Assalamu'alaikum wr. wb, Posting Sutan sabalun ko manyabuik mailangkan sikap munafik, ambo raso sikap itulah nan manjadi ilalang taba di tanah Minang kiniko. Ambo raso sikap iko adolah hasie dari post paderi syndrom nan alun salasai sampai kini, batambah rusak dek prri, orde baru dan kiniko fundamentalism revival, sadangkan revival dari kultur (adat) Minang kurang kuat. Mudah-mudahan ambo salah. Manyiangi ilalang sangaik paralu, iolah ilalang nan di utak, jadi sangaik diparalukan mambuka wacana pamikiran untuak mandapek baliak nan disabuik "kato bacari" karano indak cukuik lai dek kato pusako sajo. Contoh instant, alah katalok mamiliah Gubernur jo bupati langsung atau belum, sebuah corner stone. Baa dek angku? Salam
St. Bagindo Nagari ----- Original Message ----- From: "J.Dachtar" <[EMAIL PROTECTED]> To: <[EMAIL PROTECTED]> Sent: Saturday, April 20, 2002 11:47 PM Subject: Re: [RantauNet] Ta sio-sio Waalaikum salam ww.wb Tagilitik hati mambaco utopia(???) sanak Lembang Alam nak mambangun tanah pusako ditangah-tangah masyarakaik nan sadang mandarito kaateh indak bapucuak, kabawah indak baurek ditangah-tangah sadang digiriak kumbang eh..eh. Ditukuak pulo dek imbauan pulang nan mamilukan dari da Bandaro ka urang minang nan hibaik2. Padahal elok malah jadi parasit ditampek urang daripado jadi tambahan baban dikampuang surang (lah kaji nan kajaleh miang no du eh..eh). Ibaraik urang ka manabua baniah di tanah bailalang, lah jaleh banyak nan ka mati pado nan ka tumbuah. Kok nan tumbuah lah bisa diarokkan ka jadi padi hampo. Bukannyo indak ado dunsanak awak dikampuang nan takun manyiangi ilalang disakitar pasamaiannyo. Lai bih manuai padi boneh juo no tapi tu mah alun saimbang jo capekno tumbuoh ilalang. Lah sambuah tiori cespleng nan dibao angin lalu dari subarang, mulai dari tiori minta sidakah sampai ka tiori managemen lampu Aladin. Tapi ibaraik tajak cek awak pangkua cek no, asak cek awak ansua cek no, hasie no banyak nan saroman berembus angin malam, bisuak no paja2 nan lah bi masuak angin. Untuak urang dikampuang, nan paralu cuma mampanyak urang2 nan rajin manyiangi ilalang nan lah marimbo. Sagalo macam tiori jo teknologi nan tinggi2 indak labiah dari sakadar untuak mampacapek proses (itupun kalau takaran no sadang elok). Sumbar tu talampau kayo kalau cuma untuak maiduiki 4 juta urang nan takauik malaraik, tapi talampau malaraik untuak maiduik bara kapalo nan takuik indak kayo. Dari pado kujua dek mambangkik batang tarandam nan indak jaleh ujuang pangkano, elok molah awak ba ansue-ansue ma-minangkan urang Minang, nak joleh tompek bapijak, nak joleh koma kaki ka dilongkahkan. Wass, JD RantauNet http://www.rantaunet.com Isikan data keanggotaan anda di http://www.rantaunet.com/register.php3 =============================================== Mendaftar atau berhenti menerima RantauNet Mailing List di http://www.rantaunet.com/subscribe.php3 ATAU Kirimkan email Ke/To: [EMAIL PROTECTED] Isi email/Messages, ketik pada baris/kolom pertama: -mendaftar--> subscribe rantau-net [email_anda] -berhenti----> unsubscribe rantau-net [email_anda] Keterangan: [email_anda] = isikan alamat email anda tanpa tanda kurung ===============================================
