Nah pikeun ieu kuring sapakat jeung Pak Wapres. Loba masigit jeung mushola mun adzan tina sapeker eta volumena gede teuing owong-owongan. Salain eta Imam sholat berjamaah oge sok make sapeker malah anu aneh masjid leutik jamaah ngan dua shaf, eta make sapeker sorana tarik. Teuing mun eta para jamaahna tarorek kudu make sapaker bae. Make sapeker kop bae tapi volumena ulah gede-gede teuing owong-owongan. Coba bayangkeun mun Sakaluharan aya 10 RW, tiap RW aya 5 Muhola kabeh make sapeker, waktu adzan breng eta sora teh jadi rame jiga bangbara. Kaharti ku akal mun dihiji kalurahan/kampung ngan aya hiji Masigit, terus pikeun ngageuingkeun jelema make sapeker rada tarik, ieu mah unggal pojok aya Masigit jeung mushola. Enya pikeun syiar Islam, tapi urang hirup di tengah masyarakat anu multi agama, tatangga urang ngagem agama sejen (karesten, budha, hindu atawa kong ucu), atuh tembongkeun toleransi teh, pan salaras jeung Islam anu Rakhmatan Lil 'Alamiin tea. Kuring lain henteu satuju kana adzan make sapeker, tapi volumena ulah gede teuing owong-owongan, mending mun ngenaheun sora adzan, kumaha mun jiga embe kacekek, ceuli jadi arateul. Anu alun we halimpu, sora tarik adzan oge geuning masigit henteu pinuh bae.............
Sakitu ________________________________ Dari: Waluya <[email protected]> Kepada: [email protected] Dikirim: Minggu, 29 April 2012 14:22 Judul: [kisunda] Wapres & Speaker Masigit Pidato Wapres Budiono di Dewan Masjid Indonesia nu nyigeung soal speaker TOA di Masigit, jadi kontroversial, loba nu pro jeung kontra. Eusi pidatona tiasa ditingali di http://us.news.detik.com/read/2012/04/29/081222/1904162/10/ini-pidato-lengkap-wa\ pres-boediono-soal-pengeras-suara-masjid Sigana Wapres wani nyigeung perkara speaker di Masigit, meureun ningali conto di Arab Saudi nu pamarentahna ngatur supaya speaker masigit teu tarik teuing. Kahiji ngaganggu, kaduana interferensi jeung speaker ti masigit nu sanes (jadi patarik-tarik). Cenah speaker di masigit, bisa nyababkeun jalma jadi males indit ka masigit da cukup ngadengekeun we di imah. Ieu linkna perkara speaker di Arab Saudi: http://www.eramuslim.com/berita/dunia/arab-saudi-larang-penggunaan-pengeras-suar\ a-masjid-yang-terlalu-keras.htm atawa ti koran Arab News Online: http://arabnews.com/saudiarabia/article495005.ece WLY
