zul amri <[EMAIL PROTECTED]> wrote:
tarimo kasi sanak Hendrif , ateh jawaban sanak manganai masalah nan ambo tanyokan , tapi tagaretuih pulo hati ambo nak bakanalan jo sanak labiah jauh , karano nampakno sanak ko urang baru dipalanta ko , kok sanak lai indak kabaratan , bukaklah salubuang tu dan parkenalkan bio data sanak bia nak diketahui dan jaleh pulo dek anggota nan lain . karano bak kecek sanak dakek bana jo tampek ambo ( 7 minik bajalan kaki ) barati lai samo di Bali juo atau jangan jangan malah sakantua ?? .Wassalam : Zul Amri (54) di kuta Bali
hendrif hendrif <[EMAIL PROTECTED]> wrote:Wa'alaikumsalamAssamua'alaikumPartamo ambo mamintak maaf kapado sidang, bukan ambo bak rasao kamalinteh ja malapaui, tapi dek karano duduak surang disuduk kini nangko, mangko ambo cubo manjawek tanyo Uda Zul Amri, tapi samantang pun baitu, pintak jo pintu ka Mamak-2, Bundo Kanduang, Cadiak Pandai sarato Rang Mudo untuk basalami kok luluh, bapintehi jikokno hanyuk. tarimokasih.Nan Partamo, sabalun dijawek tanyo Uda Zul Amri, ijinkan ambo manyampaikan bahwasono nan Gadai tatap Gadai, baiak gadai nan dimukasukkan untuak salamono (karano uang gadai sangai gadang/banyak) baitu juo jo Gadai nan dimukaukkan untuak sabanta (ketek uang gadai no).Umpamo gadaiko alun/indak tatabuh doh dek nan punyo Gadai, mako nan mamacik Gadai berhak untuak ma aliahkan Gadai kaurang lain, tapi indak buliah manjua doh.Kaduo, pakaro hibah/paragagiahan, hanyo dapek dilakukan sapanjang nan kadihibahkan tu adolah harato pusako randah, kalau harato pusako tinggi iyo alun dapek lai, karano harato pusako tinggi adolah kapunyaan kaum, tamasuak anak kamanakan nan kalaia nantikno (untuak anak kamanak, baitu niaik urang nan manaruko dulu).Kalau pun ado nan ma Hibahkan Harato Pusako Tinggi, walaupun alah ado persetujuan dari KAN bagai, manuruk ambo indak tapek. Awak sasamo saparuk, sasuku, sakaum sacaro adaik warih mawarih.Katigo, satantang kalusul nan ado dalam perjanjian nan dibuek, bisa sajo dalam bahaso kiasan (bahaso kiasan ko biasono alah tau mukasukno) karano perjanjian balaku dalam lingkuang hukum adaik, karano hukum adaik lai tapakai juo diawak dan diakui pulo sebagai hukum positif mako inda ba a doh. Umpamo tajadi silang sangketo, panyalasaianno harus sasuai pulo jo katantuan dalam hukum adaikKaampek, Sertipikat ateh namo Perorangan alah ado nan tajadi, jadi dapek dilaksanakan, salah satu program dari BPN terdahulu adolah mansertipikatkan tanah-tanah harto pusako tinggi. Tapi paralu pulo awak paratian akibaik dari pensertipikatan ko, karano awak alah tunduak kapado aturan pendaftaran tanah, mako bisa-bisa beko tanah tu tajua atau tagadai dsb tapi indak sapangatahuan dari kaluarga (kaum) karano sertipikat tu marupokan salah satu bukti kepemilikan (hak) ateh tanah, jadi tagantuang pado namo nan tatulih dalam sertipikat itu sajo. Elok sabalon tibo panyakik awak jago kini-kini ko.Sakian sajo dahulu,WassalamSBL
* sadang bamanuang disuduk na hanyo 7 minik bajalan kaki dari tampaik Uda Zul Amri
zul amri <[EMAIL PROTECTED]> wrote:
Yahoo! Plus - For a better Internet experienceAnggota Rantau net Yth :
Assalamualikum wr.wb
Biriak – biriak tabang ka sasak
Dari sasak turun ka halaman
Dari niniek turun ka mamak
Dari mamak turun ka kamanakan
Itulah adat nan lah balaku turun tamurun diranah minangkabau sajak dulu sampai kini , namun adat nan bak nantun indak salamonyo balaku dan masih ado celah nan bisa dipabuek .
Bilo surang mamak nak maagiahkan harato kaumnyo kapado anak bisa ditampuah jalan lain dengan caro “sando aguang” aratinyo dihibahkan atau digadaikan untuak salamo – lamonyo . Untuak itu paralu mufakat oleh seluruh urang ampek jinih nan ado didalam pasukuan dan diketahui oleh ketua kerapatan adat nagari ( KAN ) serta disahkan oleh wali negari.
Kasus berikut bisa mangingatkan kito basamo akan hal hal yang betul – betul pernah terjadi, bahwa alah tajadi pangalihan hak atas sabidang tanah yang marupokan harato tinggi suku Sikumbang oleh sorang mamak kapado seorang anaknyo dari suku Melayu . Mako dibueklah dek Mamak nantun dengan persetujuan urang ampek jinih suku Sikumbang dengan parjanjian diatas kertas segel yang ditando tangani dek urang amek jinih sarato pihak waris mawarisi , diketahui ketua KAN serta disahkan oleh walinegeri .
Dalam salah satu kalausul dalam perjanjian disabuikkan bahwa paragihan / hibah tersebut balaku salamo “ aiae mangalir ilie , dan salamo bulu gagak hitam “ dalam artian untuak salamo - lamonyo .
Berpacu dengan perjalan wakatu , mako dek anak nan mandapek paragihan / hibah dari Bapaknya tersebut baniek nak manjua atau manggadaikan tanah tersebut kapado pihak lain dan kabatulan juo dari suku Melayu , dengan alasan karano kasulitan ekonomi dan baniek nak mangawinkan anaknyo nan lah parawan tuo .
Maka atas mufakat urang ampek jinih pulo dan terjadilah akte jual beli antaro pihak penerima hibah dengan pihak lain dan akhirnya dengan melampirkan surat perjanjian mamak suku Sikumbang dengan penerima hibah , maka pembeli atau pihak ketiga bisa mandapatkan sertifikat atas tanah tersebut yang dikaluakan Badan Pertanahan Nasional .
Pertanyaan ambo adolah :
1)Buliahkan dalam suatu parjanjian pengalihan hak / hibah manggunokan kato – kato “ bias “/ kiasan ( salamo aiie mangalie ilie , salamo gagak hitam ) yang bisa manimbulkan bermacam penafsiran dan indak adonyo kapastian waktu , apobilo dikaitkan dengan hukum positif yang berlaku di Indonesia .
2)Buliah ndak harato pusako tinggi disertifikatkan ateh namo perorangan ??
Ambo mohon kapado para anggota di palanta ko , khususnyo ahli ahli hukum untuak maagiah tahu tantang masalah tasabuik diateh , sabalunnyo ambo ucapkan banyak tarimo kasih
Wassalam : Zul Amri (54) di kuta bali
Do you Yahoo!?
SBC Yahoo! DSL - Now only $29.95 per month!
Do you Yahoo!?
SBC Yahoo! DSL - Now only $29.95 per month!
Yahoo! Plus - For a better Internet experience
