> From: "Rahman" <rsyaif...@yahoo.com> > Mun budak mimiti resep maca, kade tong digarah geureuh. Keun bae maca naon > bae oge... anu penting sina resep maca.
Enya Kang, meureun ngala ka Bapana ...hehehe. Tapi kuring mah di lembur, bacaan kurang. Buku di imah geus beak dibaca, indit ka perpustakaan Desa (baheula mah di kantor desa aya perpustakaan), beak oge dibaca, ka perkara-perkara beternak kelenci jeung ngabasmi beurit di sawah. Hiji waktu di imah manggih buku paririmbon make basa Sunda. Buku ieu sabenerna mah disumputkeun ku indung teh, diluhureun lomari. Dasar sagala hayang nyaho, dicokot, terus dibaca. Wah eusina rame, sagala ilapat jeung tanda-tanda. Tapi aya masalah dina paririmbon teh aya tata cara ...."sapatemon" nu hade ...hehehehe. Teu ngarti kana kecap sapatemon, buku paririmbon teh ku kuring dibawa-bawa kaluar imah, terus ditempo-tempo ka babaturan ulin: " Euy, nyaho hartina sapatemon?" Acan oge babaturan ngajawab, indung geus nyirintil kaluar ti imah, mawa nyere, buku direbut, bari kuring dicepretan ku nyere ...... hehehehe Baktos, WALUYA
