insya allah bade ngiringan.... baktos tantan
2010/4/1 MSasmita <kuringm...@gmail.com> > > > Susuluk (motto) keur hiji lembaga biasana mah jadi roh dina hirup jeung > huripna, satuluyna dibedah nepi ka jadi corporate culture (visi) tur sok > dijieun papagon opersionalna (misi, sop). > > Majalah bulanan basa Sunda Cupumanik napak dina susuluk *Nyungsi Sunda nu > Mandiri.* > > *Nyungsi* (sungsi) hartina sarua jeung ngajugjug, kecap pagawean, didieu > ngandung harti aya proses, aya prak-prakanana. Dina prak-prakanana nyungsi > tangtu aya ugeran atawa ijiran nu sifatna strategi sangkan nu dijugjug teh > tereh kahontal. > > *Sunda*, hiji entitas nu diwatesanan ku rohang (jeung waktu), togmolna > entitas panggedena nu aya di Jawa Barat Banten. Dina rohang eta aya > kabeungharan mangrupa alam, manusa (panglobana nu ngaku dirina urang Sunda) > jeung budayana (material, non material). > > *Mandiri* ngandung harti percaya diri, percaya diri kana kahayangna, > kamampuhna jeung pangaweruhna. Tina susuluk Nyungsi Sunda nu Mandiri, lawang > pamuka aya dina kecap mandiri tur kecap mandiri leuwih nyoko kana sifat > individual atawa personal. Hiji entitas (boh nagara, boh pakumpulan) bakal > weweg lamun disokong ku individu nu percaya diri kana kahayangna, kamampuhna > jeung pangaweruhna. > > > > Ngawangun Cupumanik teu beda jeung *tarucing cakra* atawa *acak > corak*(puzzle) nu kudu dieusian pikeun ngajejeran Strategi Kabudayaan sangkan > ngahontal Sunda nu Mandiri. Salah sahiji nu bakal mawa pangaruh sangkan > mandiri nyaeta kasadaran *literasi*. Literasi atawa maca jeung nulis, > enas-enasna maca teh bisa ngaderes tur nyurahan pamadegan batur jeung nulis > teh ngadadarkeun pamadegan urang. > > Kudu diaku yen masarakat Sunda kana kasadaran literasi (Sunda) masih handap > keneh atawa malah beuki nyirorot. > > Cek van Peursen mah Strategi Kabudayaan teh proses diajar nepi ka > ngahasilkeun pamadegan nu diaku ku balarea. Tina Strategi Kabudayaan bakal > mere ajen identitas ka anggota masarakatna. > > Urang Sunda dina hirup jeung huripna aya nu onjoy aya nu kurang onjoy, > malah teu saeutik nu mere cap kurang hade (stigma), hartina identitas Sunda > teh aya alusna aya gorengna. Sadar ka palebah dinya geuning strategi > (kabudayaan Sunda) teh proses diajarna panjang keneh, lamun kitu ulah waka > ngaku geus hatam ( ngaku Sunda pangalusna, bisi narsis, kurung batokeun, > autis). Ku kituna Cupumanik mere lolongkrang dina ngama’naan identitas > Sunda, yen tulisan teh kudu aya unsur rekonstruksi jeung dekonstruksi. > > Conto gampangna : > > *Dekonstruksi :* eraan, mangga ti/di payun, teu guyub, aing-aingan, poho > ka sarakan, kurung batokeun, sok korupsi, dikritik sok pundung jste. > > *Rekonstruksi : * hade gawe (etos kerja), cageur bageur bener pinter > wanter, cadu korupsi jste. > > > > Cupumanik lain majalah panglipur, lain majalah nu mawa angin sorga, tapi > ubar keur ngahontal Sunda nu Mandiri, kritis ( dekonstruksi, rekonstruksi > identitas Sunda), najan kitu tulisan nu ditepikeun kudu tetep aya dina > lulurung etika jeung estetika Sunda. Nepi ka karasana ku nu maca teu nereg, > tulisan teh kudu *liat, lemes, teu matak baringsang tapi nyeureud (soft, > smooth, silent but deadly, dicokot tina falasifah martial art, inti penca). > * Lemes lain hartina make basa lemes da Cupumanik mah geus boga ciri make > basa loma, tapi lemes teh leuwih kana gaya tulisan, ngaguluyur lir make > mobil dina jalan hotmix lain dina jalan batu nu garinjul. Ieu teh meureun > luyu jeung etika Sunda saayeunaeun, urang Sunda teu pati resep ka nu ceplak > pahang. Estetikana, mun bisa mah artikel mana wae ge tetep nyastra, rada > murwakanti boh judul boh eusi. Panjang tulisan cukup 5.000 atawa 6.000 > karakter ditambah spasi (4 atawa 5 kaca dina Cupumanik geus kaasup > ilustrasi, lantaran Cupumanik ukuran A5). > > Cupumanik majalah basa Sunda, tapi lain ngan sakadar pindah basa, kudu aya > bedana jeung media citak lain boh nu make basa Sunda deui komo jeung nu make > basa nasional mah. Kukituna unggal tulisan satekah polah kudu aya patalina > jeung Sunda (alam, manusa jeung budayana*)). Conto gampilna aya tulisan nu > alus ngaguar perkara metafor dina sastra, ngan hanjakal nu dicontokeunana > novel jeung sajak basa Indonesia, naha teu nyokot conto tina novel jeung > sajak Sunda?. Pangaweruh nu nulis eta artikel teh luhung ngan hanjakal teu > wanoh kana sastra Sunda. Kitu deui artikel sejen loba nu sawanda. Cupumanik > nyekel sikep ieu teh maksudna sangkan *fungsi sosial basa Sunda* kahontal, > basa Sunda lain ukur hirup dina sastra atawa seni pintonan. > > Strategi kabudayaan dina harti nu jembar (proses diajar) lain mangrupa > undakan wangun piramid, nepi ka aya anggapan dina undak pangluhurna anegleng > tujuan ideal, bisi kajiret ku dikotomi subyek-obyek. Keur Cupumanik mah > Strategi Kabudayaan teh lir buleudan masif (bunder?), dina unggal titik dina > beungeut buleudan (didieu maksadna tarucing cakra atanapi acak corak) aya > unsur budaya ngawengku *mitis, ontologis jeung fungsional,* darajatna > sarua pentingna. Jadi tulisan naon bae ge asal aya patalina jeung Sunda > dianggap penting. Sabab sakabeh unsur budaya eta teh subyek, nu bakal mere > kabeungharan kana kahirupan Sunda turta kamajuan (Cupumanik) salila make > analisis nu rasional. > > > > Nu ditepikeun di luhur teh mangrupa strategi kabudayaan dina harti proses > diajar keur Nyungsi Sunda nu Mandiri, ieu susuluk teh kudu jadi rohna > Cupumanik (keur ditarekahan ku Redaksi, hasil henteuna mah, mangga > nyanggakeun) . Tapi deuih strategi dina harti taktik (cek kamus mah > rarancang nu gemet mangrupa kagiatan keur ngahontal tujuan husus, aya wates > waktu tur aya tolok ukur hasilna) sangkan meunang perang ngalawan media > sejen. > > > > Lamun ieu teh strategi sangkan meunang perang ngalawan media citak sejen, > naha atuh diuar-uar. Kapan ari strategi mah kudu dipikanyaho ukur ku dirina > (rengrengan ais pangampih upamana). Ah keun bae, sabab Cupumanik mah jembar, > rek ditiron ku nu sejen ge pek teh teuing, da tujuan utamana mah sangkan > Sunda mandiri, maju, luhung boga identitas nu hade jste. > > > > Ka baraya sadayana mangga geura nyerat artikel nu leubeut ku pangaweruh > luyu sareng widang elmu sewang-sewangan, kintunkeun artikelna ka > cupumanikmaja...@gmail.com atuh upami bade ngalanggan mangga kontak wae > kana email eta atanapi ka telepon no. 022-7310625 atanapi kintun serat ka > Redaksi Cupumanik Jl.Taman Kliningan II No.5 Bandung. > > > > Pun > > Mamat Sasmita. > > http://rumahbacabukusunda.blogspot.com > > > > *) Budaya dina harti nu lega lain harti nu heureut (kasenian wungkul) > > > > > > > > > > -- tantan hermansah | SM 1270 I 0818 800 528 I Untuk Kebebasan dan Kebahagiaan I Bogor