Amatiñok
World Series Bilbon antolatu izanak hainbat kexu sortu du.
[...]
Amatiño,
Artikulua ongi dago lasterketen aitzakiaz euskal automozio industriaz
hitz egiteko, baina aitzaki kaskarra da.
Auto lasterketek eta egiten diren tokiko industriek ez dute zertan
zerikusirik izan behar. Alderantziz, kasu askotan auto lasterketa
hauek pijoen lurraldeetan egiten dira, eta automozioan hiru relebotan
lan egiten dabilen gutxik jarraitzen du Formula 1. Begira Montecarlo,
Paris-Dakar,
karrera eginez Europa osoa zeharkatu zuten lerdo horiek eta abar.
Modu berean bizikletari begiratzen badiogu, bizikleta industria eta
erabiltzaile gehienak Txinan daude. Txinatarrik ez dut nik Tourrean
ezagutu, eta bai amerikar bat, dena irabazten ari dena. Nongoa, eta
amerikarra...
Bestalde, Euskadiko automozio industria oso oinarrizkoa da autoaren
balio katean. Hemen ez
dago auto osoen diseinatzaile edo montajerik, Italia iparraldean edota
Nantes
inguruan dauden bezala. Hemengo industriaren aportazioa gehiago da
oinarrizko industria lana: trokelak, torlojuak, plastikoak, txapazko
piezak eta abar. Gainera, Epsilon Euskadi oso kasu berezia da, eta
MU-ren master horrek ez ditu milaka lanpostu beteko. Azken finean, gai
horren inguruko zenbat lanpostu dago hemen inguruan? Hobe lukete
trokeleria handiaren master bat sortzea (behar hori garbiagoa da),
karrerako autoak konpontzekoa baino.
Nik bost urtetan lan egin dut automozio industrian eta ez dut Formula
1 edo Formula 3000-en zantzurik inon nabaritu. Hori dena publikoari
begira egiten da, ez hainbeste industriari begira. Efekto hori
aprobetxatzeko
euskal auto marka bat izan beharko genuke.
Beraz, askoz egokiagoa litzateke nere ustez automozio hornitzaile
azoka handi bat antolatzea BEC-en. Edo automozio industriaren (ez
automobilen) museo bat. 10 aldiz merkeagoa eta efektiboagoa. Edo
beste edozein ekimen.
Kontua da Guggenheim-a gol handia zan zela Bilborentzat, eta haren
distira itzaltzen doan neurrian orain urtero golak bilatu behar. Baina
intentzio ona onartuko bagenu ere, honek berak ez dut uste kanpora
begira efekto handirik izan duenik. Adibidez: orain dela 15 egun
enteratu da norbait non izan ziren "liga honetako" aurreko karrera?
(eta ez du balio "gaur irratian entzun dut" esateak. Nik gaur entzun
dut Belgikan eta Le Mans-en izan direla aurreko karrerak)
Gari
_______________________________________________
Adi gero, mezuak bidaltzeko: eibartarrak@postaria.com
http://www.eibar.org/zerrenda
harpidetza eteteko: [EMAIL PROTECTED]
