Assalamualaikum Wr.Wb.
Lah lamo maangguak-manggeleang sin di muko screen, hari ko ambo jadi
tagarik pulo untuak manyalo saketek. Kalau Dedeh alah mangomentari
tantangan tuduhan "padusi nan indak santun", ambo cuma ingin manyoroti
keluhan nyiak Abu baraso "sabana payah mandidik istri nan sholeha" (tantu
mukasuik nyiak Abu untuak "jadi sholeha", sabab kalau lah sholeha kan no
problem lai).
At 01:04 30/04/00 EDT, [EMAIL PROTECTED] wrote:
>untuak mandidiak istri nan sholehah iyo saban payah.
>bagi apak² nan punyo bini kurang agamonyo tolonglah dipabanyak mandanga
>pangajian kaMusajik untuak manambah-manambah pangatahuan agamo.
Tantu ado beberapo panyabab "sabana payah" tu. Lai kolah nan mandidiak tu
(sang 'pemimpin') bisa memberikan contoh, dan nan penting bana, lai kolah
sang pemimpin cukup 'sholeh' agar bisa mandidiak istrinyo menjadi
'sholeha'. Satuju ambo jo anjuran nyiak Abu tu agar apak-apak mampabanyak
pangajian, manambah pangatahuan ugamo. Kalau ambo liek sacaro umumnyo di
kampuang awak, labiah banyak pangajian nan dilakukan ibuk-ibuk daripado
apak-apak. Salah satu contoh, di RK kami di Aia Tawa di Padang, samulo ado
pangajian untuak ibuk-ibuk sekalian jo apak-apak sakali saminggu sasudah
Asyar. Baralah ka indahnyo kalau Ibuk jo Apak samo-samo pai mandanga
pangajian ka surau, tapi sayangnyo makin lamo jumlah apak-apak nan datang
makin bakurang kasudahannyo abih, sadangkan induak-induak tambah lamo
tambah banyak. Iyooo, alasannyo apak-apak sibuk, ado rapek, ado
karajo...dll,dll. Kasudahannyo cuma ado pangajian Ibuk-ibuk sin lai di RK
kami tu.
Kalau sang suami mandidik, mengarahkan ataupun mamarintahkan istri untuak
melakukan ibadah dll adolah hal yang wajar dan begitulah seharusnyo. Sang
suami bisa bangih ataupun mamarintah istri agar melakukan ibadah dan
malahan bisa pulo mahukum istri nan indak shalat. Tapi ba-a pulo kalau sang
suami nan indak shalat, indak saleh, indak baiman. Banyak juo apak-apak nan
kurang baiman, kurang tabah maadok-i masalahah kehidupan, maadok-i tekanan
di tampek karajo, krisis ekonomi, apo lai kalau kanai PHK, sahinggo istri
dan anak-anak nan jadi sasarannyo.
Ba-a caronyo istri maarahkan sang 'pemimpin' nan indak saleh, kurang baiman
ko? Sabab istri harus patuah ka suami. Baliak ka pernyataan nyiak Abu di
ateh baraso "mandidiak istri untuk jadi sholeha sabana payah", ambo raso
labiah payah malah sang istri maadok-i suami nan indak saleh nan indak taat
baibadat, nan kurang kurang bana imannyo.
Sagiko sajo dulu, ambo labiah elok indak manyingguang sebarapo banyak
suami nan indak sholeh dan seberapo banyak nan berselingkuh dibandiangkan
jo padusi/istri. Masih takana juo hasil survey (Naek Tobing?) di Jakarta
dulu mengenai persentase laki-laki nan lah married tapi berselingkuh
.....:)But, let's not make it more complicated, mudah-mudahan kito di RN
elok-elok kasado alahe ...:-) dan selalu bausao maningkekkan iman dan takwa
kepada Allah SWT.
Sagitu dulu, mohon maaf kalau ado kato nan indak berkenan di hati. Kalau
masih ado nan baminat, diskusi bisa kito lanjutkan, tapi ambo ka mintak
permisi untuak malanjuikkan tugeh nan utamo.
Wassalam,
dr
LAPAU RantauNet di http://lapau.rantaunet.web.id
Isi Database ke anggotaan RantauNet:
http://www.egroups.com/database/rantaunet?methoddRecord&tbl=1
İİİİİİİİİİİİİİİİWEB-EMAIL GRATIS ... @rantaunet.web.id --->
http://mail.rantaunet.web.id
İİİİİİİİİİİİİİİİSubscribe - Mendaftar RantauNet Mailing List, kirimkan email
Ke / To: [EMAIL PROTECTED]
Isi email / Messages: subscribe rantau-net email_anda
Unsubscribe - Berhenti menerima RantauNet Mailing List, kirimkan email
Ke / To: [EMAIL PROTECTED]
Isi emai / Messages: unsubscribe rantau-net email_anda
İİİİİİİİİİİİİİİİWebPage RantauNet http://www.rantaunet.web.id dan Mailing List
RantauNet
adalah servis dari EEBNET http://eebnet.com, Airland Groups, USA
İİİİİİİİİİİİİİİİ
