Assalamualaikum w.w. Mak Sati dan Ananda Hanifah,
Tarimo kasih ateh dorongan Mak Sati. Ambo satuju saratuih persen jo pandapek Mak Sati. Memang sudah saharuihnyo kito sarahkan ka nan ahli. Sambia ambo mainok-inokkan apo nan ka ambo tulih sakadar sabagai contoh, kalau alah ado bahan dari para sanak nan bisa kito kumpuakan, ambo cubo manampuang dulu, untuak kudian ambo taruihkan kapado para pakarnyo. Labiah rancak lai kalau saran tu langsuang sajo dikirimkan kapado baliau-baliau, nan alamat emailnyo ado tacantum di ateh email ko.
Tolong dikalompok saran sanak sa palanta dalam duo onggok gadang:
Kalompok 1. "Daftar Inventarisasi Masalah" (DIM), pendek-pendek dan umum sajo,misalnyo: a. Soal kawin mawin b. Soal sia nan berhak di harato pusako atau harato pancaharian. c. Soal hutang piutang. d. [dan lain-lain] ..................
Kalompok 2. Gagasan awal rumusan Hukum ABS SBK nan sanak sarankan, buek dalam tando ["......"] sabagai tando bahaso rumusan tu baru gagasan, akan diparambuakkan kudian, alun final. Rancaknyo pakai bahaso Indonesia, supayo nanti dapek dimangarati dek sagalo pihak nan baminat, tamasuak urang sumando nan indak urang awak.Jan lupo, kalau kompilasi ko alah jadi, bisa dipakai dek para hakim di pengadilan negeri dalam mamutuih sengketa adat. Sabagai contoh:
[ a. "Harta pusaka tinggi tidak diwariskan secara perseorangan kepada warga buah paruik atau suku".] [ b. "Setelah bermusyawarah dengan seluruh warga buah paruik atau suku, penghulu suku menentukan hak pemanfaatan harta pusaka tinggi kepada warga buah paruik atau suku yang paling pantas memanfaatkannya."] [ c. " Kepada warga buah paruik atau suku yang mendapatkan hak untuk memanfaatkan harta pusaka tinggi diberikan sepucuk surat keterangan, yang memuat keterangan pribadi serta peta lokasi harta pusaka tinggi yang bersangkutan"]
Untuak Ananda Hanifah, Ananda batua sakali bahaso hukum adat tu di nagari kito surang-indak batulihkan do. Hal itu wajar karano di nagari kito surang-surang tu kito tahu jo tiok urang dan basuo tiok hari. Hukum adat tu kito katahui malalui pagaulan tiok hari sajo. Namun dek karano kito alah bakambang biak, salain ado nan masih tingga di Ranah juo banyak nan di Rantau -- bahkan ado nan alah bak 'marantau Cino' -- gadang manfaatnyo kalau hukum adat ko kito tulihkan, sahinggo bukan sajo bisa dibaco tapi juo bisa diaajakan dari generasi ka generasi. Apolagi baitu banyak penghulu baru nan alun tantu alah mahir tantang hukum adat ko, tautamo kalau dikaikkan jo ABS SBK nan indak mudah dicari kasapakatan tantang rumusannyo nan dapek ditarimo dek sagalo fihak, khususnyo kalau takaik jo masalah hukum kekerabatan dan hukum waris. Salain itu dalam RN ko sajo lumayan banyak nan mudo-mudo nan manyatokan bahwa baliau-baliau indak mangarati bana apo koh ABS SBK tu. [Jan kan nan mudo, ambo nan tuo ko sajo acok tacangang-cangang mancaliak kanyataan iduik kito urang Minang, sambia bapikia-pikia apo iyo itu masih tamasuak ABS SBK atau indak. Kan itu nan ambo bukukan ampek tahun nan lalu]. Nan paralu kito masuakkan ka dalam Kompilasi Hukum ABS SBK tu tantu nan samo kaidahnyo di saluruah Minangkabau. Tantang adat nan bana-bana salingka nagari, sarupo adaik 'bajapuik' di Piaman, bisa juo kito tampuang jo manjalehkan bahaso norma itu hanyo ado di Piaman sajo. Ambo picayo bana bahaso kalau Kompilasi Hukum ABS SBK ko alah ado -- bahkan walau masih dalam bantuak draft/konsep awal dan masih kito padebatkan pun -- lambek laun kito akan mulai maraso sabagai 'urang Minangkabau', indak lai sakadar kumpulan 'urang Selayo', 'urang Sulik Aia', 'urang Piaman', 'urang Pikumbuah', atau 'urang Kiktenggi'. Wallahualam bissawab.
Wassalam, AWW mak sati n p saaf. Wakau di kampuang hanifah sapanjang nan hanifah tau hukum |
Be a better friend, newshound, and know-it-all with Yahoo! Mobile. Try it now.
--~--~---------~--~----~------------~-------~--~----~
===============================================================
Website: http://www.rantaunet.org
===============================================================
UNTUK DIPERHATIKAN:
- Wajib mematuhi Peraturan Palanta RantauNet, mohon dibaca dan dipahami! Lihat di http://groups.google.com/group/RantauNet/web/peraturan-rantaunet.
- Tuliskan Nama, Umur dan Lokasi anda pada setiap posting.
- Hapus footer dan bagian yang tidak perlu, jika melakukan reply.
- Email attachment, DILARANG!!! Tawarkan kepada yang berminat dan kirim melalui jalur pribadi.
- Anggota yg posting email besar dari >200KB akan dibanned, sampai yg bersangkutan minta maaf & menyampaikan komitmen akan mengikuti peratiran yang berlaku.
===============================================================
Berhenti, kirim email kosong ke:
[EMAIL PROTECTED]
Webmail Mailing List dan Konfigurasi teima email, lihat di:
http://groups.google.com/group/RantauNet/subscribe
Dengan terlebih dahul
-~----------~----~----~----~------~----~------~--~---
