Kanda Syaf Al jo mamak dans anak di Palanta RN, Pandangan Pak IG tantu kito maklumi basamo bayak batuanyo.
Penelitian ambo manyerempet juo ka masalah karajo samo urang Minang ko. Alah ambo sampaian ko di Sumbar, di Malaysia, dan alah tabik pulo di jurnal. Hal2 yg menarik (meskipun indak bararti iko temuan baru): 1. Urang minang ko budayanyo kolektif (karajo samo), tapi di bisnis individual. Apakah mungkin karano kolektif identik dg bagi2 (piti kalua), mako mamiliah individual? 2. Urang Minang tajun ka bisnis indak punyo modal. yg ado modal sosial barupo jaringan perantau dan dunsanak (induak samang). Oleh karano itu, bisnis yg diambiak yg capek putarannyo dan indak talalu barisiko (rumah makan dan pakaian)-indak talalu penting karajo samo. 3. Kriteria sukses urang awak ko reputasi dan status sosial, jadi kalau lai jadi rajo bia ketek indak baa daripado diatua2 urang. 4. Nanti kalau lah sukses secara individu, urang Minang ko kambali ka budaya kolektif, bakumpua2 lalu manyumbang ka masjid di ranah dsb. 5. Dari carito Pak SB kito tau masalh mendasar lainnya dalah masalah amanah. Prinsip dasar quanxi adalah "ambo pacayo ka angku karano angku adalah kawan yg ambo picayoi, walau angku punyo kawan yg aku kenal juo, ambo labiah pacayo ka angku". Di kito, dek karano rumor dan kanyataan2 yg ado, kito malah agak takuik bakarajo samo jo kawan karano takuik baubah pertemanan tu. 6. Urang yg dicaritokan dek Pak Darwin Chalidi merupakan outlier (indak umum tajadi). Jadi sistem di Minang ko memang menghendaki urang2 yg mode tu tampil, tapi indak bnyak urang mode tu karano butuh energi and modal (sosial) yg kuek. 7. Kalau manuruik Lant Pritchett dari Harvard, mau indak mau, kito harus mengembangkan pusat2 pertumbuhan baru. Jadi bukan berbasis nagari lai, tetapi berbasis potensi ekonomi yg terkait hulu-hilir. Jadi, memang investasi perantau-lokal ko harus masif, serentak, terencana, indak bisa karano nagari awak sajo. sakitu dulu. wassalam donard,34, perth. 2014-09-22 21:46 GMT+08:00 Syafruddin AL <syaff...@gmail.com>: > Snak di Palanta, nah. > > Berita telampir ko alah dimuek di Metro Andalas, Kamis kapatang. > Kalau ado tanggapan, silakan. Pasti ambo muek di halaman yang samo untuak > kamis bisuak. > > Tks > > Syaf AL/Metro Andalas > ----------------------------------------------------- > > > JAKARTA – Katua Dewan Perwakilan Daerah (DPD) RI, Irman Gusman, maminta > agar panguruih parsatuan parantau Minang di saluruh panjuru maubah caro > bapikia dari hanyo sakadar bakumpua-kumpua dan palapeh taragak, tapi harus > manjadi parsatuan nan mampu mambuek dan mampaarek karajo samo, baiak sasamo > parantau maupun antaro parantau jo kampuang halaman. > > > > “Salamoko ambo paratik an, parsatuan parantau tu hanyo untuak sakadar > basuo-suo dan malapeh taragak sajo. Tapi indak banilai produktif dalam > bantuak mambangun saliang karajo samo dalam hubungan usaho,” kecek Irman > katiko diminta mambarikan sambutan dalam acara Halal bi Halal Ikatan > Kaluarga Pesisir Selatan (IKPS) di Jakarta, duo minggu nan lapeh. > > > > Laki-laki kalahia-an Padang Panjang nantun mangatokan bahwa dengan > tekonologi nan makin canggiah kini, partamuan malapeh taragak tu bisa > dilakukan di mano sajo. Nan paralu dilakukan kini, sajauah mano kegiatan > malapeh taragak tu banilai tambah dengan caro manjalin karajo samo di > bidang usaho apo sajo. > > > > Saat kini, kecek baliau, Sumatera Barat sudah makin taicia dek karano > daerah-daerah lain sudah makin maju. Sabanta lai, tahun di muko, parsaingan > dunia global akan makin nyato dengan balakunyo Masyarakat Ekonomi ASEAN > (ASEAN Economic Community) awal tahun 2015. > > > > Taun muko tu, pucuak ubi dari Pasisia Selatan tidak hanyo bisa dijua di > Painan, Padang atau Bukittinggi, tapi bisa dijojo an sampai ka Malaysia, > Bangkok dan Vietnam. Sabaliaknyo, ayam Bangkok, Durian Bangkok, Labu Siam > dan sabagainyo nan salamoko diambiak dari kabun awak surang, nantik yobana > didatangkan dari Bangkok. “Panggalehnyo pun urang Thailand pulo nan tibo ka > nagari awak,” jaleh Irman. > > > > “Dek alam ko memang lah samakin sampik, dunia indak lai ado bateh, > mustinyo urang Minang nan biaso manjadikan alam takambang jadi guru, harus > bana-bana mamapajari baliak apo perkembangan nan alah dan akan tajadi. > Kalau indak bisa mambaco tando-tando zaman, alamaik awak makin taicia,” > ibuahnyo. > > > > *Bangun Karajo Samo* > > > > Untuak itu, Irman nan bagala Datuak Rajo Nan Labiah, maingek an para > perantau dan panguruih parkumpulan parantau untuak bisa saliang mambangun > karajo usamo dalam banyak bidang usaho dan ikuik mambangun daya saing > daerah. “Parantau tu punyo koneksi nan banyak di daerah rantau, harus > dipagunokan untuak mambantu memasarkan produk-produk nan dibuek dek urang > kampuang,” katonyo dalam acara nan juo dihadiri dek sesepuh urang Pasisia > Selatan, Is Anwar Dt. Rajo Perak, Bupati Pasisia Selatan Nasrul Abit dan > Gubernur Sumbar Irwan Prayitno. > > > > “Manuruik inyo, indak masonyo doh lai urang Minang bausaho surang-surang. > Paralu bana karajo samo (networking) kalau awak ingin samo-samo maju. Kunci > dari karajo samo tu adolah baa caronyo bisa mambangun saliang picaro > mampicayoi,” uleh Irman. > > > > Irman mangisahkan, partamuan Silaturahim Saudagar Minang (SSM) nan pernah > diadokan babarapo kali di kampuang halaman, rancana samulo adolah untuak > mambangun karajo samo nan kuaik di antaro masyarakaik awak nan barado di > mano-mano. Tapi, sayangnyo, SMM itu indak bajalan sabagiamano mustinyo. > Irman pun mangaku agak kecewa. > > > > Tapi, tambahnyo mahibur, itulah kebiasaan awak nan salamoko nan paralu > diubah dari sakadar bakumpua-kumpua, banostalgia malapeh taragak harus bisa > manjadi hal nan produktif, punyo nilai tambah, laku dijua dan dapek hasil > basamo-samo. “Gadang samo dilapah, ketek samo dicacah,” sambuang Senator > nan tapiliah baliak dalam Pileg 9 April lalu. > > *Paratikan Daerah* > > Gubernur Sumbar Irwan Prayinto dalam sambutannyo juo manyampaikan hal nan > ampia samo jo Irman Gusman. Gubernur Irwan maminta agar parantau Pasisia > Selatan bisa mamparatikan daerahnyo untuk mambangun kamajuan basamo. > > Manuruik gubernur, Ranah Pasisia Salatan tu mampunyoi potensi nan sangaik > gadang, baik dari segi tambang, pariwisata, parikanan dan sabaginyo. > Parantau nan ado juo adolah sebagai potensi pulo. Jadi, “kaduo potensi ko > harus disatukan sahinggu saliang manunjang untuak kamajuan kampuang > halaman,” kecek Irwan. > > Ikutik mambarikan sambutan Ketua Umum IKPS Hasdanil dan urang tuo nan > mantan katua umum IKPS, Is. Anwar Datuak Rajo Perak. Halal bi halal ko > balangsuang di Aula Bundo Nurlis, New Is Plasa. Nurlis adolah namo ibu Is > Anwar sandiri. Gaduang nan gagah di bilangan jalan Pramuka Raya, Jakarta > Timur tu diresmikan pamakaiannyo oleh duo calon Presiden, yaitu Irman > Gusman sabagai Capres convensi Partai Demokrat dan Prabowo Subianto capres > dari Gerindra nan kudian didukung oleh Koalisi Merah Putih.--al > > -- > . > * Posting yg berasal dari Palanta RantauNet, dipublikasikan di tempat lain > wajib mencantumkan sumber: ~dari Palanta R@ntauNet~ > * Isi email, menjadi tanggung jawab pengirim email. > =========================================================== > UNTUK DIPERHATIKAN, yang melanggar akan dimoderasi: > * DILARANG: > 1. Email besar dari 200KB; > 2. Email attachment, tawarkan & kirim melalui jalur pribadi; > 3. Email One Liner. > * Anggota WAJIB mematuhi peraturan (lihat di http://goo.gl/MScz7) serta > mengirimkan biodata! > * Tulis Nama, Umur & Lokasi disetiap posting > * Hapus footer & seluruh bagian tdk perlu dlm melakukan reply > * Untuk topik/subjek baru buat email baru, tdk mereply email lama & > mengganti subjeknya. > =========================================================== > Berhenti, bergabung kembali, mengubah konfigurasi/setting keanggotaan di: > http://groups.google.com/group/RantauNet/ > --- > Anda menerima pesan ini karena berlangganan grup "RantauNet" di Google > Grup. > Untuk berhenti berlangganan dan berhenti menerima email dari grup ini, > kirim email ke rantaunet+unsubscr...@googlegroups.com. > Untuk opsi lebih lanjut, kunjungi https://groups.google.com/d/optout. > -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet~ * Isi email, menjadi tanggung jawab pengirim email. =========================================================== UNTUK DIPERHATIKAN, yang melanggar akan dimoderasi: * DILARANG: 1. Email besar dari 200KB; 2. Email attachment, tawarkan & kirim melalui jalur pribadi; 3. Email One Liner. * Anggota WAJIB mematuhi peraturan (lihat di http://goo.gl/MScz7) serta mengirimkan biodata! * Tulis Nama, Umur & Lokasi disetiap posting * Hapus footer & seluruh bagian tdk perlu dlm melakukan reply * Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/ --- Anda menerima pesan ini karena Anda berlangganan grup "RantauNet" dari Google Grup. Untuk berhenti berlangganan dan berhenti menerima email dari grup ini, kirim email ke rantaunet+unsubscr...@googlegroups.com. Untuk opsi lainnya, kunjungi https://groups.google.com/d/optout.
