>> Por certo, xa hai bastantes erros detectados en Gnome que alguén de
>> Gnome tería que ir corrixindo, quen se ofrece voluntario? Hai certos
>> erros que están moi espallados e que vai levar moito tempo corrixir.
>>
>> Por outra banda comentar que os erros de KDE parece que se propagan
>> cara openSuse, así que corrixilos sería dobremente bo, pero con calma
>> e cando haxa tempo.
>
> Dos erros de Gnome voume encargar eu.
> Xa te fixarías que son case todos dos extras, que non traducimos en
> Mancomún. Menudo traballo que estás a facer...
> Por outra parte comento que en Mancomún estamos a completar (é dicir, que
> lle estamos dando) á axuda de todo OpenOffice porque hai anos que non se lle
> volveu tocar.
>
> Non o dis pero supoño que os erros de Gnome serán da última versión, ou ?
> (no fondo dá igual porque os vou buscar e xa está)
Pois a verdade é que non miro en que parte do proxecto están, a non
ser que sexa un dos meus (para corrixilo). Por certo, hai certos erros
que aparecen moitisimas veces, prefires facer coma Marce de ilos
corrixindo pouco a pouco ao revisar todos os ficheiros cadea a cadea,
ou prefires que che indique onde están os erros?
Respecto ó do traballo, cando consiga automatizar o proceso será
simplemente buscar unha palabra, indicar traducións aceptadas para que
saque estatísticas e para reducir a lista de cadeas con posibles
problemas, e despois simplemente teño que ir mirando a lista de cadeas
que quedan para ir sacando as que penso que son erróneas.
A ver, a maioría dos erros (ou sexa, quitando os catro primeiros)
foron atopados usando unha versión actualizada das bases de datos de
open-tran, que se xeraron non hai máis de dúas semanas (unha semana
incluso), e en teoría usaron a última versión de tódolos proxectos,
pero eu non diria máis. Ou sexa, en principio os erros están en trunk.
Ata logo,
Leandro Regueiro
