate mah tumanya, naha enya sicepot geus boga pamajikan sarta geus boga budak? mun tea mah enya meureun sicepot katempuhan buntut maung teh lain ngan ukur gosip wungkul. Diditu gunung didieu gunung, ditengahna aya kawah. Nu ngadongengna bingung nu macana ge bingung, nu penting bisa ngahahah.(SR) ----- Original Message ----- From: dudi_m2...@yahoo.com To: urangsunda@yahoogroups.com Sent: Thursday, July 09, 2009 12:42 PM Subject: Re:Cenah [Urang Sunda] Soal Udud Deui Bae Kang Subur, Leres pisan peranan NIAT teh ageung pisan kana keberhasilan ngudag cita cita. Sigana samemeh niat eureun ngaroko, niatkeun heula rek niat eureun ngaroko . Jadi niatna dobel.Mun tos pernah liren ulah satengah satengah. Kedah sakaligus liren. Mun masih keneh palay ngaroko ya teu nanaon sundut we rokokna, tapi....... waktos nyisepna kedah dibalikkeun.... he...he. Heureuy we ieu mah kang, bongan akangna bedegong....he..he Wassalam Dudi .