Assalamu'a laikum wr.wb., Acok tajadi nan sarupoko. Walaupun kaparaluan no untuak amal, namun aturan salang pinjam tantu tatap musti manuruik aturan nan balaku umum juo. Adaik utang babayia, adaik piutang batarimo. Tibo disalang babaliak-an, tibo di pitaruah bapaliaro. Jadi kok iyo awak manyalang salamo ko, lah paralu diurang nan punyo, tantu musti dibaliak-an. Namun di masyarakaik awak iko nan sulik. Janji acok mungkia, pitaruah acok lupo. Mufakaik salang manyalang biasono manih dimulo no sajo, diujuangno, katiko ka basudah acok sangketo timbua. Saisuak urang seo manyeoan rumah cukuik jo akaik sacaro lisan sajo, kudian timbua masalah, arago seo indak bapatuik-an lai dek arago pitih jatuah. Katiko nan punyo rumah seo mamintak rumah no, nan manyeo indak amuah mambaliak-an. Tapaso ba-uang tulak manyuruah urang pai dari rumah awak sandiri. Sasudah itu urang indak amuah sistim seo lai, barubah jo sistim kontrak. Padohal dalam agamo Islam sistim kontrak nan batulihan ko sarato disaksikan dek saksi-saksi diparintahkan bana sarupo nan tasurek di surek Al Baqarah ayat 282 pakaro utang piutang atau salang manyalang.
Awak prihatin jo kekerasan nan tajadi . Tapi paralu pulo awak tau baraso sasuatu salalu basabab bakarano. Mungkin dek ado pulo kilaf tipak di 'awak' mangko ka tajadi musibah ko. Wallahu a'lam. Wassalamu 'alaikum wr. w b. Lembang Alam ----- Original Message ----- From: Syamsir Alam <[EMAIL PROTECTED]> To: <[EMAIL PROTECTED]> Sent: Wednesday, August 04, 2004 6:58 AM Subject: Re: [EMAIL PROTECTED] Diusia malam hari > Pak Darul, > > Manga dipindahan ka musajik di Banuhampu atau Ampek Angkek. Dipindahan ka > sikola lain sajo di kota Padang mereka indak amuah. Mereka lupo, gedung ko > gedung pinjaman, dan menganggap gedung ko lah milik mereka sendiri. > > mak Sati ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ___________________________________________________