--- Angku Taufiq Rasyid ko iyo acok juo ambo baco namo baliau katiko ambo rajin mancigok-cigok sin ka milis Ampek Angkek. Tapi iyo baru ka tau ambo bahaso baliau ko urang Panampuang. Di Panampuang ko ado rumah padusi pak etek ambo. Kakak ambo disinan ado nan banamo Syukri, kini baliau di tanjuang Pinang. Antah lai lah tau angku Taufiq di baliau. Ado pulo nan labiah sarik saketek pado itu, kawan urang gaek ambo nan laki-laki, nan maiambaukan kaba ka Koto Tuo bahaso urang gaek ambo alah gugur di bulan Juni 1958 di Koto Panjang Kamang hilia. Gala baliau, Mangkuto. Ambo manyabuik baliau tu mak Mangkuto. Mungkin iyo agak kabua gambar nan ambo sampaian.
________________________________________________________________________ _________________ Kalau Syukri ko banyak juo nan ambo tau. Tapi kalau nan di Tanjuang Pinang mungkin rang Lauik, nan dulu bakarajo di kapa PT Aneka Tambang. Ado juo ciek lai adiaknyo karajo kapa juo. Kapatang ko basobok di ambo di tampek famili diJakarta. Kalau nan bagala Mangkuto ko nan ambo tau biaso kami panggia Mak Kuto Sumi, rumah rang gaeknyo di Kandang juo, baliau barasa dari Sungai Baringin. Rasonyo baliau tantara PRRI juo dulu. Kini lah almarhum, anak-anak baliau ado di Guguak Pantang Kerang dan Koto Ranah, kaduonyo masih di Jorong Lurah He...he...lamak juo kito basajarah ko. Iyolah sabana ketek bumi ko.... Dima-dima kok dijalujai-i, ado sajo sangkuik -manyangkuiknyo. Sia nan tau arati "jalujai-i" tu.-- Website http://www.rantaunet.org _____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ____________________________________________________
