Enya sabenerna aran tempat teh aya hubunganana jeung riwayat tempat eta. Di lembur kuring aya tempat aranna pambegalan nu hartina baheulana tempat begal (rampog) ngabegal. Tempat ieu sisi jalan Bandung-Cirebon, kurang leuwih 6 km ti Sumedang ka arah Cirebon. Cenah baheulana aya tangkal caringin gede didinya teh. Tah begal teh didinya nungguan nu lalar liwat. Keur budak sok keueung ari ngaliwat kadinya teh, sanajan geus aya lembur jeung tangkal caringinna ge geus euweuh. Kulantaran ayeuna mah geus rame, urang dinya embung lemburna disebut Pambegalan ... nya dirobah jadi Marga Mulya!
Eta dilembur, di kota mah geus puguh. Tempat ayeuna kuring cicing di Bandung, baheulana mah katelah Ciharalang ....jebul weh developer perumahan. Ngarah payu imahna, aranna diganti jadi Bumi Asri, bari jeung euweuh asrina, maklum developer BTN ....hehehehe. Tapi nagara ge sakapeung sok pipilueun ngarobah-robah aran tempat. Nagara kungsi ngaganti Sagara Hindia jadi Sagara Indonesia, bari teu laku di dunya Internasional mah. Nagara oge ngarobah aran kapuloan SUNDA KECIL jadi Nusa Tenggara. Sigana mah nu ngarobah alergi kana kecap SUNDA, tepika kudu dirubah. Ieu oge teu diaku di dunya internasional mah, da dina atlas wedalan ti luar mah tetep we disebut Lesser Sunda .... Ngarobah aran tempat, walungan, laut, pulo jrrd lolobana keur kapentingan duit (ekonomi) jeung kakawasaan (politik). Keur kakawasaan supaya siga Jugala (gagah) jeung kahot (kolot/buhun). Padahal sabenerna kecap Indonesia oge anyar jeung meunang nyiptakeun urang bule. Aran .... naon hartina aran (Shakepeare)? ....urang asli Amerika tetep we beda jeung urang India di Asia, sanajan Columbus ngaranan maranehna urang India (=indian), kulantaran Columbus nyangka geus tepi ka India, tujuanana. Baktos, WALUYA -- In [email protected], "Aasep" <[EMAIL PROTECTED]> wrote: > > Kang D n' Kang R, > Sapertosna ieu ciri khas nami tempat di Sunda anu numutkeun pamendak abdi mah saleresna FUNKY ;))... gawul... nyeleneh... rada jorang :). Urang Sunda mah pan saur Kang Doel Soembang oge kedah cunihin ... lamun lalaki teu cunihin namina kuper :). Mangkana seueur pisan urang sunda anu tiasa janten trend setter :). Kumargi nya eta gawul sareng cunihin na dipiara ;)).
