| Mak Sati, Usul Mak Sati ko sangaik konkrit, dan ambo dukuang panuah. Hanyo karano ambo bukan pakar adat dan bukan pulo pakar agamo -- tapi hanyo sakadar urang nan risau sajo taradok indak jalehnyo baa caro malaksanakan ABS SBK ko -- mako ambo cari para sanak kito nan labiah ahli. [Minaik pribadi ambo sarato mato kuliah nan ambo paliharo di S2 UGM adolah Etnisitas dan Integrasi Nasional]. Syukur Alhamdullillah, baik dalam Semiloka Hak Masyarakat Hukum Adat Minangkabau di Unand Padang tanggal 19-21 Juni 2007, dalam Sarasehan Perlindungan Hak Konstitusional Masyarakat Hukum Adat di Gedung Mahkamah Konstitusi Jakarta tanggal 10 Desember 2007, dan paliang akhir dalam Seminar Perang Paderi di gedung Arsip Nasional Jakarta tanggal 22 Januari 2008 alah nampak dan alah basadio babarapo tanago pakar nan siap manyingsiangkan langan baju. Izinkan ambo manyabuik baliak namo-namo baliau nan alah basadio, yaitu Ibu Dra Adriyetti Amir SU, Dr Gusti Asnan, Ilhamdi Taufik, SH., MH, Bachtiar Abna SH, MH, Kurnia Warman, SH. MH. Tantu saluruah baliau-baliau ko dikoordinasikan dek pak Rektor Unand, Prof Dr.Ir Musliar Kasim. [Ambo juo manyarankan Angku Azmi Dt Bagindo -- nan rajin mananggangapi masalah ABS ~SBK ko dalam RN-- untuak diikutkan]. Saparati kito katahui, dalam partamuan panguruih Gebu Minang jo pak Gubernur, Ketua DPRD Propinsi, dan Sekdaprov di Jakarta baru-baru ko, baliau-baliau bukan sajo satuju, tapi juo mandukuang panuah disusunnyo Kompilasi Hukum ABS SBK ko. Mungkin ado rancaknyo kalau di Ranah ado juo babarapo tanago pamaduli nan taruih manaruih mandorong kagiatan ko labiah lanjuik, sahinggo dalam wakatu paliang lamo duo tahun alah ada draft paratamo, nan kudian bisa disamparonokan labiah lanjuik. Adapun sacaro teknis, ado duo langkah nan bisa kito ambiak. Paratamo: himpun dulu apo sajo masalah nan ka dimasuakkan dalam Kompilasi Hukum ABS SBK tu. Di DPR RI, himpunan masalah ko dinamokan 'Daftar Inventarisasi Masalah' atau 'DIM'. Nampak dek ambo, nan agak seru dibahas dalam RN salamo ko adolah masalah harato pusako. Dalam taraf ko,pusek paratian adolah pado judul topik, alun masuak ka materi. Kaduo : sagalo saran rumusan nan sasuai jo ABS SBK ditampuang dulu, indak ado nan ditulak, tapi dilatakkan dalam 'bracket'. Sagalo pandapek, dari nan paliang kareh sampai nan paliang lunak, dicatat, baru kudian dikubak ciek-ciek. Mano-mano nan alah dimufakaiki, dikaluakan dari 'bracket'-nyo. P.S: kalau memang paralu, tapi hanyo sakadar contoh, dan untuak pamanciang sajo, dan kito latakkan dalam 'bracket', ambo cubo malah marumuskan agak duo tigo. Ambo inok-inokkan malah dulu, mak Sati. Wassalam, Saafroedin Bahar --- On Sat, 2/9/08, Sjamsir Alam <[EMAIL PROTECTED]> wrote: From: Sjamsir Alam <[EMAIL PROTECTED]> |
Be a better friend, newshound, and know-it-all with Yahoo! Mobile. Try it now.
--~--~---------~--~----~------------~-------~--~----~
===============================================================
Website: http://www.rantaunet.org
===============================================================
UNTUK DIPERHATIKAN:
- Mematuhi Peraturan Palanta RantauNet, lihat di http://groups.google.com/group/RantauNet/web/peraturan-rantaunet
- Hapus footer dan bagian yang tidak perlu, jika melakukan reply.
- Posting email besar dari >200KB akan di banned, sampai yang bersangkutan menyampaikan komitmen akan mematuhi Peraturan yang berlaku.
- Email attachment, DILARANG! Tawarkan kepada yang berminat dan kirim melalui jalur pribadi.
===============================================================
Berhenti, kirim email kosong ke:
[EMAIL PROTECTED]
Webmail Mailing List dan Konfigurasi teima email, lihat di:
http://groups.google.com/group/RantauNet/subscribe
Dengan terlebih dahulu mendaftarkan email anda pada Google Account di
https://www.google.com/accounts/NewAccount
-~----------~----~----~----~------~----~------~--~---
