Ola a todos e a todas: Hoxe dispúxenme a instalar CyanogenMod no meu dispositivo, coa sorpresa de que non está localizado ao galego. Despois de buscar un pouco pola súa páxina, nin sequera hai un proxecto de localización deste sistema operativo móbil ao galego.
Eu intentarei traducir o que poida, mentres teña tempo. Para os interesados, nesta ligazón<http://wiki.cyanogenmod.org/w/Doc:_Translation_Guide>tedes a guía (en inglés) do proceso de tradución (aínda que para o meu gusto explica moi poucas cousas). Atopei tamén este proxecto<https://www.transifex.com/projects/p/cmtx_11/language/es/>de localización ao español en Transifex, mais descoñezo se é algo oficial ou se o que se fai aquí chega a ter relevancia no sistema operativo ou non. Polo de mentras eu solicitei mediante esta páxina a localización ao galego, supoño que alguén terá que aprobala para que se poda levar a cabo. Un saúdo a todos. -- Isaac Álvarez Veiga Tradutor Inglés/Alemán>Galego/Español Estudiante do Mestrado en Tradución Multimedia
_______________________________________________ Proxecto mailing list Proxecto@trasno.net http://listas.trasno.net/listinfo/proxecto