Assalamualaikum.Wr.Wb. Hmmmmm,..Alah bara hari ko, Rn sibuak jo postingan sanak Wady.Sabananyo lamak juo ado inyo di RN ko, palamak dan parami lapau. Tapi kalau lah mambaco kecek nyo nan mambuek hati " goundooook ", raso kadipangaan lah urang samacam tu.
Nan anehnyo, inyo bacando " Anjiang manggonggong kafilah tatap balalu ", Di tabuakannyo benih timun, lah tumbuh lho benih tu, ditanamnyo lai benih semangka.Alah di caliek urang,bahkan ado nan mamatik,atau mamakan buahnyo, inyo pai lai mananam lado batu.Kini pai mancari ladang baru, dek keceknyo,inyo gadang dek diusia urang ( hehehe..sampai stresssssss ). RN iyo dari dulu sabana-bana unik ambo caliek. Urang-urang didalamnyo iyo sabana-bana banyak nan santiang, banyak pulo nan capek " paibo hati ".Mungkinkah ini ke khasan masyarakat Minang ?. Kadang-kadang, ado lho kainginan masuak ka milist khusus Jawa, atau Medan, atau daerah lain.kalau Aceh antah sia nan mamasuakan ambo disinan, nan jaleh, taruih dapek postingan dari sinan, tamasuak malaysia.Tapi indak ado nan salamak di RN ko ambo rasoan. Manga bacando tu ? sabab, kekeluargaannyo sangeklah kental, kadang penuh emosional, kadang lucu-lucu, kadang dek masalah ugamo diskusi jadi bakapanjangan, kadang bapuisi dan berpantun ria urang disinan,ado nan suko mempostingkan berita dari koran di internet, nan acok di diskusikan masalah budayo Minang dan masalah ugamo,dan macam-macam lai. Untuak masuak ka milist lain, indak talok wakatu di ambo doh.Di RN ko sajo lah abih wakatu dibueknyo, alun mambaco Pos Metro, Padang Ekspress, media, Kompas , detik, Republika, Pos kota ( hehehe..ini berita macam-macam sajo isinyo ). Biasonyo baca berita, pagi hari sasudah shalat tahajjud, dan subuah, baco Al Qur'an, baru caliek internet,( kalau sempat, kalau anak-anak alah bangun iyo indak talakik lai doh mambuka internet ). Kalau anak-anak jo apa paja alah pai ka sikola,dan kakantua, tingga ambo surang, ( kalau dulu, sakarang lai ado teman nan ketek ), baraja,baco-baco buku, manggosok sambia manonton televisi caliek acaro ceramah di Channel " Al majd ", kadang mandangaan Al Qur'an, caliek internet, masak jo pekerjaan rumah lainnyo,pai kamasajik basuo jo teman-teman, kadang pai urusan dek sibuak di kepengurusan, rapat ini dan rapat itulah.Ondeh...lah banyak kasibukan tiok hari. Bilo lai kabaribadah, apo hanyo pagi jo malam sajokah ? Itulah sababnyo, untuak panambah amalan ibadah dan bekal di akhirat, ambo cubo niatkan segala sesuatu dari pagi sampai malam, sampai pagi lai, diniatkan kasadoalahnyo jo niaik ibadah ka Allah SWT. Mamasak, jo pekerjaan rumah, di ikhlaskan karena Allah, ikuik manolong di organisasi karena Allah,maurus bayi dan maaja anak-anak diniaikan ibadah karena Allah,manulih dan mambaco barito di internet diniaikkan karena Allah jua, pokoknyo, indak batangnyo doh, sado pekerjaan nan elok rancak sajo diniakkan karena Allah.Bia indak sio-sio rasonyo wakatu tu. Hari kiamat alah samakin dakek pulo.Takuik awak,beko manyasa.Alah sakratul maut baru manyasa. Hmmm......hiduik... Wassalam.Rahima. __________________________________ Do you Yahoo!? Yahoo! Mail Address AutoComplete - You start. We finish. http://promotions.yahoo.com/new_mail ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________