Waalaikumsalam w.w. juo Dinda Erizal, Paratamo, karano umua ambo alah 71th+4bulan+11 hari izinkan ambo maimbau Erizal jo Dinda Erizal. Lamak dan akrab tadanganyo. Kaduo,ado tanyo ambo ciek,baa mako alamat e-mail Dinda dalam posting kini kok [EMAIL PROTECTED], sarupo jo alamat email Nanda Benni Inayatullah ? Apo kabatulan sajo ? Barikuiknyo, ambo sangat basyukur Dinda manjawab sacaro santun macam-macam kaluhan, kritikan, bahkan kadang-kadang hujatan dari para perantau taradok kaadaan di Ranah. Kalau buliah ambo mambela urang rantau saketek, mungkin hal itu marupokan wujud frustrasi dari urang rantau, nan indak tahu kama lai uneg-uneg ka dilapehkan, karano sagalo macam caro alah dicubo, tapi indak ado hasil. Kaluhan, kritik, dan hujatan tu khususnyo dalam bidang pengelolaan pariwisata, nan salamo ko dicanangkan akan manjadi salah satu andalan untuk maningkekkan kesejahteraan para sanak di Ranah. Dinda bacolah baliak kaluhan Nanda Nofrins di bagian bawah email baliau. Tantangan pandangan pribadi ambo taradok kaadaan di Ranah alah ambo tulih langkok tigo tahun nan lalu, dalam buku ambo jo Sanak Ir Mohammah Zulfan Tadjuddin, MA, bajudul "Masih Ada Harapan: Posisi Sebuah Etnik Minoritas dalam Kehidupan Berbangsa dan Bernegara", Yayasan Sepuluh Agustus, Jakarta. Babarapo copies masih ado di Pustaka Sari Anggrek, Padang. Salain mangaluah dan mangaritik, ado babarapo saran ambo ajukan. [Judulnyo agak babeda jo buku-buku Minang nan ditabikkan para parantau nan lain, nan babunyi "Minangkabau yang Gelisah", 'Minangkabau di Tepi Jurang", atau "Adat dan Kebudayaan Minangkabau di Tepi Jurang Kehancuran". Ambo indak setuju jo judul-judul nan pesimis tu doh]. Sudah barang tantu pandapek ambo bisa salah. Surang sanak sasamo perantau alah mambae buku ambo tu dalam sabuah buku baliau. Buku tu alah ambo baco, tapi karano indak ado pandapek baliau nan boneh doh, hanyo kritik-kritik ringan sajo, bahkan ado nan kaliru samo sakali, ambo indak maraso paralu manjawabnyo. Ambo serahkan sajo ka para pambaco. Adapun tantang sinyalemen ambo manganai adat jo agamo jalan surang-surang di Ranah alah lamo jadi wacana, mulai dari Syech Ahmad Chatib sampai Buya Hamka. Kanyataan tu juo tabayang dalam makalah-makalah dan kasimpulan Semiloka Hak Masyarakat Hukum Adat Minangkabau nan balangsuang di Fakultas Hukum Unand bulan Juni 2007 nan lalu. Saluruah makalah-makalah tu kini alah ditabikkan dek Sekretariat Jenderal Mahkamah Konstitusi jo judul: "Membangun Masa Depan Minangkabau dalam Perspektif Hak Asasi Manusia". Babarapo copies buku tu alah dibagikan di Jakarta tanggal 10 Desember nan lalu, dalam acara di Mahkamah Konstitusi. Ambo sadang bausaho supayo buku nan baru tabik tu bisa diluncuakan di Padang, sahinggo masyarakat kito di Ranah bisa mambaconyo batanang-tanang.
Untuk manyalasaikan kaluhan, kritik, atau hujatan ko sacaro mandasar, dalam tahun-tahun balakangan ko ambo dorong sungguah-sungguah tasusunnyo sabuah 'Kompilasi Hukum ABS SBK' supayo jaleh bana apo nan kito anggap baiak dan apo pulo nan kito anggap tidak baiak. Kalau kini, kan alun jaleh apo isinyo ABS SBK tu. Tantang cipika-cipiki sajo kito binguang. Tantu sajo ambo indak 'manyapu rantau' sagalo sanak di Ranah, dalam posting ambo tadahulu kan hampia salalu ambo cantumkan kato '[sabagian]'. Tantu urang Rantau sarupo itu juo, sabanyak nan elok sabanyak itu juo nan indak elok, nan suko mangusili urang lain sajo karajonyo. Dalam pandangan ambo sacaro pribadi, masyarakat Minangkabau ko alah bakali-kali mangalami goncangan sosial, sajak Parang Paderi sampai kini, tapi alun sempat mangkonsolidasikan sacaro rapi sistem nilai sarato struktur sosialnyo. Sabagai akibatnyo, kito jalan surang-surang, susah bersatu, sahinggo bukan sajo potensi sumber daya manusia Minangkabau indak atau alun dapek didayagunakan sacaro maksimal, tapi juo hampia indak badayo manghadapi baitu banyak tantangan dan ancaman dari lua. Lieklah dek Dinda angko kamatian bayi, kamatian induak-induak nan malahirkan, angko-angko kamiskinan. Paratikanlah sacaro taliti bara gadangnyo pangaruah dari lua nan ditarimo baitu sajo tanpa seleksi. Kasus-kasus indak sasuainyo antaro adat jo agamo dalam kahidupan masyarakat kito tu ambo ikuti taruih salain malalui kaluhan para perantau juo malalui barito-barito Padang Ekpres online atau Singgalang Online. Ambo sambuik baiak ajakan Dinda supayo kito samo-samo mameloki apo nan diraso salah. Memang itu nan nampak dek ambo salamo ko. Cuma ado masalahnyo saketek. Ka sia urang Rantau sacaro manyaluruah bisa barundiang ? Jo pak Gamawan alah acok, tapi nampaknyo baliau juo mahadoki masalah nan samo di Ranah. Jo DPRD ? jo LKAAM? jo PPIM ? jo Unand? jo UNO? jo IAIN ? Jo kasadonyo ? Baa pulo caronyo ? Sakadar informasi, Angku H. Bachtiar Abna SH MH Dt Rajo Suleman dari LKAAM Sumbar akan maadokan FGD awal Januari 2008 nanti, antaro lain untuak mambicarokan ABS SBK ko. Manuruik rencana baliau tampeknyo di gedung DPRD Provinsi Sumatera Barat. Kalau Dinda ado wakatu mungkin ado rancaknyo Dinda datang maagiah masukan. Kalau buliah tahu, bara nomor HP Dinda ? Bilo-bilo ambo ka Padang ambo ingin kito bahandai-handai, kalau bisa jo para sanak nan lain. Nomor HP ambo 0811 14 7621. proto_melayu <[EMAIL PROTECTED]> wrote: Waalaikumsalam Pak Safrudin panggia sajo ambo erizal, ambo tingga di Tanah Sirah Padang umua ambo alah labiah saparoh abad. Nan subananyo saran sanak rantau rancak untuak ranah, cuman kadang iyo agak taraso mamerahkan talingo dek karano kadang manyamo ratokan sajo perilaku surang urang jo urang ranah kasaluruhannyo, mohon maaf tulisan Bapak nan manyatokan ABS-SBK indak ado di minang tu alias adat jalan surang-surang dan agamo jalan pulo surang iyo agak kareh tu pak..dek bapak urang bailmu dan insya Allah lai urang minang pulo yo bajalehkan bana dek bapak tu asa muasa timbua kalimat itu. sabab dek ambo surang nan tingga di ranah nan agamo jo adat tu lai bagandengan tangan juo, adat nan dulu jahiliyah sarupo bajudi, minuman kareh, sabuang ayam dll itu alah dilarang dek adat ataupun agamo. cuman dek urang santiang dan kebetulan gadang di rantau malah adat jahiliyah sarupo itu di iduikkan baliak. caliak contohnyo katiko malatakkan tunggak istano pagaruyuang alah mananam kapalo kabau pulo...buliah bapak caliak panitia jo payuang panjinyo adolah urang minang nan gadang di rantau atau bapendidikan rantau.. justru banyak kami nan di ranah indak katuju praktek itu lai...baa manjalehkannyo tu pak ? ciek lai nan adat nan sabana adat itu indak lakang dek paneh, indak lapuak dek hujan. tapi nan adat istiadat nan barupo budaya jo kebudayaan itu salalu barubah maikuti kebutuhan jaman. kalau lah datang pulo budaya cipika cipiki nan dibaok dek sanak2 nan lamo baraja diarab dan kebetulan dipakai pulo dek sebagian ketek urang ranah apokah salah pulo itu ? budaya/adat nan indak malangga agamo itu indak pulo batantangan jo adat sabana adat doh. baa pulo kamanagahan urang cipika cipiki sasamo jantan, sasamo muhrim, dalam kompilasi nan kabapak buek itu ? itu malangga HAM mah Pak, hak pribadi urang tuh nio cipika cipiki anyo kakak baradiak sarupo nan di photo itu. kadang kami nan diranah ko kamari salah,kok kurang pendidikan kami yo ajailah kami, kok kurang kayo kami yo tolonglah dek sanak rantau mambukak lapangan karajo untuak anak kamanakan,kok kurang aja kami, yo utang kito kasadonyo tamasuak sanak rantau manunjuak ajai anak kamanakan nan masih ado di ranah. kito kan samo-samo urang minang, badunsanak kito ko kasadonyo, susah kami di ranah susah sanak di rantau pulo, sanang sanak di rantau sanang kami diranah pulo. tapi jan dihujat kami jo sagalo macam tuduhan nan manyamo ratokan perbuatan buruak nan tajadi di ranah. mari kito samo2 bagandengan tangan..jo laku elok, kato-kato santun dan ayia muko nan janiah wassalam dan banyak-banyak maaf Erizal --- In [EMAIL PROTECTED], "Dr.Saafroedin BAHAR" wrote: > > Assalamualaikum w.w. Sanak Erizal Effendi, > > Alhamdulillah, alah samakin banyak juo sanak kito di Ranah nan amuah bagabuang dalam RN ko. Kalau memang cipika cipiki itu dibaok dek urang Rantau, yo kito tarimo malah salah kito urang Rantau sacaro ikhlas. Jan ditaruihkan lai. Supayo, jaleh dan indak diulang lai, masuakkan katantuannyo dalam Kompilasi Hukum ABS SBK, nan kito pabarui tiok tahun atau tiok limo tahun. > > Ado juo rancaknyo suatu saat kito nanti basuo basamo-samo mameloki hal-hal nan saling kito kaluahkan.Nan kito sapakati, kito tampuang dalam kompilasi. > > PS: maaf, bara umua Sanak? Dima tingga? > > Wassalam, > Saafroedin Bahar. > > erizalefendi wrote: > Cipika-cipiki ko kan budaya baru nan dibaok dek urang rantau, ambo > raso nan malakukan di photo tu urang rantau pulo..jadi ba dek nan > basalahan urang awak nan diranah ? sanak nan dirantau harusnyo sadar > pulo kalau banyak nan buruak-buruak tu datang dari lua alias rantau. > > walaupun baitu kalau ditinjau dari segi agamo apokah salah cipika > cipiki sasamo jantan tu ? badoso pulo tu ? satau ambo nan badoso bagi > nan indak muhrim , kok indak badoso baa dek malangga ABS- SBK pulo ? > ado2 se sanak rantau ko mah... > > --- In [EMAIL PROTECTED], Afda Rizki wrote: > > > > > > Lies Suryadi wrote: > > > Batua kecek urang: lain nagari lain pulo bilalangnyo. > > > Kalau di Ulando laki-laki samo laki-laki > > > bakacipak-cipiki ko...tandonyo homo mah. > > > Kalau laki-laki jo induak2 lah biaso tu, tapi indak > > > negatif bagai mukasuikmyo doh. Awak dari lua sajo nan > > > manganggap 'angek'. Kalau di Minangkabau ko apo kolah > > > mukasuik bakacipak2 cipiki tu?? > > > > > > syd > > > > > Tantunyo kalau kito bapegang pado ABS-SBK kalau dilakukan oleh urang > nan > > berlainan jenis dan bukan pulo mahromnyo alah tantu HARAM mah mak Lies. > > > > Kalau dek urang bulando tu ma jaleh halal haram dek nyo ... > > > > Wassalam, > > -- > > Afda > > > > > > > > > > > > > > > --------------------------------- > Be a better friend, newshound, and know-it-all with Yahoo! Mobile. Try it now. > > --------------------------------- Be a better friend, newshound, and know-it-all with Yahoo! Mobile. Try it now. --~--~---------~--~----~------------~-------~--~----~ =============================================================== Website: http://www.rantaunet.org =============================================================== UNTUK SELALU DIPERHATIKAN: - Hapus footer dan bagian yang tidak perlu, jika melakukan reply. - Posting email besar dari >200KB akan di banned, sampai yang bersangkutan menyampaikan komitmen akan mematuhi Tata Tertib yang berlaku. - Email attachment, DILARANG! Tawarkan kepada yang berminat dan kirim melalui jalur pribadi. =============================================================== Berhenti, kirim email kosong ke: [EMAIL PROTECTED] Webmail Mailing List dan Konfigurasi teima email, lihat di: http://groups.google.com/group/RantauNet/subscribe Dengan terlebih dahulu mendaftarkan email anda pada Google Account di https://www.google.com/accounts/NewAccount =============================================================== -~----------~----~----~----~------~----~------~--~---