ngiring bingah kang irpan...mugia si Jalu teh sing manfaat kanggo
kulawarga masyarakat sareng nagara sapertos harepan akang sakulawargi
amiin..doana we sim kuring ge teu acan dipaparin ieu teh, ari laku mah
atos da he he he...!!
------------------------------------------------------------------------
*From:* Irpan Rispandi <mr.rispa...@gmail.com>
*To:* urangsunda@yahoogroups.com
*Cc:* kisu...@yahoogroups.com
*Sent:* Monday, August 24, 2009 8:55:19 AM
*Subject:* [Urang Sunda] Al-Kindi anak kahiji [1 Attachment]
"Kiri, kuda-kuda depan, ha !!!"
Mas Asep, salah saurang pelatih di kolat, mere aba-aba. Barudak peserta
ujian, ngalakukeun gerakan anu di parentahkeun ku manehna. Motor kuring
asup ka palataran hiji sakola SMK di daerah jakarta pusat. harita di
palataran sakola teh keur aya acara uji coba, lamun di kampus mah mid
test meureun. Uji coba teh salah sahiji bagian tina kurikulum latihan
Perguruan Silat Merpati Putih. Kuring memang pernah aktif di kolat
(kelompok latihan) ieu, jadi sawaktu aya acara, kuring sok dibejaan. Ti
saprak kawin, kegiatan kuring di merpati putih memang vakum, sanajan ari
kahareup mah hayang aktif deui. Lain ku lantaran hayang sakti
he..he..he.. ieu mah itung-itung olahraga we bari silaturahmi
bersosialisasi. Kuring datang jam 9-an peuting, anu keur diuji teh masih
murid-murid tingkat dasar.
HP kuring gugurubugan, sihoreng aya SMS asup, ti pamajikan, update
lokasi he..he..he.. . ku kuring di telepon ngabejaan yen kuring geus tepi
di JP - nickname na eta SMK -. Pamajikan kuring carita, keur
leuleumpangan cenah, sabab geus karasa mules beuteungna. Harita tanggal
15 Agustus 2009, pamajikan kuring geus dua minggu aya di imah kolotna di
Bogor. Manehna keur cuti melahirkan. Kakandungannana ayeuna geus bulan
alaeun, ngan kari ngitung poe. Ceuk perkiraan dokter mah lahiran teh
sekitar tanggal 18 agustus.
Kira-kira jam 1.30 janari, anu keur ujian teh murid tingkat II jeung
tingkat III, HP gugurubugan deui, aya SMS ti Kiki, dulur misan
pamajikan. "Kang, teh Yeni tos karasaeun ...." cenah. Maca SMS kitu,
kuring rada nyiak. Harita keneh kuring mangprung ka Bogor. Sajajalan
kuring ngado'a ka Pangeran, ulah nepika siga dina film, pamajikan keur
ngalahirkeun, salakina kacilakaan he..he..he.. . Alhamduillah kuring
salamet nepi ka imah mitoha, sanggeus 2,5 jam kana motor, mapai jalan
Jakarta-Bogor.
Nepi ka imah mitoha jam 4 subuh, anu muka panto Teguh, adina pamajikan.
Si tetehna tos dibidan cenah, nya ku manehna kuring dianteur ka imahna
bidan. "Bidan Wastini", plang leutik warna bodas tulisana hideung nanceb
hareupeun hiji imah gedong sisi jalan. Bidan Wastini teh bisa disebut
bidan keluarga besar Haji Rasyid, buyutna pamajikan. Ampir kabeh anggota
keluarga besar anu ngalahirkeun, dibidanan ku bidan Wastini. Manehna
memang geus welasan taun muka praktek di ieu lembur, sanajan ari aslina
mah ti Luragung, Kuningan. Kuring memang ngahaja teu ka Rumah Sakit,
lantaran suudzon he..he..he..
Kuring pernah ningali berita, aya awewe anu lahiran di sesar, tapi
sanggeus sesar eta awewe teh jadi lumpuh. Manehna jadi korban
malpraktek. Salian ti eta, babaturan kuring di pagawean oge loba anu
carita, yen di rumah sakit kadang-kadang sok aya "kongkalingkong" .
Puguh-puguh bisa lahir normal,
tapi tetep we direkomendasikeun sesar. Sabab biaya lahiran normal jeung
sesar bedana jauh. Tangtu we oknum rumah sakit mah milih sesar, sangkan
duitna gede. Salian ti eta, kuring rada hariwang, saha nu ngajamin
tenaga medis di rumah sakit teh bener-bener berkualitas. Kahariwang
kuring cukup beralasan, sabab ningali barudak mahasiswa ayeuna, teu
saeutik anu kuliahna teh sangeunahna, sanajan tangtu teu kabeh kitu.
Loba mahasiswa anu beuki dugem, kumpul kebo, tawuran jsb. Anu awewena
jadi ayam kampus, pikeun ngabiayaan gaya hirupna anu 'modern'. Masalah
kuliah, bisa diatur, asal aya duit, peunteun sabaraha wae ge bisa,
hayang AAA+++ oge bisa siganateh. he..he..he.. Aya deui kieu, kuring
mensinyalir aya jalma anu ngarasa 'nggak keren' lamun lahiran henteu di
rumah sakit teh.
Lamun lahiran teu di rumah sakit, gengsi dong !
Tah nu ieu komo, kuring mah teu panuju pisan. Gengsi...makan tuh gengsi
! he..he..he.. .
Dina hal lahiran, kuring kadang sok mangherankeun, naha loba awewe anu
lahiranna di sesar. Sanajan eta sesar teh memang jalan anu kudu
dilakukeun, ceuk tinjauan medis, lain ukur 'permainan' rumah sakit
hungkul. Tapi naha bet jadi kudu sesar? kapanan Allah nyiptakeun awak
manusa teh sampurna pisan. Tah tangtu dina hal ngalahirkeun oge, ku
Allah geus dirancang sampurna. Tapi naha bet jadi kudu make cara sesar?
Eta cenah posisi janin sungsang, atawa bla bla bla hasil pemeriksaan
medis anu intina, lamun teu disesar bisa ngabahayakeun janin jeung
indungna. Tah dina palebah dieu urang kudu introspeksi diri. Urang kudu
nginget-nginget hal-hal naon wae anu nyababkeun "kondisi berbahaya"
pikeun janin jeung indungna. Bisa wae gaya hirup si ibu anu caliweura,
bisa oge lingkungan anu kurang sehat, jeung sajabana. Sabab-sabab pasti
na mah kuring teu nyaho, da lain dokter. he..he..he..
Di imah bu Bidan teh aya ruangan husus mangrupa klinik leutik. Di jerona
aya tilu ranjang beusi siga nu sok aya di rumah sakit jeung hiji
ranjang/box leutik keur orok. Gigireun ranjang aya tabung oksigen gede,
sagede tabung tukang las. Dina tunjangeun ranjang aya rak obat-obatan,
oven jeung laci anu eusina peralatan bedah. Jadi sanajan 'kelas Bidan',
tapi peralatan medisna cukup lengkep.
Barang asup, kasampak pamajikan kuring keur ngagoler dina salah sahiji
ranjang, bari nyangigir ka katuhu. Pamajikan kuring carita, mulai karasa
mulesna jam 8 peuting tadi cenah. Tapi nya kitu, intervalna masih lila,
sekitar 15 menitan. Mules...henteu deui, sanggeus 15 menit karek karasa
mules deui, kitu we. Kuring nungguan di dinya nepi ka wanci balebat.
Sanggeus di pariksa, ceuk bu bidan can bukaan-bukaan acan cenah, mending
balik we heula, ke lamun geus karasa sering pisan mulesna, karek datang
deui. Bu Bidan nyarankeun sangkan pamajikan loba leuleumpangan ameh ke
pas lahiran lancar. Geus puguh kitu mah, nya pamajikan teh dibawa balik
deui we ka imah.
Kurang leuwih jam 1 beurang, pamajikan kuring beuki sering ngarasa
mulesna, harita keneh bu bidan di jemput ku si Teguh. Bukaan 3, cenah
ceuk bu bidan sanggeus mariksa. Biasana, bukaan teh nambah tiap sa-jam.
Jadi lamun make perhitungan standar, lahiran teh sekitar jam 9 peuting.
Tapi biasana mah memeh jam sakitu oge geus lahir. Ku sabab lila keneh
nya bu Bidan balik deui ka imahna.
Kira-kira wanci ashar, pamajikan ngabejaan, yen geus mimiti kaluar
lendir campur getih cenah. Atuh harita keneh pamajikan dibawa ka imah
bidan deui. Anu marengan ka bidan teh, mitoha awewe, nini jeung bibi
pamajikan, jeung Rini, kapi bibi, anakna adina nini pamajikan (iklan
banget he..he..he.. ). Nya kitu, alhamdulillah kulawarga besar pamajikan
teh ngajaga pisan tali silaturrahmi. Keur mah memang, imah na teu
jararauh, masih salingkup lembur eta. Barudak na oge, arulinna teh tara
jeung batur, tapi masih jeung dulur-dulur keneh. Rini, sanajan kaitung
kapi bibi, tapi umurna sahandapeun pamajikan. Manehna teh babaturan
curhat jeng ngerumpi pamajikan kuring lamun keur di lembur.
Jam 5 sore, pamajikan geus mulai ngaharegung nahan kanyeri,
lafadz-lafadz dzikir diucapkeun ku manehna paselang jeung haregung.
Kuring nangtung dina gigireuna beulah kenca, ngusapan kesang dina
tarangna ku tisu. Gigireun kuring, indungna jeung ninina ngusapan bari
ngupahan. Gigireun beulah katuhu, bibina nyekelan leungeuna. Gigireun
bibina, bu bidan mariksa. Geus bukaan 9 cenah, saeutik deui.
Alhamdulillah, sanajan ngarasakeun kanyeri nu taya hinggana, tapi
pamajikan masih 'fully under control'. Manehna teu nepi ka jejeritan.
Malah sakapeung mah bisa males banyolan bu bidan. Harita kuring mikir,
berarti kondisi psikologis anu nyaman, penting pisan pikeun awewe anu
keur ngajuru. Hal ieu kacontoan ku pamajikan. Manehna siap, percaya
diri jeung ngarasa nyaman, sabab dilingkung ku jalma-jalma anu mikanyaah
manehna. Aya Indungna, aya ninina, aya bibina, aya sobatna, aya kuring.
Manehna hanteu ngarasa sorangan dina nyanghareupan ngajuru. Di luar
hujan gede.....
Allahu akbar, Allahu akbar ..... Adzan maghrib tina speaker mesjid
tukangeun imah bu bidan kadenge handaruan. Sora adzan pacampur jeung
seahna sora hujan, anu harita turun gede pisan. Dina tengah-tengah
adzan, kadenge koceakna budak orok anu karek gumelar ka alam dunya. Anak
kuring. Lalaki. Lahirna kabeulit tali ari-ari nepi ka dua beulit. Tapi
alhamdulillah, Allah teu ngeursakeun hal nu pikasediheun, tapi
ngersakeun pikabungaheun. Eta orok teh salamet, kitu deui indungna.
Ahad, 16 Agustus 2009 wanci maghrib, anak si Irpan nu kahiji gumelar ka
alam dunya...
"Resi? lain resi mah lamun urang ngirim wesel, sok aya resina. embung
ah..maenya anak yeni dingaranan resi. haduh lamun ngadenge resi teh
kabayang kertas tanda terima. embung ah..."
Pamajikan kuring protes.he..he. .he... Waktu umur kakandungan keur ngora
keneh, kuring geus ngadiskusikeun pingaraneun budak. Kuring hayang boga
anak tilu, lalaki awewe lalaki. Tiluanana dikonsep ngabogaan widang
masing-masing.
Nu kahiji nu cikal, manehna anu pang gedena, kudu jadi panutan
adi-adina, kudu jadi conto, sakaligus panggeuing. Ku kituna anak kuring
nu kahiji kudu jadi jalma anu wijaksana tur luhur elmuna.
Nu kadua nu tengah, manehna aya di tengah-tengah. Kudu hade ka lanceuk
nyaah ka adi. Jadi pengayom dua-duana. Manehna oge jadi perlambang / ruh
tina sifat dua lanceuk jeung adina. (nu ieu mah kuring rada hese
nerangkeuna he..he..he.. .)
Nu katilu nu bungsu, manehna ngawakilan budak ngora, pinuh energi pikeun
ngalakukeun perubahan-perubahan .
FYI, konsep ieu geus lila kapikir ku kuring, jauh samemeh aya postingan
ngeunaan "Resi, Rama, Ratu" di milis. Sanggeus maca postingan di milis,
kuring beuki bungah, sabab konsep/pikiran kuring ternyata tibaheula
keneh geus aya he..he..he..
Pikeun anak kahiji kuring ngajukeun dua ngaran:
- Muhammad Resi Raspati
- Muhammad Aristoteles Alkindi
Ngaran anu kahiji, ngabogaan cita-cita luhur, anak kuring ngabogaan
sifat Resi anu luhur ku elmu jeung wijaksana. Salian ti eta manehna oge
Raspati, gagah narik ati. Siapa dulu dong bapaknya he..he..he.. .
Sedengkeun ngaran anu kadua, kuring make ngaran Ilmuwan Yunani abad 4SM
nyaeta Aristoteles jeung Al-Kindi, Ilmuwan muslim di abad 9 M (
http://en.wikipedia .org/wiki/ Alkindi
<http://en.wikipedia.org/wiki/Alkindi> ) . Duanana teh mangrupa ahli lain
ngan dihiji widang elmu, tapi loba. Ku nerapkeun ngaran maranehna ka
anak kuring, mudah-mudahan Allah ngersakeun anak kuring jadi salah
saurang ulil albab, jalma anu salilana berfikir, nafakuran
ciptaan-ciptaan Allah SWT, terus hasilna bisa diamalkeun pikeun
kamaslahatan umat manusa di alam dunya.
Duanana make ngaran Muhammad. Eta teh mangrupakeun pangjaga. Sacara
harfiah kecap Muhammad teh hartina kurang leuwih 'terpuji' (lamun salah
benerkeun nya). Jadi anak kuring ngabogaan sifat-sifat anu terpuji.
Manehna pinter, tapi teu kabalinger, teu minteran batur komo ngabobodo
batur mah. Sarengkak saparipolahna estu matak dipuji batur, dipuji lain
lantaran pupujieun, tapi lantaran ahlakna anu hade.
Sedengkeun makna sejena, urang ge geus pada nyaho, Muhammad teh ngaran
manusa utama, kakasih Allah, Rosul panutup, anu nyampurnakeun ahlak
manusa. Ku ngalarapkeun ngaran agung ieu, mugia Allah ngajadikeun anak
kuring ngabogaan sifat-sifat anu sarua jeung Muhammad rosululloh.
Ku sabab ngaran kahiji diprotes ku pamajikan, atuh anu dipake teh nya
ngaran anu kadua.
"Muhammad Aristoteles Alkindi", ngaran panggilana 'Al-Kindi'
Dina ngaran eta, ngancik harepan jeung do'a kuring salaku kolotna,
sangkan anak kuring jadi jalma nu utama. Amiin...
