Ass.ww
Sanak nan di lapau.
Jilbab ........ manuruik ambo manampakgan ciri Muslimah
Haji ........... mangecekgan urang tu malaksanakan rukun Islam ka
limo.......
Duo nan diateh ........ sarancakno iyo ado korelasi jo parangainyo.
Tapi ingek manusia ............. Jan mantang alah mangarajoan ciek manuntuik
sadoanno wajib dikajoanno .......... Sakali lai manusia punyo keterbatasan,
keinginan dll limitation.
Kalau pandapek ambo labiah elok dikarajoanno sabagian, dari pado indak samo
sakali. Tuhan Allah lah nan ka manilai pado akhirnyo.
Marilah awak balomba untuak labiah baiak, labiah baiak. Nan alun samporono
iyo sagitu baru kamampuanno.
Sarancakno iyo jan awak bapandapek : " Dari pado indak lengkap, labiah elok
indak " nanti bari lari dari Islam apo jadinyo. Ingek disampiang kwalitas,
kwantitas juo paralu.
Saparati subject no diateh "Jilbab dan Wanita Muslim" indak "Jilbab
muslimah nan malaksanakan agomu sacaro utuh" doh.
Iko pandapek rang tipih agomo-no.
Maaf yo rang lapau.
Wass.ww
St.P
-----Original Message-----
From: [EMAIL PROTECTED] [mailto:[EMAIL PROTECTED]]
On Behalf Of Z Chaniago
Sent: Friday, May 12, 2000 2:13 PM
To: [EMAIL PROTECTED]
Subject: [Rantau-Net] Jilbab dan Wanita Muslim
Assalamu'alaikum WW
Untuak soal jilbab bialah ambo cubo mamulai...,
Untuak saak kini ambo maliek lah mulai batambah banyak Kaum Muslimah nan ba
jilbab, apokoh iko tren atau apo ...ambo indak bisa manjawab...
dek iko hanyo nan nampak
Tetapi satu hal nan paralu di paratikan juo baraso tantang ba jilbab iko
harus di liek dulu apo nan manjadi dasarnyo dek urang...
Ado nan iyo bana dari dalam...
Ado nan ikut-ikutan
Ado nan dek sikola di sikola agamo
Ado nan tapaso....
Nah sasudah itu, baa bantuak jilbabnyo...ado nan bajilbab gadang
ado nan bajilbab tapi dibawahnyo mamakai rok panjang...
ado nan jilbab modern (di bawahnyo pakai celana panjang)...
ado pulo pakai songkok....taruih salendang...
dan nan mamakai salendang ala Benazir Bhutto atau ala Mbak Tutut...
malah ado nan transaparan...
Tetapi urang bajilbab atau indak .... itu indak bisa dijadikan dasar
panilaian soal hubungannyo dengan nan Maha Kuasa Allah SWT..., sahinggo
pertanyaan SAnak Mulyadi ka bakeh Uni Evi sarato Uni Rita rasonyo kurang
pado tampeknyo....
Soalnyo ambo punyo contoh kasus...wakatu kuliah ambo punyo kawan padusi nan
pakai jilbab....namun parangai-nyo itu jauah dari atribut jilbabnyo , malah
labiah pulo dari kawan padusi umumnyo......, lah dicubo maagiah tau....indak
jo barubah ...sahinggo kadang kami sampai tega mangecekkan.... jaleh bana
indak bajilbab jaleh pulo nan kadikecekkan ka bakeh inyo.......
Tetapi ado pulo kawan surang lai.... parangai malah elok bana...hanyo alun
pakai jilbab....
Sekedar paumpan bola...
Wassalam
Z Chaniago - Palai Rinuak
________________________________________________________________________
LAPAU RantauNet di http://lapau.rantaunet.web.id
Isi Database ke anggotaan RantauNet:
http://www.egroups.com/database/rantaunet?method=addRecord&tbl=1
=================================================
WEB-EMAIL GRATIS ... @rantaunet.web.id ---> http://mail.rantaunet.web.id
=================================================
Subscribe - Mendaftar RantauNet Mailing List, kirimkan email
Ke / To: [EMAIL PROTECTED]
Isi email / Messages: subscribe rantau-net email_anda
Unsubscribe - Berhenti menerima RantauNet Mailing List, kirimkan email
Ke / To: [EMAIL PROTECTED]
Isi emai / Messages: unsubscribe rantau-net email_anda
=================================================
WebPage RantauNet http://www.rantaunet.web.id dan Mailing List RantauNet
adalah servis dari EEBNET http://eebnet.com, Airland Groups, USA
=================================================
