Iberdrola eta Naturgas enpresez gain, beste bat gehittuko dot aukera
esparrua zabaltzeko eta nere ustetan, hobetzeko: Electra Norte, baina
hauek ez jatzuez etxera ate joka jungo. Weborrixan bertan dake eskaera
orri bat (http://www.electranorte.es),
bete, eta gero beraiek jartzen dira hartuemonetan.
Beraien weborrittik hauxe, kopipastian:
- Nor da Electra Norte?
Electra Norte 1997, S.A.U. jatorri berriztagarriko energia elektrikoa
produzitzen eta merkaturatzen duen enpresa da. Jardun esparrua Estatuko
lurralde osoa du. Electra Norte osorik eskumendeko du Electra de
Carbayín, S.A.-k, orain dela laurogei urtetik Asturiasko erdialdeko
bezeroei zerbitzua ematen ari den konpainia banatzaile independenteak.
- Zerk ezberdintzen du Electra Norte
beste elektrizitate-enpresa batzuetatik?
Electra Nortek xede bakarra du: energia berriztagarriak. Horixe da gure
apustu bakarra eta gure konpromiso bakarra. Denek ezin dute gauza bera
esan.
- Nolakoak dira Electra Norteren
bezeroak?
Electra Nortek mota guztietako bezeroei saltzen ahal die jatorri
berriztagarriko elektrizitatea: tentsio altuan zein baxuan; enpresa eta
partikularrei; 17 autonomia erkidegoetan.
[igo]
Hornitzaile aldaketari buruz
- Nor alda daiteke
elektrizitate-hornitzailez?
2003ko urtarrilaren 1etik, Espainian kokaturiko bezero guztiek utz
dezakete bazter tarifa arrunta eta kontrata dezakete elektrizitate
hornidura merkaturatzaile batekin.
- Beste elektrizitate-konpainia
batera aldatzen banaiz, aldatuko al da horniduraren kalitatea?
Ez. Zerbitzuaren kalitatea lehengoa bera izanen da, zure lokal edo
etxebizitzara iristen den sarearen araberakoa baita. Hau da,
elektrizitatea kablean zehar eramaten dizun enpresaz aldatuko zara
soilik. Baina kableak berak ohiko banatzailearen ardura izaten
jarraituko du.
- Horren arabera, bi faktura ordaindu
beharra izanen dut, bata banatzaileari eta bestea merkaturatzaileari?
Ez. Hornidura Electra Norterekin kontratatzen baduzu, gure faktura
baizik ez duzu jasoko. Geu arduratuko gara banatzaileari bere sareen
erabilpenari dagozkion sariak ordaintzeaz. Gure prezioa “dena barne”
da, ezusterik gabea.
- Zer egin behar dut matxurarik
izanez gero?
Hasiera batean, onena duzu banatzailearengana (hots, sarearen
jabearengana) jo, orain arte egin izan duzun bezala. Hala ere,
komenigarria izan daiteke gertatua gero Electra Norteri jakinaraztea,
zure kasuaren segimendua egiteko eta zerbitzuaren hutsuneen
kalte-ordainen bat eskatzea egokia den aztertu ahal izateko.
- Aurrerago alda ninteke berriro
merkaturatzailez edo ohiko banatzailera itzuli?
Bai. Kontratua bukatuta -gurekin, urtebete igarota-, Electra Norterekin
berriz egiteko edo berriro hornitzailez aldatzeko aukera izanen duzu.
Aukera horretan, tarifa arruntaren erregimenera itzuli ere egiten
ahalko zara. Dena den, gurekin gustura ez bazaude, beste hornitzaile
bat bilatzeko askatasuna izanen duzu kontratua igarota.
|
_______________________________________________
Adi gero, mezuak bidaltzeko: eibartarrak@postaria.com
http://www.eibar.org/zerrenda
harpidetza eteteko: [EMAIL PROTECTED]