Acabo de ler a nova no sitio do GLUG, máis que nada sorprendeume e reforzou o meu descoñecemento no tema das subvencións/adxudicacións/empresas/organizacións e demáis temas relacionados coa economía . Resulta que o CESGA saca a concurso a localización do OpenOffice ao galego. Tamén me sorprendeu ver que o CESGA é unha sociedade anónima e non un centro dependente directamente do MEC ou da Xunta. É polo tanto esta sociedade de xestión a que fai a proposta de concurso.
Ben, primeiro, ¿sabe alguén se a atribución da tradución do OpenOffice foi para o CESGA, por parte da organización do OpenOffice, e ésta a está subcontratando, ou simplemente se está tomando a liberdade o CESGA de sacar a concurso a tradución deste software (o que supoño)?. Neste derradeiro caso, terase que ter en conta que o OpenOffice coido estaba parcialmente traducido? Ademais como e posíbel que o prazo de presentación de proxectos remate o 5 de outubro (a vindeira semana) se o concurso veu a luz estes días? ¿Como é posíbel que se gratifique o traballo coa cantidade desmesurada de 140.000 euros (20 millóns e medio de pesetas) por un proxecto que ten que estar rematado o 15 de decembro de este ano e coido non supón tanto traballo para un equipo de filólogos ben pagados? Pois coido que a min esto me cheira ao de sempre en galicia e españa, que o fluxo de diñeiro está preconcebido para tal empresa a cambio de traballo lixeiro de coste inferior ao fornecido. Tal e como presentan as condicións, pode que estean optimizadas para unha empresa predeterminada? Por certo tamén, a ligazón apunta a un ficheiro pdf dentro do cartafol concursos, mais no mapa da web non aparece a sección concursos. Ademais nin sequera aparece na portada da páxina do cesga, o que, tratándose da cantidade que ofrecen, merece un rinconciño no primeiro plano non? Pero o que me toca as ****** (narices) é que xa existe un proxecto de tradución de OpenOffice a cargo de Roberto Abalde (Proxecto Ceibe) que aínda que desfasado supoño pois supón unha boa excusa para ofertar un traballo sobre terreo xa sachado. Mais notar tamén que existen dous modos de tradución do Openoffice, o 18n e 10n, e non sei moi ben que vía se vai a empregar. Máis info en: http://www.glug.es/modules.php?name=News&file=article&sid=664 http://www.cesga.es/concursos/concurso4_05/concurso4_05.pdf ¿Que opinión vos merece? ¿Está algún de vos implicado ;P? _______________________________________________ Trasno mailing list tra...@ceu.fi.udc.es http://ceu.fi.udc.es/cgi-bin/mailman/listinfo/trasno
