Bu Nis dan rang lapau, Pakaro SMK Dhuafa ko adolah masalah peminjaman dan pengembalian gedung dari paminjam ka pemiliknyo. Dek nan maminjam indak amuah mamulangan, akhirnyo diambiak baliak jo kareh. Kapatang tu gedung tu dieksekusi dan dijago dek satpol pp tapi anak-anak jo guru-guru tetap bausao masuak gedung. Tantu sajo indak buliah. Akhirnyo anak-anak jo guru sacaro demonstratif baraja ditapi jalan di muko gedung tu. Tantu sajo situasinyo bagalau dan pado satu saat, satu batu malayang ka arah anggota satpol pp nan sadang manjago. Tantu sajo mereka berang dan akhirnyo tajadi parang batu, kayu, dsb. antaro siswa dan nan manjago. Babarapo urang anggota satpol pp luko-luko kanai batu. Kaco jendela badarai-darai dek ratusan anak-anak mambae gedung jo panjago jo batu dan kayu atau a sajo nan dapek dibaekannyo. Parang batu ko berakhir sasudah polisi datang. TVRI Padang manyiarkan peristiwa ko kapatang sore dan ambo ikuti. Sudah tu ado wawancara jo urang pemda dan kapalo Dinas Pendidikan Sumbar, Prof. Satni. Diantaro anak-anak nan tingga di asrama mancubo masuak asrama. Tantu sajo indak buliah dek gedung tu lah dikosongkan. Iko lah nan dikamukokan dek Bandaro nan dicaliaknyo di SCTV tu.
Baa nan ka rancak di awak? Tolong bantu yayasan mancarikan gedung lain, kalau paralu mambangun gedung sendiri. mak Sati ----- Original Message ----- From: "[EMAIL PROTECTED] Nismah Rumzy" <[EMAIL PROTECTED]> To: <[EMAIL PROTECTED]> Cc: "'SMA'" <[EMAIL PROTECTED]> Sent: Tuesday, August 03, 2004 3:01 PM Subject: RE: [EMAIL PROTECTED] Diusia malam hari > Bundo ikut lihat di TV bagaimana apa yang bisa kita kerjakan? Somasi? > Bagaimana? > Tolong Sati baa nan sarancaknyo ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ___________________________________________________