Assalaamu'alaikum wa rahmatullaahi wa barakaatuhu Dunsanak Armen sarato dunsanak sa palanta....
Ado tanyo ketek di hati ambo satiok mambaco kato-kato 'mantun' dalam postingan sanak Armen. Di kampuang ambo, di Ampek Angkek - Agam ( dakek Bukiktinggi), kato-kato 'mantun' ko bararati 'baitu' atau 'begitu' dalam bahaso Indonesia. 'Kok mantun baa no?' (kok baitu baa no = Kalau begitu bagaimana kira-kira). 'Anto, ka mantun bana angku kini?' (Kok ka baitu bana angku kini?'). Dalam kalimaik ; 'Pak MM*** mantun kan urang Agam, bak nan harus kito pahami,' di kampuang kami dipakai kato 'nantun'. 'Nantun' aratino 'nan itu'. Sadangkan 'nanko' bararati 'nan iko'. Di kampuang ambo, urang ka mangecek-an; 'Pak MM*** nantun kan urang Agam........' Nan jadi tanyo, apo memang ado nagari-nagari nan manyabuik-an 'mantun' ko saarati jo 'nantun' di kami di Ampek Angkek? Wassalamu'alaikum, Muhammad Dafiq Saib Sutan Lembang Alam Suku : Koto, Nagari asal : Koto Tuo - Balai Gurah, Bukit Tinggi Lahir : Zulqaidah 1370H, Jatibening - Bekasi ________________________________ From: Armen Zulkarnain <emeneschoo...@yahoo.co.id> To: "rantaunet@googlegroups.com" <rantaunet@googlegroups.com> Sent: Wednesday, July 11, 2012 4:41 PM Subject: Bls: [R@ntau-Net] Re: BANGGALAH DENGAN LAFAS MINANG KITA...!!!!===>Re: [Buya H. Masoed Abidin] Dari Abu Hurairah rodhiallohu ‘anhu berkata, Pak MM*** mantun kan urang Agam, bak nan harus kito pahami, urang Agam ko lagaknyo memang kareh-kareh. Namun sapanjang nan pernah ambo lalui masuak ka nagari-nagari di Agam, kareh mantun hanyo gaya umum dari rang Agam. Kok nan dicaliak dari dalamnyo, iyo biaso-biaso sajonyo. Bilo pernah angku, mamak, bundo sarato dunsanak pai ka Sungai Garinggiang, Aua Malintang saputaran, lagak kareh urang Maninjau memang tampak dari sinan, iyo agak babeda dari nan Padang Sago nan ado dibaliaknyo. Jadi, hal iko hanyo masalah tabiaso atau indak, nan tantunyo indak mempengaruhi apopun dinamika nan ado di palanta nan ko. Dengan baitu kito bisa memahami latar belakang urang nan barasa dari 543 kanagarian nan ado di ranah minang. wasalam AZ/lk/34th/caniago Sumpur Kudus - Sijunjung asa nagari Kubang, 50 Koto babako ka Canduang Koto Laweh, Agam ________________________________ -- -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
