Nuju di leiden, kantos pendak jeung balad kang Miki, Tom van den Berge, doktor sastra sunda, nu judul disertasina, Van Kenes Tot Kun, (ti elmu ka seni, terus tambahan puisi sunda mangsa kolonial). Aya kopina di pusat studi sunda (PSS jl taman karawitan 2 no 5 saimah jeung majalah Cupumanik), sumbangan ti kulawarga suwargina (alm) Prof Edi S Ekadjati.
Sigana Prof ESE basa ka leiden, jadi narasumber jeung dipasihan copi disertasi eta. Nya dina basa walanda, jadi teu bisa macana. Heuheu. Tom basa diemail dibejaan yen aya kopian disertasina di PSS sumbangan ti prof ESE, nganuhunkeun yen disertasi eta di ka PSS keun. Nya jadi nembrak pikeun umum. Sanajan ngan pikuen nu hatam basa walanda. Nilik judulna saliwatan, ti elmu ka seni, bari ditambahan puisi sunda mangsa kolonial, sigana Tom nalungtik eusi puisi sunda jaman walanda nu ngandung pangaweruh jeung seni dina harti nu jembar. Anapon carpon atawa novel sastra sunda kungsi aya nu ngeritik bari nyimpulkeun yen sastra sunda mah bisa dirumuskeun ka carita kasur, dapur, sumur, lembur. Kaharti mun carpon kandel unsur romantisna, da romantis teh cek basa tukang giribig mah waas tea. Meureun ku kitu unsur romantisna kandel, sabab kaalaman kalakukeun, jrrd. Dalam rangka diwawaas. dibanding mun full ngahayal atawa imajinatif. Tapi eta mah sigana beh ditu, kadieunakeun mah temana asana langkung euyeub. Persisna mah duka ketang :-) _____ From: urangsunda@yahoogroups.com [mailto:urangsu...@yahoogroups.com] On Behalf Of MSasmita Sent: Thursday, May 06, 2010 11:08 AM To: urangsunda@yahoogroups.com Subject: [Urang Sunda] Carpon Sunda Kuring teh keur rada leukeun, sanajan mindeng kaserang panyakit haro(ream), macaan carpon. Maca carpon teh mimiti tina buku Kanjut Kundang (Ajip Rosidi). tuluy kana buku Sawidak Sarita Pondok, Kanagan, Kanagan2 (kumpulan carpon nu kungsi dimuat dina Mangle), buku Lir Cahaya Nyorot Eunteung, Guriang Tujuh, Katumbiri (kumpulan majalahna). Asana kakara sakitu buku antoloji carpon Sunda teh, ngan kahade Katumbiri mah kumpulan majalahna tuluy dibundel, lain antologi. Sababna kuring rada leukeun macaan teh, aya nu keur dikorehan. Gedena aya tilu kajadian penting (pulitik) dina hirup kumbuhna nagara Indonesia, kahiji leupasna ti jaman kolonial jadi jaman kamerdekaan, kadua robahna ti jaman orde lama ka jaman orde baru, katilu robahna ti jaman orde baru ka jaman reformasi. Pastina urang Sunda ge ulubiung dina robah-robahna eta jaman. Pertanyaanana kakemot atawa henteu ku sastrawan (hususna carpon nu kungsi dimuat dina media) Sunda?. Naha enya sastra Sunda leuwih nyoko kana romatisisme? (panineungan jste) Lamun rek nalungtik kalawan daria perkara ieu, mimitina kudu nga-inventarisir heula media naon bae nu kungsi medal ti mimiti taun 1945 nepi ka kiwari, ieu teh lain pagawean memeh mumuluk. Tangtu bakal hese, sabab arsip media teh can tangtu aya (didieu meureun kasadaran nga-arsipkeun kudu direkonstruksi, aya carana mah yen unggal media nu medal kudu dikirimkeun ka perpustakaan nasional sangkan diarsipkeun, Cupumanik rek ngalalanyahan hal ieu). Sanggeus diinventarisir, neangan bungkeuleukanana, dibaca, hasil maca diasupkeun kana form panalungtikan (sastra) ilaharna, jeung satuluyna jeung satuluyna. Kahayang teh jadi buku tah meunang maca teh, hanjakalna ngarasa geus mopo, mun maca lila panon jadi bureng jeung sok jol panyakit matuh, tunduh. Aya alusna mun hal ieu teh ditalungtik ku barudak ngora, bisi kapiheulaan ku deungeun (Robert Wessing, Win van Janten, Mikihoro Moriyama, Mariko Sasaki, Eringha jste). Meungpeung can aya nu nalungtik (aeh enya kitu, atawa kungsi meureun ngan disimpen diperpustakaan kampus atawa dina laci meja) Memeh jadi buku jieun we artikelna heula heug kirimkeun ka Cupumanik. MSas