Ubekno hanyo ciek. Muloi dari diri awak dan keluarga awak nan tadakek. Sampaikan ka kawan-kawan walau pejabat sekalipun. Itu nan buya lakukan...... karano. Alhamdulillah sampai kiniko ..... lai talok juo baru, dek mungkin alun ado nan tamakan pitih nagara ko .... dek wak doh. Qulil haqqa walau kana murran Semoga selalu teguh, Wassalam BuyaHMA
2008/12/2 Defiyan Cori <[EMAIL PROTECTED]> > Hormat ambo pado rang tuo-tuo nan daulu buya...tapi sayang nan mudo-mudo > kini ko banyak nan ndak punyo raso jo pareso karano ilmu nan dikaja ilmu nan > tampa dek mato.. > sahinggo materi jadi TUHAN, iko lah beda no urang daulu jo kini ko... > alah DOKTOR no...oalah pandai bahasa inggris no...o alah bara umah no.. > MasyaALLAH iko lah nan mambuek tanah Minangkabau "dipagarahan" taruih dek > ALLAH SWT, gampo lah...nan ka tsunami lah...indak ACEH nan alah kanai jadi > pelajaran untuak mamelokan MORAL urang-urang kito, terutama pejabat no...? > Apo awak akan baromantika jo sejarah taruih...? > Bukti ADAT BASANDI SYARAK, SYARAK BASANDI KITABULLAH tu bana nan ndak ado > bukti, kalau baslogan-slogan jo pepatah2 santiang bana... > Fabiayy aala irabbikuma tukadziban.... > > Wassalam > Defiyan Cori > > --- On *Mon, 12/1/08, Masoed Abidin <[EMAIL PROTECTED]>* wrote: > > From: Masoed Abidin <[EMAIL PROTECTED]> > Subject: [EMAIL PROTECTED] Ma ambiek contoh ka nan sudah > To: RantauNet@googlegroups.com > Cc: "Dr.Saafroedin BAHAR" <[EMAIL PROTECTED]> > Date: Monday, December 1, 2008, 12:57 PM > > *Maambiek contoh ka nan sudah*** > > * * > > Urang Minangkabau pado umumnyo sangaik amuah maambiak pitunjuak jo > pangajaran dari pangalaman-pangalaman hiduik urang-urang tuo nan dahulu. > Pangalaman nantun bagi anak-anak cucu urang Minangkabau dipakai sabagai suri > tauladan dan juo diambiak sabagai kaco parbandiangan dalam manampuah hiduik > salanjuik-no. > > > > Pangalaman adolah guru nan paliang baiak. Sasuai jo pasan dari > urang-tuo-tuo kito, ma ambiak contoh ka nan sudah (atau ka nan alah > balalu), jo ma ambiak tuah ka nan bana (indak sajo ka nan manang, karano > nan manang nan-tun alun tantu salalu bana, tapi nan bana tu salalu ka > manang lambek jo laun no). > > > > Karano tu anak cucu urang Minangkabau sajak dari ketek no alah di ajari > bana-bana > mangarati dalam mambaco alam nan takambang nan-ko untuak ka dijadikan > guru. Mambaco buku nan banamo alam takambang nantun sangaik mamaralukan bana > ka-arifan. Karano halaman no laweh, indak ta muek di dalam gaduang-gaduang > parpustakaan atau di dalam gudang-gudang buku doh. > > > > Tapi, kalau kito bisa mamahaminyo sacaro mandalam, dan isi-no bisa pulo > dikambangkan untuak manampuah hiduik nangko, Insya Allah tantu salamaik kito > jadino. > > Ibaraik kato urang tuo-tuo kito, kok di punta sabalun kuku, kok nyo di > rantang sa laweh alam, baitulah sipaiknyo. > > Urang-urang tuo Minangkabau, sajak mulonya pandai bana baraja dari > kajadian-kajadian alam (akibaik-akibaik nan ado di tangah-tangah alam). > > > > Makonyo pangajaran-pangajaran saroman nantun dibaco-baco salalu jo > dikana-kana salamonyo. Labiah-labiah nan batalian jo tingkah kurenah hiduik > di ateh bumi Allah nangko. > > Pangajaran nan sarupo tu sajalan bana jo paringatan agamo kito Islam nan > mangatokan *: "siiruu fil ardhi, fan-dzuruu kaifa kaana aqibatul mukadz*-* > dzibiina*" aratino, bajalanlah di muko bumi, calieklah (palajarilah) baa > akibaik-akibaik nan di timpokan kapado urang-urang nan mandutokan > (mukasuikno urang-urang nan mandutokan paringatan-paringatan Allah). > > > > Alam ma ajakan kapado kito, bahaso paneh jo hujan babalasan. Ma ajakan pulo > bahaso Allah alah manjadikan sagalo sapasang, sagalo duo. Ado ketek ado lo > gadang, ado sakik tando ado sanang, ado maju ado loh mundur, ado mudo ado > gaek, ado hiduik pasti ado mati. > > Jadi pangalaman hiduik di ateh alam nan saroman tu, manjadikan kito > maliek apo nan ado di baliak nan tampak, pandai mambaco di baliak nan sadang > dirasoan, indak hanyo sakadar tatuju (ta-fokus kato urang kini) kapado > pandangan mato sajo. > > > > Tapi labiah jauah kabulakang, ka nan tasirek disubaliak nan tasurek. Saroman > tu bana aluihno pangajaran nan dibarikan dek alam ko, nan di ajakan dek rang > tuo-tuo saisuak sahinggo anak cucu rang Minangkabau tumbuah manjadi generasi > nan arih-candokio (bukannyo arih cando ka iyo). > > > > Urang Minangkabau sangaik pandai mampagunokan kato-kato, nan banyak > manganduang pangajaran [panuah arati] banyak barisi kieh jo bandiang. > > Disinan tu talatak ka labihan kito dari urang-urang lain, nan indak hanyo > sakadar mambaco apo nan tampak, tu sajo. > > > > Inyo indak mangecek apo nan takana, tapi labiah dahulu mangana-ngana apo > nan ka disampaaikan-no. Ikolah tando urang nan arih bijaksano, nan tau di > ereng jo di gendeang, nan tau rantaiang nan ka malantiang, atau tau pulo di > batu nan ka manaruang. Indak manyarundak se do kian ka mari, bak ibaraik > ilimu babi. > > > > Lai ko ka manyingung urang ka naik, atau lai goh kamelendo urang ka > turun. > > Baitulah kalau kito namuah maambiak pangaja ka bakeh alam nan takambang ko > untuak di jadikan guru, Insya Allah tantu kita manjadi umaik nan pandai > hiduik, jo indak mungkin putuih aso hilang sumangaik. > > Ikolah nan sajak dahulu di sabuik-sabuik dalam pasan rang tuo-tuo kito, di > maa bumi di pijak di sinan rantiang di patah, di maa langik di jujuang, > disinan adaik baapakai. > > > > Kok badan pai marantau, jan di lupokan, iyu bali balaanakpun di bali, ikan > panjang bali dahulu. Ibu cari, dunsanak-pun dicari, induak samang cari > dahulu.Sabarek-barek baban nan singguluang usah di tinggakan, sa jauah-jauah > bajalan nan kampuang usah di lupokan. > > Baitu lo kalau alam takambang di jadikan guru, sa tinggi-tinggi tabang > bangau, dibancah juo kahinggokno. Sajauh-jauh marantau, ka kampuang juo > babaliakno. > > Mudah-mudahan kito basamo dapek maambiak hikmah dari padono. Amin. > > > Wassalam*Buya H.Mas'oed Abidin* > > > > > > > -- Allahumma inna nas-aluka ridhaa-ka wa al-jannah, wa na'uudzu bika min sakhati-ka wa an-naar Allahumma ghfir-lana dzunubana, wa li ikhwanina, wa sabaquuna bil-imaan,wa laa taj'al fii qulubinaa ghillan lil-ladzina aamanuu Rabbana innaka ghafuurun rahiim. --~--~---------~--~----~------------~-------~--~----~ =============================================================== UNTUK DIPERHATIKAN, melanggar akan dimoderasi atau dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pd setiap posting - Email attachment DILARANG! Tawarkan kpd yg berminat & kirim melalui jalur pribadi - DILARANG posting email besar dari 200KB. - Hapus footer & bagian tdk perlu jika melakukan reply - Utk topik/subjek baru, buat email baru jangan menggunakan reply =============================================================== Berhenti, kirim email kosong ke: [EMAIL PROTECTED] Daftarkan email anda yg terdaftar pada Google Account di: https://www.google.com/accounts/NewAccount?hl=id Untuk melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
