RIRI SATRIA manulih :
...(bakarek)...
>(argumennya, jika dalam jangka
>waktu tertentu secara terus menerus tidak memberi nafkah, maka dalam Islam,
>sang isteri berhak mengajukan gugatan cerai).
>
>Soalnyo ado kawan Ambo, kanai PHK, sedangkan isterinya adalah seorang guru,
>dan praktis sumber pemasukan keluarga dari gaji isteri. Inyo maraso terhino
>bana dek karano manganggur ... karajo indak dapek-dapek, obyekan indak ado
>pulo ... bagaimana menyikapi kondisi sarupo iko ? APakah dia bakal
>kehilangan jati dirinya sebagai laki-laki ?
>
>Mohon pendapat Pak Khairi ...
>
>Terima kasih sebelumnya
>
>Salam
>~Riri
Wa'alaikum salam.w.w.
Maaf, agak talambek stek dek karano ado lo masalah di antaro
urang muslim di siko nan paralu ditangani segera. (Untuak Mul,
kudian ambo tulih dih, ari lah laruik pulo ko).
Alah ambo baco dan mangarati aa nan sanak Riri sampaikan.
Co iko.
Ado beberapa kesalahan pengertian di awak dan itu alah membudaya,
dek karano tatulih di buku nikah terbitan Dept. Agama Republik
Indonesia. Dan hal itu tanyato bebeda jo apo nan ditarangkan
dalam banyak buku fiqih. Dan persoalan iko pulo nan tabicarokan kini.
Di dalam buku Nikah tatulih ta'liq talaq nan bunyinyo kalau
indak salah bahaso bila suami tidak memberi nafkah isteri lahir
bathin selama enam bulan, dan isteri mengadukannya ke badan yang
berwenang, maka jatuhlah thalaq satu.
Ndeeh,... murah bana. Padahal jaleh-jaleh hadits nabi mangatokan,
"Permudah nikah dan persulit thalaq".
Persoalan ko dalam buku fiqih dikatokan bahaso ta'liq thalaq ko
hukumnyo makruh, dan bilo mambuek kekacauan akan jadi haram.
Ambo yo bana indak mangarati baa mako hal iko pulo nan ado di Indonesia.
Bahkan dalam hadist dikatokan,
"Sesuatu yang halal yang amat dibenci Allah ialah thalaq". (HR. Abu
Daud dan Ibnu Majah).
Cubo sanak bayangkan, kok nyampang kesulitan ekonomi sarupo kini
ko berlanjut sampai babarapo tahun, alah bara banyaknyo urang
nan bacarai dek nyo tu (tanpa mancaliak bahaso nafkah tu lahir
bathin, bukan hanyo pitih sajo). Batambah kacau dibueknyo, dan jaleh-
jaleh hukumnyo jatuh ka haram. Tapi kadipangakan, ka Tuhan Allah
tapulang kasadonyo.
Babaliak ka carito sanak Riri tadi.
Persoalan nafkah alah digambarkan dek rasulullah, mulai dari
saat meminang, atau maagiah mahar. Co iko.
Dari 'Aisyah, bahwasanya Rasulullah saw. telah bersabda :
"Sesungguhnya yang sebesar-besar berkat nikah ialah yang
sederhana belanjanya". (HR. Ahmad).
Dari Jabir, "Sesungguhnya Rasulullah saw. telah bersabda :
"Kalau sekiranya seorang laki-laki memberi makanan sepenuh
dua tangannya saja untuk maskawin seorang perempuan,
sesungguhnya perempuan itu halal baginya" (HR. Ahmad dan Abu Dawud).
Firman Allah swt. :
"Orang yang mempunyai kemampuan hendaklah memberi nafkah menurut
kemampuannya" (At-Thalaq :7).
Dari ayat-ayat ko, baa sabananyo urusan nan dikamukokan dek sanak Riri
tadi ?. Dari mulo perkawinan urang laki-laki diagiah baban sasuai jo
kemapuannyo dan kalau nan padusi namuah manarimo sebagai suami aratinyo
baa pun kemampuan suami, sang isteri akan rela manarimo. Dalam hal iko
tantu tapulang ka iman isteri tadi. Dalam buku fiqih nan ado jo ambo,
hadist-hadist ataupun ayat dalam soal nafkah ko, indak manyabuikkan
bara gadangnyo nafkah nan diagaiah, akan tetapi nan sasuai (pantas) jo
keadaan wakatu itu dan disasuaikan jo kemampuan suami.
Nah, dari siko jaleh, bahaso kalimat di bawah ko
>maka dalam Islam,
>sang isteri berhak mengajukan gugatan cerai.
indak batua. Ta'liq thalaq nan ado di buku nikah tu bukan aturan Islam
secara resmi, dan bahkan di makruhkan dan bilo memperburuk keadaan akan
jatuh haram.
Nan kaduo, kalimaik nan di bawah ko,
>jika kondisi ini terjadi dia bisa kehilangan hak-nya menjadi seorang suami ?
indak batua juo do. Ambo buliah katokan bahwa, kalau suami indak manalok
ciek juo lai, apakah sacaro bathin atau sacaro lahir, dari segi fisik alah
indak kamungkin rasonyo lai, dan ndak ado nampak sumangaik tu lai do,
iko tapulang ka isteri nan basangkutan. Kalu lai nio bakorban demi mencari
ridha Allah, malah jauah labiah elok, sabab dalam hadist dikatokan,
Dari Ummi Salamah : Sesungguhnya Nabi saw. telah bersabda :
"Barang siapa diantara perempuan yang mati, dan ketika itu suaminya suka
kepadanya, maka perempuan itu masuk surga" (HR: Ibnu Majah dan Tarmidzi).
tapi kalau isteri indak namuah lai, disikolah baru
buliah balaku hak mamintak carai tadi. Tapi kalau suami segar bugar,
hanyo dek baranti karajo. Indak ado caritonyo kehilangan hak manjadi suami
do tu, dan paralu diingek, kalimaik kahilangan hak tu indak ado sabalun
thalaq jatuah dan abih masso iddah nyo. Tolong digaris bawahi iko.
>APakah dia bakal kehilangan jati dirinya sebagai laki-laki ?
Kapado urang laki-laki ambo sampaikan. Kok lai maraso hino deknyo,
alah jadi tu mah, alah modal tu. Tapi jan patah arang, jan layua dinyo,
jan nyanyua atau muno dibueknyo. Disiko kito ditantang sabagai kilaki.
"Mangecek tantu iyo murah ...khairi", ooo indak, iko bukan soal kecek
mangecek. Iko nan harus ditanam di ati kito surang-surang. Nan partamo,
Allah swt. malarang satiok pribadi Muslim baputuih aso. Dikecekkan dalam Al
Qur'an,
"Katakanlah : "Hai hamba-hamba-Ku yang melampaui batas terhadap diri
mereka sendiri, janganlah kamu berputus asa dari rahmat Allah,......"
(QS: 39:53).
Dilarang baputuih aso, baru dek karano kanai PHK alah panik nan tibo.
Kito manusia diagiah aka dek Tuhan Allah, gunokan aka tu. Tampek mancari
rasaki kan bukan ciek, tampek karajo indak ciek. Bahkan kalau indak ado
bana lai, salamo mancari rasaki halal indak paralu malu. Kok paralu
maangkek tangkai tajak, mancangkua di sawah mancari rasaki, indak paralu
pulo malu. Salamo lai namuah bausaho babagai jalan bisa ditampuah,
"Allah tidak akan mengubah nasib seseorang, suatu kaum, suatu bangsa,
sebelum dia, mereka mengubah nasibnya sendiri". (ambo lupo, iko bunyi
Al-Qur'an atau Hadist).
Dan jan lakeh panik, nan namonyo cobaan ko akan tibo siliah baganti.
Dikecekkan dek Allah swt.
"Dan sungguh akan Kami berikan cobaan kepadamu, dengan sedikit ketakutan,
kelaparan, kekurangan harta, jiwa dan buah-buahan. Dan berikanlah berita
gembira kepada orang-orang yang sabar". (QS:2:155).
Salamo aka lai jalan, digunokan saabih-abihnyo mancari rasaki Allah ko.
Sabab nan namonyo rasaki indak datang baitu sajo do tu. Tapi nan pokok
pangka nan paralu dipacikkan iyo baiman jo taqwa. Kalau lah menghalalkan
segala cara, indak paralu dipakecekkan lai, alah jaleh baa kasudahannyo
nanti. Tapi kok lai bapacikkan iman jo taqwa, dan tawakal ,,,aa nan kecek
Tuhan Allah pulo
".... Barang siapa yang bertaqwa kepada Allah, niscaya Dia akan memberikan
jalan keluar baginya. Dan memberinya rezeki dari arah yang tiada disangka-
sangka. Dan barang siapa yang bertawakal kepada Allah, niscaya Allah akan
mencukupkan keperluannya....." (QS:65:2-3).
Bara juo lai tu, Allah swt. ka maagiah rasaki dari arah nan indak disangko-
sangko dek awak. Jaleh bana bahaso kunci iman, taqwa jo tawakal ko paralu.
Cuma ado catatan dari ambo snek, dalam tawakal ko ado usaho, bukan manamia
bapangku tangan, sudah tu tibo sajo rasaki dari nan indak disangko, indak
sarupo itu kajadiannyo do tu.
Sakitu sajo dulu.
Wabillahi taufiq wal hidayah
Wassalam
Khairi Yusuf
LAPAU RantauNet di http://lapau.rantaunet.web.id
Isi Database ke anggotaan RantauNet:
http://www.egroups.com/database/rantaunet?method=addRecord&tbl=1
=================================================
WEB-EMAIL GRATIS ... @rantaunet.web.id ---> http://mail.rantaunet.web.id
=================================================
Subscribe - Mendaftar RantauNet Mailing List, kirimkan email
Ke / To: [EMAIL PROTECTED]
Isi email / Messages: subscribe rantau-net email_anda
Unsubscribe - Berhenti menerima RantauNet Mailing List, kirimkan email
Ke / To: [EMAIL PROTECTED]
Isi emai / Messages: unsubscribe rantau-net email_anda
=================================================
WebPage RantauNet http://www.rantaunet.web.id dan Mailing List RantauNet
adalah servis dari EEBNET http://eebnet.com, Airland Groups, USA
=================================================
