Assalamu'alaikum wr.wb.
Ambo raso indak ado hubungan langsuang parangai jo jilbab doh. Tapi kalau kesannyo (kesan partamo go eh) iyo ado. Nan bajilbab "kesannyo positive" nan indak bajilbab "kesanno easy going lah", dari pandangan laki-laki (mungkin). Tujuannyo pakai jilbab kan untuak manutuik aurat supayo "indak maundang turun naiak jakun-jakunnyo laki-laki mancaliak kalau ado nan ta..... (taruihan se la surang).
Salain dari itu, kalau pakai jilbab (baco: manutuik aurat), nan padusi tu nampakno iyo sabana PEREMPUAN.
Tapi masalahno, sabana sulik kiniko maanjurkan padusi pakai jilbab. Katinggalan mode katonyo, angeklah, tunggu lah kalau lah jadi hajjah. Kamudian kalau pai baralek, kan biasono ibu-ibu pakai kabaya........ 'a baa lo cando no kalau pakai jilbab duh.......
Salam,
dn
> Assalamu'alaikum wr.wb.,
>
>
>______________________________ Reply Separator _________________________________
>
>Author: [EMAIL PROTECTED] at Internet
>Date: 5/12/00 12:11 PM
>
>
><diapuih>
>
>Soalnyo ambo punyo contoh kasus...wakatu kuliah ambo punyo kawan padusi nan
>pakai jilbab....namun parangai-nyo itu jauah dari atribut jilbabnyo , malah
>labiah pulo dari kawan padusi umumnyo......, lah dicubo maagiah tau....indak
>jo barubah ...sahinggo kadang kami sampai tega mangecekkan.... jaleh bana
>indak bajilbab jaleh pulo nan kadikecekkan ka bakeh inyo.......
>Tetapi ado pulo kawan surang lai.... parangai malah elok bana...hanyo alun
>pakai jilbab....
>
>Sekedar paumpan bola...
>
> Maa nan elok, urang bajilbab tapi parangaino buruak atau urang ndak
> bajilbab tapi parangai no elok? Iyo agak payah awak manjawabno. Tapi
> ambek cah, kadicaliak dari suduik pandang nama?
> Kalau dari suduik pandang urang-urang nan bajilbab tantu elok urang
> nan partamu. Kalau dari suduik pandang urang baparangai elok rancak
> nan kaduo.
>
> Maa nan elok katan badatuih jo goreng pisang rajo mudo? Elok untuak
> dipangaan? Untuak dimakan indak elok ciek juo doh. Katan badatuih,
> bialah katan sipuluik tulang nan arum bana, sakik rakungan mamakanno,
> goreng pisang rajo mudo paik jo kalek di lidah.
>
> Mauji elok ko iyo paralu diciekan dulu caro pandang. Baliak kanan
> partamu cako. Kalau nak manciekan pandangan tantu dibao baliak
> kasuduik agamo, karano raso-rasono jilbab ko dek karano parintah
> agamo. Baitu juo baparangai elok. Kalau alah ciek suduik pandang mako
> nan elok jadino tantu urang nan bajilbab nan parangaino elok.
> Dek dasarno agamo cako, dalam Islam kan alah di sabuik:
> "Udkhulu fis silmi kaaffah, wa laa tattabi'u khutuwatisysyaithan,
> innahuu lakum 'aduwummubin" (Masuaklah kadalam Islam ko sacaro
> samparono, jan disatoi langkah-langkah setan, sabab awakno, setan itu
> jaleh-jaleh musuah di kalian)
>
> Jadi mustino awak mancaliak sacaro utuh. Nan rancak iyo, sakali lai
> urang nan bajilbab, akhlakno santiang pulo. Kok alun sampai awak di
> sinan ijanlah dijadian elah, bialah, kok buruak bana parangaino ano
> kan lai bajilbab, atau bialah kok indak bajilbab bana no parangaino
> kan lai elok. Dalam kasamparonoan baagamo samo-samo alun "kaaffah"
> kaduono mako cubo sajolah mapaeloki.
>
> Wassalam,
>
> Lembang Alam
>LAPAU RantauNet di http://lapau.rantaunet.web.id
>Isi Database ke anggotaan RantauNet:
>http://www.egroups.com/database/rantaunet?method=addRecord&tbl=1
>=================================================
>WEB-EMAIL GRATIS ... @rantaunet.web.id ---> http://mail.rantaunet.web.id
>=================================================
>Subscribe - Mendaftar RantauNet Mailing List, kirimkan email
>Ke / To: [EMAIL PROTECTED]
>Isi email / Messages: subscribe rantau-net email_anda
>
>Unsubscribe - Berhenti menerima RantauNet Mailing List, kirimkan email
>Ke / To: [EMAIL PROTECTED]
>Isi emai / Messages: unsubscribe rantau-net email_anda
>=================================================
>WebPage RantauNet http://www.rantaunet.web.id dan Mailing List RantauNet
>adalah servis dari EEBNET http://eebnet.com, Airland Groups, USA
>=================================================
>
