> From: Rahman > Aneh?... Ah heunteu, dua2 na keur kuring bisa sajalan. Sabab domain > na beda2!:))
Nambahan kanggo kang Enang Wahyudin. Sigana perkara penciptaan sareng evolusi teu kudu diadukeun, saperti disebatkeun ku kang RH sabab domainna beda. Kieu atuh gampangna mah, urang make analogi anu maot. Tangtu aya patarosan kunaon eta jalma teh maot. Jawabna aya 2(dua): 1. Dipundut kunu KAGUNGAN (Agama/ kayakinan) 2. Gering, kulantaran typhus (Elmu pangaweruh/ elmu kedokteran). Jawaban kahiji, bener jeung mutlak, teu bisa didebat. Ari jawaban nu kadua, bener oge, ngan relatif benerna sabab bisa wae dokter salah diagonostik, loba nu disangka kaserang typhus, padahal kaserang Demam berdarah. Jawaban 1 jeung jawaban 2 teu kudu diadukeun da domainna beda, antara kayakinan jeung elmu pangaweruh. Hal nu sarua antara Penciptaan jeung teori evolusi. Timana mangkeluk kumelendang di dunya? Kulantaran diciptakeun kunu Maha Kawasa (bener). Tapi umpama dijawab mangkeluk mucunghul akiibat proses evolusi ratusan juta taun, bener oge sabab loba bukti-bukti anu nguatkeun, lir ibarat dokter nu nyebatkeun ieu jalma teh maot kulantaran kuman typhus dina beuteungna.Saperti oge diagnostik dokter, teori evolusi oge relatif benerna, lamun kapanggih bukti-bukti anu anyar, teori ieu dibebener disaluyukeun jeung bukti-bukti nu anyar kapanggih. Naha teori evolusi aya gunana keur manusa, saperti elmu kedokteran? Tanggtu we aya, nu paling kaciri dina Elmu Lingkungan (Ekologi/ Enviromental Science). Ieu elmu basisna sabenerna prinsip dasar Teori Evolusi: Mangkeluk salawasna nyaluyukeun dirina jeung lingkungan supaya tetep langgeng, lamun teu bisa jenis mangkeluk ieu bakal tumpur. Darwin salian disebut pelopor Teori Evolusi, tapi oge sering disebut "Bapak Elmu Lingkungan", 150 taun katukang, manehna ngabuktikeun fungsi cacing taneuh dina nyuburkeun taneuh. Ku Teori Evolusi, manusa beuki sadar, yen dirina jeung mangkeluk sejenna sabenerna gumantung kana lingkungan. Lamun lingkungan rusak manusa bisa tumpur atawa meureun robah jadi monster ...hahahaha, lain jadi jelema deui. Baktos, WALUYA
