Re: [RantauNet.Com] Harato Pusako Tinggi & hibah

[hendrif hendrif]

Waalaikumsalam w.w.

Assalamualaikum w.w.

Partamo ambo batarimokasih pulo ateh Do'a Tuan tahadok badan diri ambo, untuang-untuan iyo bak Do'a Tuan nan tun rasaki ambo dihari-hari salanjukno. baitu pulo, peta jalan nan ka Tuan barikan, amaik suko ambo manarimo no, kok Indak tatampuang jo tapak tangan, jo niru ka ambo tampuang.

 

Limbak nan dari pado itu, supayo Maukua nan samo panjang, Mangati nak samo barek, ibaraik badagang nak batimbalan, iyo ambo bado'a pulo supayo Tuan jo kaluarga nan ado di Palembang dalam kaadaan siaik-siak sajo dan dibarikan rasaki pulo sasuai jo Gala nan lakek bakeh Tuan, yaitu Urang Nan Bangsawan,

 

Tatangan kato Tuan, tulisan ambo lai mambuek sajuak dihati, Alhamdulillah, kok puji bialah ka Allah kito disampaikan, jikok upek tipak diambo tabik no. dibaliak pado itu, barati nan dimukasuk umpamo alah sampai, nan diama umpamo alah pacah, karano mukasuk sato dalam RN nangko iyolah untuak madakek antaro urang awak kasadono. sanasib sapanangguangan, baiyo batido basamo-samo. bukan macari silang sangketo, karano manuruk ambo, urang awak ko payah bana untuak dipasatukan (munkin pulo indak bisa). Kok kito caliak ka contoh nan ado, umpamo organisasi urang awak, biasono nan ado adolah Ikatan Keluarga ........, indak Persatuan Keluarga ........ doh, disiko bisa tampak / tasirek  nilai nan mangatokan jikok dalam Ikatan : Didalam nan basamo, nan surang tatauk juo. balain kalau dalam Persatuan :  Dadalam basamo, nan surang alah hilang

 

Tantangan SMS tu iyo  panjawek pintak Tuan nan ado di RN, jadi langsuang sajo ambo barikan.

 

Sakitu dulu Tuan, tukuak tambahno di Tuan juo nan ka mambaia.

 

Wassalamu'alaikum w.w.

 

 

 

Sutan Bandaro Labiah

 

 

 

 

 

mulyadi <[EMAIL PROTECTED]> wrote:

Ass, wr, wb.

Dunsanak Sutan Bandaro Labiah, aa..........tarimo kasih ka Sutan nan alah ma
SMS (bukan man semesh) ambo tadi siang, semoga Sutan tetap selalu di bari
rasaki Labiah dek Tuhan, sasuai jo Gala nan alah diagieh dek Mamak Sutan.
Kok mambaco garah nan Sutan layangkan baiak itu untuak Uda Zul Bali atau ka
nan lain, taraso sajuak di hati mambaconyo, sangaik tapek speeling jo
intonasinyo, apo nan tatulieh jo kencong2 muluik mangecekkannyo.
Kok bahaso tulisan ambo, iyo kurang pas nampaknyo, maklun lah awak lahia
dirantau dan gadang dirantau, sakali2 se nyo pulang ka kampuang sewaktu ado
Konperensi SAS satiaok 2 tahun atau 4 tahun sakali.
Salam kenal labiah lanjuik, kok dunsanak alun punyo "Sketsa Jalan Lintas
Sumatera" hasil karya ambo, sebagai modal untuak pulang basamo nantik di
hari rayo, akan ambo posting Japri ka dunsanak.

Wassalam,
M.St.Bangsawan (46 plus)
Rang Suliek Ayie di Pusri Palembang

----- Original Message -----
From: "zul amry" <[EMAIL PROTECTED]>
To: <[EMAIL PROTECTED]>; <[EMAIL PROTECTED]>
Sent: Wednesday, July 09, 2003 1:05 PM
Subject: Re: [RantauNet.Com] Harato Pusako Tinggi & hibah


> Tarimo kasih sanak Zulhendrif ateh sagalo bantuannyo
>
> Wassalam :Udazul ( 54) di Bali
>
>
> On Wed, 9 Jul 2003 06:10:13 +0100 (BST)
> hendrif hendrif <[EMAIL PROTECTED]>wrote:
> >
> >Waalaikumsalam
> >
> >Assamulaikum
> >
> >ha ha ha ha ...............
> >
> >
> >Wass. w.w.
> >
> >
> >Sutan Bandaro.
> >
> >* Karajo mangecek sambia babelok, kalau makan baru
> >aniang.



RantauNet http://www.rantaunet.com
Isikan data keanggotaan anda di http://www.rantaunet.com/daftar.php
-----------------------------------------------

Berhenti menerima RantauNet Mailing List, silahkan ke:
http://www.rantaunet.com/unsubscribe.php
===============================================

---

Yahoo! Plus - For a better Internet experience