Wa'alaikumussalam wa rahmatullahi wa barakaatuhu Pak Saaf sarato dunsanak sapalanta di sabalik bumi Allah,
Carito Minyak di Singkarak ko bukanlah carito baru. Alah sajak tigo puluah tahun nan lapeh di pareso dan dikarajoan dek para ahli eksplorasi, bahkan alah ado sumua eksplorasi nan digali di daerah Sijunjuang dan sekitarno tu. Alah pulang baliak Caltex (kini Chevron) mamareso, mamparajai, mambor sumua sampai kasudahanno manyimpulkan untuak manarik diri dari sinan dek indak ekonomis cadangan nan basuo tu. Sajauah nan alah dikarajoan dek Caltex tu, alhamdulillah lai indak bapangaruah buruak bana ka nagari awak do. Lai indak tadanga akibaik sampiang buruak nan tajadi do. Sabab saandaino minyak ko iyo cukuik banyak untuak diproduksi, insya Allah indak ka banyak manggaduah ka lingkuangan sacaro manyaluruah do. Di lapangan gas Arun di Aceh, kapalo sumua nan mangaluaan gas talatak di tangah sawah, di sawah tu urang manjaja juo jo kabau (katiko ambo caliak tahun 1995) indak marusak bagai do. Lai aman-aman sajo no. Awak mungkin agak tagalenjek mandanga barito bahaso ado 34 juta barel minyak bumi taandok disinan. Iko adolah sabuah takok taki gadang dalam eksplorasi minyak. Urang ahli geologi dibantu dek ahli geofisika musti mampu manarangan nan bahaso minyak nan ka dicari tu iyo cukuik gadang jumlah no. Sacaro kasa, paretongan ka duo macam ahli ko adolah maetong bara gadang cekungan, bara banyak dari cekungan tu nan barisi lunau (lumpur organik), bara kandungan zat organik dalam lunau tu. Sasudah itu dietong pulo tingkek kamatangan zat organik nan dikanduang no tu. Angko nan kalua biasono, supayo urang punyo pitih amuah malatak-an pitihno, mustilah dalam jumlah gadang. Iko takok takik nan tabaliak. Dek kini nan punyo pitih alah amuah malatak-an modal, alah amuah mambalanjoan pitih sabanyak 10 juta dollar, tantu tando nan punyo pitih ko alah yakin jo paretongan urang ahli geosience tadi tu. Sarupo itu nan tajadi katiko Caltex ka mamuloi karajo saisuak. sarupo itu juo nan tajadi kini. Angko angan-angan tu bisa sajo saketek demi saketek rareh (rontok) baliak. Gambaran seismik nan dibaco ahli geofisika mulo-mulo, umpamono sajo manyarankan supayo diadokan panalitian nan labiah kulimek, kini di karajoan urang jo seismik 3D namono. Labiah jaleh tampak gambaran cekungan nan 'dipakiroan' manganduang zat organik tadi. Acok tajadi, para ahli sacaro jantan harus mangakui, bahaso bayangan samulo indaklah sarupo itu bana doh. Dimensi cekungan indak sagadang nan dibayangkan doh (walau kabaliak-anno bisa pulo basuo). Kadang-kadang, di langkah iko sajo alah ado nan suruik. Indak jadi malangkah ka langkah barikuik. Saandaino rancak asia interpretasi seismik tu, diansua kaji. Jo mambor sumua eksplorasi namo no. Ditaliti banalah sumua tu untuak satiok inci nan di bor, untuak mancari lai atau tidak tando-tando basuo minyak bumi cako tu. Awak pintehi sajo capek, basuo lapisan batu nan manganduang minyak tu. Mako dilakukan pamaresoan atau test. Di uji iyo lai amuah minyak tu dikaluaan atau indak. Katiko minyak amuah manyamburek kalua, mako ahli perminyakan bisa maetong, bara kiro-kiro gadang cadangan minyak nan ado di bawah sinan. Angko ko biasono sangaik balain jo hetongan pandahuluan nan masih manganduang banyak faktor panentu sarato faktor kasalahan. Hetongan ahli perminyakan (ahli reservoir) alah badasarkan fakta nan dibuktikan dek pangujian. Caltex alah mangarajoan sampai mambor sumur, maetong bara minyak nan ado di dalam (masih perkiraan tantu sajo). Singkek carito, bialah nak baretong dan bakarajo Operator nan kini ko (Radiant?) buliah nak samo awak caliak an nanti. Mungkin-mungkin sajo mareka ko labiah baruntuang dari usaho nan daulu, sesuatu nan memang acok pulo tajadi di dalam paburuan mancari minyak. Wassalamu'alaikum Lembang Alam 2008/11/22 Dr.Saafroedin BAHAR <[EMAIL PROTECTED]> > Assalamualaikum w.w. para sanak sa palanta, > Mengingat bahwa eksplorasi dan eksploitasi gas dan minyak bumi di 'blok > Singkarak' ini berpotensi akan merusak keindahan alam yang merupakan asset > andalan untuk pariwisata Sumatera Barat -- yang sampai sekarang masih kita > pandang sebagai tumpuan pembangunan daerah Sumatera Barat karena kecilnya > sumber daya alam -- saya benar-benar ragu akan manfaatnya jika dilanjutkan. > Apalagi perkiraan jumlah depositnya tidak terlalu besar. > Sebelum terlambat saya sarankan masalah ini perlu dibahas tuntas oleh para > pakar serta fihak terkait. Gebu Minang dapat menjadi forum untuk membahas > yang penting ini. Jangan sampai *alah luluih baru malantai.* > > Wassalam, > Saafroedin Bahar > (L, masuk 72 th, Jakarta) > --~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet - Tulis Nama, Umur & Lokasi anda pada setiap posting - Dilarang mengirim email attachment! Tawarkan kepada yg berminat & kirim melalui jalur pribadi - Dilarang posting email besar dari >200KB. Jika melanggar akan dimoderasi atau dibanned - Hapus footer & bagian tdk perlu dalam melakukan reply - Jangan menggunakan reply utk topik/subjek baru =============================================================== Berhenti, kirim email kosong ke: [EMAIL PROTECTED] Daftarkan email anda yg terdaftar pada Google Account di: https://www.google.com/accounts/NewAccount?hl=id Untuk dpt melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---