Assalamu'alaikum wr.wb.,
 
Pagiko, ambo pai mangaluakan paluah alia, malakak-lakak bola tenis jo kawan-kawan sakantua di Kuningan. (Maaf Miko jo kanti-kanti, ambo indak ka Halim pagi ko doh). Tampekno di jalan Denpasar. Dek ambo datang dari arah Buaran, malalui tarusan Casablanca, masuak ka jalan Rasuna Said sudah itu biasono baputa baliak di muko 'Big Ben' untuak pai ka jalan Denpasar tu.
 
Nah! Pagi ko ambo indak buliah malinteh untuak baputa. Diambek dek pulisi dek karano ado rombongan sepeda santai ka lalu. Ambo kecekan, ambo ka baputa, sabab ambo kapai kasubarang jalan kian. Di putaran berikutnya aja pak, di depan hotel Gran Melia, kecekno. Di dakek hotel itupun jalan bapakok. Pulisi no labiah 'bagak' pulo lai. Tidak bisa, kecekno, jalan ditutup untuk sepeda santai. Terus saja dulu dan berbelok ke arah Pancoran nanti baru balik dari arah sana, kecekno. Manggarutok ati ambo. Tapi apo pulolah guno dilawan, sersan pulisi nan bagak tu.
 
Iko contoh hukum 'ba nan katuju di den' di nagari awakko. Sangaik buliah jadi di antaro peserta sepeda santai tadi ado angku gadang kota betawi ko bagai. Tapi apo dek karano itu labuah gadang buliah dipakokno dari kaparaluan umum?
 
Jalan umum di muko parumahan biaso pulo dipakok urang nan sadang baralek, misalno.
Apo di rantau ajo Duta jo rantau ajo Buyuang lai dikarajoan urang nan sarupo iko?
 
Wassalamu'alaikum wr.wb.,
 
Lembang Alam



St. Lembang Alam


Do you Yahoo!?
Yahoo! SiteBuilder - Free, easy-to-use web site design software

Kirim email ke