Bismillaahir rahmaanir rahiim
Rang Lapau kasadono nan hambo sayangi.
Kok buliah, hambo manyololah saketek soal Jilbab iko.
At 07:12 2000-05-12 +0000, you wrote:
>Assalamu'alaikum WW
>
>Untuak soal jilbab bialah ambo cubo mamulai...,
>
>Untuak saak kini ambo maliek lah mulai batambah banyak Kaum Muslimah nan ba
>jilbab, apokoh iko tren atau apo ...ambo indak bisa manjawab...
>dek iko hanyo nan nampak
>
Pudin:
Sanak hambo nan suko "palai rinuak", kok memang tren-nyo kini, baruntuang
awak tu. Jadi indak paralu manyuruah-manyuruah ka induak-induak, nan
biasonyo manjawek "ah, angek bajilbab tu" kutiko awak himbau inyo manutuik
auratnyo.
>Tetapi satu hal nan paralu di paratikan juo baraso tantang ba jilbab iko
>harus di liek dulu apo nan manjadi dasarnyo dek urang...
>Ado nan iyo bana dari dalam...
>Ado nan ikut-ikutan
>Ado nan dek sikola di sikola agamo
>Ado nan tapaso....
>
>Nah sasudah itu, baa bantuak jilbabnyo...ado nan bajilbab gadang
>ado nan bajilbab tapi dibawahnyo mamakai rok panjang...
>ado nan jilbab modern (di bawahnyo pakai celana panjang)...
>ado pulo pakai songkok....taruih salendang...
>dan nan mamakai salendang ala Benazir Bhutto atau ala Mbak Tutut...
>malah ado nan transaparan...
>
Pudin:
Sanak Palai Rinuak, tak usahlah awak pusiangkan bana apo motif
induak-induak tu bajilbab. Kok masih dalam tahap "introduction how to close
aurat", bialah salah-salah saketek. Tapi dalam wakatu nan bajalan, andaknyo
kito haruslah maagiah tau ba'a nan sabanano menutuik aurat tu. Marilah awak
cubo menerapkan "continues improvement" dulu jan langsuang awak vonis
"indak ado gunono" baitu.
Dulu bini nan hambo cintoi tu indak namuah juga mamakai jilbab untuak
manutuik auratnya. Sampai hambo malu juo ka kawan-kawan "ba'a tu lakinya
dakek ka masajik tapi binino indak namuah manutuik aurat". Hambo mulai
bado'a ka tuhan hamba satu-satunyo yaitu Allah di malam-malam nan tanang
bana. Sampai-sampai tacucue aiemato hambo minta-mintak dibukakan hati bini
hambo untuk dapat manarimo bimbingan Allah dengan mudah. E-eh, barisuaknyo
ruponya inyo pai ka pasa dibalinyo kain dan dibueknyo jilbab nan inyo suko.
"Alhamdulillahir rabbil alamiin" kecek hambo di hati.
Kiniko hambo lah sanang, bini hambo itu alah sanang dan mangarati manga
harus manutuik aurat cukuik-cukuik. Nah kini ko hambo maajak rang lapau
kasadono tarutamo untuk nan "suami-suami" marilah awak mulai berdakwah
untuk bini-bini awak sahinggo inyo memakai jilbab dan manutuik auratnyo
cukuik-cukuik. Ba'a kok awak programkan salamo 3(tigo) bulan mulai hari kini ?
Untuak gadih-gadih nan ado di lapao ko kok namuah sarato, yo elok bana.
Hambo do'akan untuk kalian : "semoga menjadi hamba Allah yang santiang
taatnyo hingga menjadi hamba Allah yang paling disayangi Allah dan
makhluk-Nya".
>Tetapi urang bajilbab atau indak .... itu indak bisa dijadikan dasar
>panilaian soal hubungannyo dengan nan Maha Kuasa Allah SWT..., sahinggo
>pertanyaan SAnak Mulyadi ka bakeh Uni Evi sarato Uni Rita rasonyo kurang
>pado tampeknyo....
>Soalnyo ambo punyo contoh kasus...wakatu kuliah ambo punyo kawan padusi nan
>pakai jilbab....namun parangai-nyo itu jauah dari atribut jilbabnyo , malah
>labiah pulo dari kawan padusi umumnyo......, lah dicubo maagiah tau....indak
>jo barubah ...sahinggo kadang kami sampai tega mangecekkan.... jaleh bana
>indak bajilbab jaleh pulo nan kadikecekkan ka bakeh inyo.......
>Tetapi ado pulo kawan surang lai.... parangai malah elok bana...hanyo alun
>pakai jilbab....
>
Pudin:
Hop, hop, jan ditaruihkan dulu ! Jan awak campua aduakkan antaro nan haq
dan nan bathil. Nan bajilbab itu adalah "HAQ" sadangkan nan parangai buruak
tu adolah "BATHIL". Cubolah awak pisahkan ciek-ciek. Bajilbab jo baparangai
buruak itu duo pakaro nan indak buliah awak samokan. Untuanglah inyo
bajilbab. Kok alun mungkin inyo labiah jahek dari nan itu. Ba'a baitu ?
Saketu dululah komen dari hambo soal jilbab iko. Maafkan hambo yo kok ado
nan indak masuak di aka.
Assalamun alaikum wa rahmatullahi wa barakatuh.
Syaifuddin Ma'rifatullah - Aceh.
LAPAU RantauNet di http://lapau.rantaunet.web.id
Isi Database ke anggotaan RantauNet:
http://www.egroups.com/database/rantaunet?method=addRecord&tbl=1
=================================================
WEB-EMAIL GRATIS ... @rantaunet.web.id ---> http://mail.rantaunet.web.id
=================================================
Subscribe - Mendaftar RantauNet Mailing List, kirimkan email
Ke / To: [EMAIL PROTECTED]
Isi email / Messages: subscribe rantau-net email_anda
Unsubscribe - Berhenti menerima RantauNet Mailing List, kirimkan email
Ke / To: [EMAIL PROTECTED]
Isi emai / Messages: unsubscribe rantau-net email_anda
=================================================
WebPage RantauNet http://www.rantaunet.web.id dan Mailing List RantauNet
adalah servis dari EEBNET http://eebnet.com, Airland Groups, USA
=================================================
