>Sampai kini ambo alun bisa manarimo alasan lain PRRI nan
> dibuek dek Ahmad Hosein, Dahlan Jambek plus Natsir, Sumitro dll
Itulah Mak, nan sampai kini indak jaleh dek ambo apo alasan nan sabananyo. Nan tau dek ambo cuma akibaiknyo. Bukannyo manyasaan nasib, tapi kalau ado nan bisa manarangkan tantunyo sangaik bamanfaat untuak generasi nan katibo (harusnyo indak susah bana manyalusurinyo sabab kajadiaannyo alun talampau lamo)
> kecemburuan pado pembangunan di Jawa, indak babaun tunjuak
> rasono,
Kalau iko ambo yakin sakadar justifikasi waktu itu.
> takuik dek Komunis indak masuak aka pulo.
Eh..eh, iko alasan panguek sasudah awak mulai baraja P4. Bukannyo urang Asia partamo nan jadi anggauta comintern urang Suliki.
Jadi kasimpulan samantaro "salah gaham nan dibali urang eh..eh". ba-petai2 lah tali sarawa dek lari bahamburan.
> Kasimpulan samantaro, urang awak mamuloi
> experiment model Mataram di Minang, jadi jan disalahkan urang Jawa nan
> mamuloi javanism di Minang, justru dimuloi dek urang Minang sendiri.
Iko konteks jo waktu awak agak balain saketek Mak. Kok awak patuah jo hukum DM, dari feodal jawa ndeso nan ambo sabuikkan, jawa ndeso nyo kan cuma sakadar manarangkan feodalnyo eh..eh. Lha, nan namonyo feodal tu kan harusnyo saroman Sultan nan sajak mulai lahiah lah langkok jo istana+padam pakuburan+harato paninggalan. Nyatonyo jadi feodal tu kan indak manyusahkan urang do Mak. Atau saroman angku Lareh nan sajak lahie lah langkok jo rumah gadang sarato sawah pusakonyo. Cubo bayangan dek Mak SBN baa jadinyo kalau urang kampuang busuak babaun nan sajak lahie sajo lah mandarito inferiority complex tibo2 dapek anugerah jadi menak. Tantunyo sagalo simbol2 ke-menak-annyo harus disadiokan dari nol. Lah kepeangnyo dari ma? Walau gaji sabenggo, tapi kuaso lai gadang ditambah muko lai agak taba saketek, mancilok lai kan (kalau paralu sato pulo menangguk ikan daripada air keruh sambie ba- nje2 ria) . Bukannyo model budaya baru taka iko (jo sagalo tingkatannyo) nan babannyo kiniko harus ditangguang urang banyak? Maha bana Mak ongkoihnyo "mambangkikkan batang tarandam" urang2 tu. Aka i den
> urang Minang itu indak talahia untuk jadi tantara (ambo picayo
> iko),
> tapi talahia jadi panggaleh dan murik Socrates.
Eh..eh, persis bana saroman iko nan pernah ambo danga waktu ambo di Banduang dari urang gaek (urang awak juo) bekas guru nan tapaso jadi tantara di-awal parang kemerdekaan.
Ambo ka pulang lai Mak, ka mononton MU lawan Bayern Leverkusen di TV.
Wass,
JD
RantauNet http://www.rantaunet.com Isikan data keanggotaan anda di http://www.rantaunet.com/register.php3 =============================================== Mendaftar atau berhenti menerima RantauNet Mailing List di http://www.rantaunet.com/subscribe.php3 ATAU Kirimkan email Ke/To: [EMAIL PROTECTED] Isi email/Messages, ketik pada baris/kolom pertama: -mendaftar--> subscribe rantau-net [email_anda] -berhenti----> unsubscribe rantau-net [email_anda] Keterangan: [email_anda] = isikan alamat email anda tanpa tanda kurung ===============================================
