Sanak Madahar yth. Walau indak ditujukan langsuang ka ambo, tapi karono disabuik-sabuik namo ambo, paralu ambo luruskan banyak hal : 1. Indak ado satupun niat dan tulisan ambo nan managah KKMP, malah mandorong untuak itu, dan maluruihkan babarapo hal supayo manjadi perhatian dek SC. Ambo sato partamo kali mengomentari diskusi iko karono Pak Saaf banyak manyampaikan keterangan-keterangan nan sabananyo barasa dari pamikiran ambo, hanyo clearence sajo. Mulai dari awal waktu ungkapan ABSSBK sampai pado sublimisasi TTS manjadi forum MAS. Sudah itupun sado saran dan petunjuk nan disampaikan selalu ambo sampaikan jalan kaluanyo, indak ado satupun nan tokok mati. 2. Diskusi iko alah sampai kapado masalah pribadi dan ungkapan pribadi, padahal nan diharokkan adonyo asah pengetahuan di kito basamo. Kudian diadu-adu pulo pandangan ambo di ranah, nan mungkin dapek melahirkan fitnah karono indak mengikuti pamikiran sucaro runtut dan mengenal ambo sucaro langsuang. Ambo tantu indak mangambangkan di siko kalau draft keputusan nan dibuek alah mambuek rasah niniak-mamak nan banyak manghubungi ambo sucaro pribadi. Dek karono itu ambo patanyoan sucaro elok-elok di jalur nan diraso patuik iko. Apolai ado rancangan itu, nan alah dinilai paham atau tidak pahamnyo masalah adat. Tapi dapek dimaklumi kalau pemahaman kito adolah sucaro hermeneutik, hanyo mambaco dari text, nan tantu indak samo penangkapan di antaro kito. Kalau ado salah tangkap salah paham, tantu dikasih tunjuk. 3. Pandangan ambo nan disabuik sakuduang-sakuduang adolah sasuai dengan konteks dan relevansi yang didiskusikan. Karono kito manganuik media komunikasi internet nan sarupo iko, indak sado ditumpahkan. Kok bantuak itu, sombong awak, sok tahu awak, sasuai nan diraso sanak nan dari Kalimantan itu. Kok dimintak penjelasan sucaro langkok, ambo tingga manunjuakkan buku tambo nan acok dijojo di palanta iko; kok indak juo, ambo lai sadio mambuekkan artikel utuh satantang itu. 4. Satantang kaji paham-kompetensi, kok buliah ambo kambangkan tabel: tahu-kompeten, tahu-tidakkompeten, tidaktahu-kompeten, tidaktahu-tidakkompeten. Kok nio mangambangkan maso depan, usah dipakai juo barang lapuak itu, pakaikan sajo istilah baru nan alun panah didanga. Baitu sanak, ka sanak juo tibonyo kayu basilang. Tantu iko salah dan indak patuik, ka sanak dan sado nan takaik ambo mintak moo, ka Allah swt ambo mintak ampun. Wassalam, -datuk endang
--- On Tue, 3/2/10, Dr.Saafroedin BAHAR <saaf10...@yahoo.com> wrote: Assalamualaikum w.w. Sanak Madahar, Maaf talambek mambaleh posting Sanak nan dikirim tanggal 24 Februari nan lalu. Bukan karano ambo abaikan, tapi karano ambo baru babaliak ka Jakarta kapatang, tanggal 1 Maret, sasudah mangikuti sosialisasi rencana kongres dan materi draft kesepakatan ka Sumatera Barat. Salamo di Sumatera Barat, ambo indak mambuka internet. [Ambo indak punyo BlackBerry nan canggih tu]. Sakali lai maaf dek talambek manjawab. Usul Sanak -- untuak maagiah penjelasan ka masyarakat -- alah mulai ambo laksanakan. basamo-samo jo kawan-kawan lain dari Panitia. Inti dari gagasan panitia nan akan dan sadang dimasyarakatkan tu pado dasarnyo adolah: 1) karano ABS SBK alah acok kito bahas, tapi indak ado kasimpulan sarato tindaklanjuik, mako paralu dituntaskan parumusannyo malalui kongres, bukan sajo supayo dikatahui dek para sanak kito sa Minangkabau, tapi juo supayo dapek kito laksanakan basamo-samo; Gebu Minang sabagai salah satu organisasi kito urang Minang, maambiak inisiatif/prakarasa untuk itu; 2) untuak manindaklanjuti kesepakatan kito tantang ABS SBK tu, kito rencanakan untuak bantuak limbago 'Majelis Adat dan Syarak' (MAS) sabagai majelis untuak bamusyawarah dari 'Tungku nan Tigo Sajarangan', sajak dari tingkek nagari, kecamatan, kabupaten/kota, sampai ka provinsi, badampingan jo Pemerintah Daerah.Gagasan iko alah ado sajak tahun 2006 dalam Kongres Kebudayaan Minangkabau di Hotel Inna Muara, Padang. Sagalo masalah nan takaik jo ABS SBK dimusyawarahkan dalam MAS iko. Panitia alah manulihkan sacaro langkok baiak karangka acuan maupun draft kasapakatan nan kami tawarkan, dan maagiah wakatu anam bulan -- rasonyo cukuik lamo -- kapado para sanak kito saluruah urang Minang, untuak manimbang-nimbang draft tu sabalun diambiak kaputusan dalam kongres bulan Agustus nanti. Disatujui Alhamdulillah, ditulak juo Alhamdulillah. Nan jaleh sasudah ado kaputusan, akan jaleh pulo jantan batinonyo, indak lai tarapuang indakj hanyuik tarandam indak basah, sarupo kini ko. Sosialisasi ka masyarakat alah duo kali dilakukan panitia. Partamo kalinyo tanggal 3 Februari di Fakultas Sastra Unand, khusus untuak pimpinan limbago sarato para ninik mamak, alim ulama, cendekiawan, jo budayawan di Sumatera Barat. Walau mulonyo banyak juo nan curiga, kudian patamuan itu maambiak kesimpulan bahaso kongres kebudayaan iko paralu dilaksanakan. Syukur Alhamdulillah. Nan kaduo, tanggal 27 Februari nan lalu, di Solok, khusus untuk para utusan KAN, walinagari, BMN, dihadiri 107 urang. Syukur, banyak nan maagiah masukan nan positif, sarato mausulkan adonyo pembekalan untuk para ninik mamak dan diparatikan mato pancaharian baliau-baliau supayo bisa malaksanakan tugas sacaro tanang. Kaduo masalah iko kabatulan alah masuk dalam draft. Ado juo nan maminta supayo dibuek patunjuk tantang peyelesaian sengketa adat. Iko akan ambo tambahkan dalam draft. Bisa diwadahi dalam proses mediasi nan dianjurkan Mahkamah Agung. Sawakatu ditanyo dek bp Drs Farhan Muin Dt Bagindo apo hadirin satuju diadokannyo kongres kebudayaan Minangkabau. sadonyo hadirin manyatokan satuju, sacaro aklamasi. Sakali lai, syukur Alhamdulillah. Kini ko, sasuai jo kesempatan, kami sadang merencanakan sosialisasi rencana jo draft kesepakatan tu ka daerah-daerah lainnyo di Sumatera Barat, dan juo di Rantau. Dalam wakatu dakek ko akan diadokan patamuan sarupo untuak daerah Jabotabek. Tampeknyo sadang diurus, mungkin di Kementerian Kebudayaan dan Pariwisata, Jl Merdeka Barat, Jakarta. Tanggal -- mungkin -- tanggal 6 Maret iko, kok lain diizinkan Allah swt. Basaratoan jo itu kini panitia sadang maadokan revisi taradok rencana kongres dan draft kesepakatan, untuak manampuang saran-saran dari FGD di Unand dan di Solok, tamasuak manampuang saran Ketua DPD supayo dalam rangka kongres ko juo dibahas tema sumbangan kebudayaan Minangkabau tarado pembangunan kebudayaan nasional. Adapun tantang pandangan baliau Datuk Endang taradok panitia jo taradok kongres itu sendiri, nampaknyo iyo banyak bana bedanyo jo pandangan kami -- maaf pakai kato 'kami' -- di panitia tantang Minangkabau maso kini jo Minangkabau maso datang, sahinggo labiah rancak indak dilanjutkan tuka pikiran ambo jo baliau.Indak ciek juo gagasan panitia nan disatujui dek baliau. Labiah dari itu ado kasan, baliau malah manggurui panitia tantang apo nan adat Minangkabau, saakan-akan kami di panitia ko indak tahu adat dan indak urang Minang. Kan sadiah, tu ? Labiah rancak dihantikan tuka pikiran jo baliau, dari pado mubazir mambuang wakatu baliau jo mambuang wakatu ambo. Padohal masih banyak karajo nan paralu ditangani. Lagi pulo, sawakatu ambo jo para sanak dari panitia turun ka Solok, mandanga langsuang pandapek 107 para tokoh ninik mamak, KAN, dan BMN, tanyato indak sadonyo datuk-datuk samo faham baliau jo faham Datuk Endang tu. Sampai kini, ambo iyo alun panah mandapek gambaran langkok dan mandasar tantang apo bana konsep baliau Datuk Endang tantang ABS SBK sarato kama baliau ka mambao Minangkabau jo konsep baliau tu. Sapanjang nan dapek ambo tanggap dari posting baliau nan sakuduang-sakudung dalam RN iko, rasonyo baliau akan maajak kito babaliak ka maso saisuak, dan hegemoni panyalasaian masalah dipacik khusus hanyo dek para panghulu sajo. Nan lain baliau anggap 'indak kompeten', artinyo indak punyo kewenangan untuak itu. Dalam konsep baliau tu, nampaknyo indak ado tampek bagi kalompok-kalompok nan lain-lain, antaro lain bagi urang nan baminat manindaklanjuti baa caro malaksanakan ABS SBK tu, sarupo ambo ko. Baitu kesan ambo. Mudah-mudahan tanggapan ambo iko salah. Wassalam, Saafroedin Bahar (Laki-laki, masuk 73 th, Jakarta) --- On Tue, 3/2/10, Madahar (madahar) <mada...@chevron.com> wrote: From: Madahar (madahar) <mada...@chevron.com> Subject: RE: [ABSSBK] RE: [...@ntau-net] Persiapan KKMP To: rantaunet@googlegroups.com Date: Tuesday, March 2, 2010, 11:13 AM Awak sabananyo lah indak ka namuah sato di topik iko sasudah babarapo tanyo awak ka pak Saaf indak babaleh. Tapi mancaliak komunikasi basilang antaro pak Saaf jo mak Dt Endang io bata juo niaik jadinyo untuak indak sato walau hanyo sakiro bakomentar sajo. Kalolah di kiro urang sa kaliber mak Dt Endang nan alun saukua jo batamunyo rueh jo buku antaro urang santiang-santiang di Gebu Minang jo kolega mak Dt tantu kabaa pulola pamahaman nan ka balaku di rakyaik badarai satantangan galeh nan ka dikatangahan dek pak Saaf jo koleganyo nanti. Bialah indak wak ulang tanyo awak baliak 2, 3x karano iko adolah sato awak nan pangabisan untuak topik iko. Samo mananti lah kito isuak ka bisuak a nan ka tajadi di ranah nanti, samo bado’a kito supayo elok sajo jalannyo, indak ado batu ka manaruang indak alu ka malintang. Amiiiiin. Talabiah takurang mohon ma’af dipintak dari lubuak ati nan paliang dalam tarutamo ka pak Saaf nan kapalo banda di milisko. Wabillahi taufiq wal hidayah Wassalamu’alaikum ww From: rantaunet@googlegroups.com [mailto:rantau...@googlegroups.com] On Behalf Of Dr.Saafroedin BAHAR Sent: Tuesday, March 02, 2010 9:55 AM To: rantaunet@googlegroups.com Cc: kurnia_war...@yahoo.com; minangka...@yahoogroups.com; abs...@yahoogroups.coma Subject: Re: [ABSSBK] RE: [...@ntau-net] Persiapan KKMP Datukk Endang yth, Nampaknyo paradigma nan kito anuik iyo babeda bana, agak susah untuak mancari titiak temu. Asumsi-asumsi dasar itu bana nan indak samo. Supayo indak balaruik-laruik, silakan Datuk manganuik paradigma Datuk surang, dan ambo -- jo kawan-kawan di Gebu Minang -- manganuik paradigma kami pulo, dan kito ba-fastabiqul khairaat sajo. Wassalam, Saafroedin Bahar (Laki-laki, masuk 73 th, Jakarta) --- -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe
