Sampurasun ! Manawi aya rerencangan di dieu ? Lailahailelloh ! Paingan Kisunda simpe, sihoreng teh di darieu geuning ? Ana kieu mah rek miluan we ah sakalian ! Nepangkeun Nun, Kang Dien tea anu waktos di urang-sunda sering diblokir ku MJ he he da eta panginten kasigeung mamanahanana (kitu da jiwa feodal mah, teu payaan). Padumukan mah, angger keneh di Bekasi nu kiwari nuju subur ku cai (banjir Bekasi teh). Ari kawit mah ti Bandung mung nyakitu, saleresna mah sanes pituin, da ari bubuyut mah ti Garut, Limbangan sareng ti Pasirwangi, kitu oge cenah, da tos pareumeun obor. Sakitu heula manawi, upami palay nyosok jero mah sae japri wae. Pamungkas, etang-etang tilam sono ka tos wanoh, sareng nepangkeun ka urang dieu, nyanggakeun rumpaka sisirintilan. tangkal huni jeung katapang, tangkal turi komo jati ku lami henteu patepang, asa nyeri jero ati tangkal huni jeung katapang, dituaran jaranten deui ku lami henteu patepang, gamparan hapunten abdi kumeli dina karanjang, tomat mah sanes kokosan upami abdi pareng nganjang, omat kedah .. diongkosan api-api ripuh nanggung, saladah leukeun meungkeutna aki-aki wuwuh bingung, ceu odah mikeun heueuh .. na ! jampana apung-apungan, eusina londok keur nyayang matana buburilengan, etana .. dilodok soang kanyere keur parentilan, komo jengkol jeung pisitan awewe cicirihilan, nyoo botol dilamotan waliwis mawa kapiting, karamba ditarakolan rupa geulis awak langsing, dirampa aya .. jengkolan ! daun enteh daun engkol, dina kaleng aya botol sugan teh panakol kohkol, sihoreng teh geuning konyol ! nini anteh dangdan keneh, karamba dina solokan sugan teh parawan keneh, dirampa aya endogan ! aya listrik di masigit, diistora loba jalma aya istri jangkung alit, ari sora siga bima
--------------------------------- Don't get soaked. Take a quick peak at the forecast with theYahoo! Search weather shortcut. [Non-text portions of this message have been removed]
