Assalamualaikum warahmatullahi wqabarakatuhu, Angku H. Arfizal Indramaharaja,
Kok buliah ambo batanyo, karano banyaknyo titel buku buku TAMBO MINANGKABAU, buku tambo nan maa nan dibali 300 urang tu? Variasi atau suatu judul tertentu? Dalam jangka waktu bara nan 300 tu sakali tajua? 1. Umua 42 sacaro relatif alun lai dapek digolongkan ka "Urang Lamo". Umua ko sadang dalam puncak "Angkatan Baru" nan sadang mampunyoi daya beli dan daya ingin tahu budaya kito. Ambo raso mereka laki-laki nan mambalinyo karano inyo nan mamaciak puro pitih dalam keluarga dan mambali buku tu rasonyo bukan untuak dibaconyo surang. Laki-laki pambali tu bukanlah tagak surang. Inyo bafungsi sakaligus sabagai ayah dan mamak dalam lingkungan keluarganyo. Jadi buku tu dibali untuak dibaco basamo anggota keluarga nan takaik, kaik bakaik malingkupi point 3 dalam pasan angku. 2.Dalam daftar Angku, kaum ibu indak mambali tu ambo raso, kasimpu;an angku mungkin meleset, ambo raso bukanlah karano kurang paratian kaum perempuan ka bidang tu. Alasannyo nan mambali atau nan marosok puronyo adolah laki-laki saroman diateh. Kalau dalam jangka waktu pendek 300 sakali tajua, itu suatu prestasi nan ambo raso tinggi ka pangajian Tambo. Mudh-mudhan dengan dibaconyo 300 buku tu basomo-samo jo nan takaik di lingkungan keluarga dan karikbarik, dampaknyo akan tambah laweh. Salam, --MakNgah Sjamsir Sjarif --- In rantau...@yahoogroups.com, Maharaja <indramahar...@...> wrote: > > Assalamu'alaykum wr.wb; > > Dunsanak kasadonyo, > dari kurang labiah 300 urang nan alah mamasan buku TAMBO MINANGKABAU > ka ambo, nyatonyo 90% usianyo 42 tahun ka ateh <sadonyo laki-laki>; > 10% usianyo 28-42 tahun di antaronyo 3 urang parampuan dari kalangan > profesi. > > Iko artinyo apo? > > Kalau buliah kito buek suatu kasimpulan: > 1.Nan masih paduli jo adaik budayo Minang masih urang lamo juo. > 2.Kaum ibu <khususnyo ibu rumah tanggo> kurang sakali paratiannyo ka > masalah adaik. > 3.Generasi mudo <anak kamanakan kito nan sadang sikola SMP/SMA> iyo > paralu kito bimbiang taruih. Di sampiang inyo sibuk jo mato palajaran > nan sangaik padek, buku2 ttg adaik budayo tu indak pulo tasadio di > rumah atau di perpustakaan sikola. > Dapek kito bayangkan apo nan ka tajadi di tahun2 nan katibo, jan2 kito > urang Minang lah abih lupo jo adaik kito nan indak lapuak dek hujan, > indak lakang dek paneh. > > Supayo hal sarupo iko indak akan tajadi, ambo himbau dunsanak > kasadonyo > -untuak labiah mamparatikan anak kamanakan kito masiang2 spy mereka > tatap cinto kpd nagari sarato adaiknyo. > -samo2 kito dorong pamerintah kito utk manyadiokan buku ttg adaik > budayo ko di satiok perpustakaan sekolah. > > Itulah nan dapek ambo sampaikan di siko sahubuangan jo minat baco > masyarakat kito urang Minang nan ambo kaikkan jo hasil panjualan buku2 > nan ambo terbitkan. Mudah2an dapek manjadi bahan pamikiran di kito > basamo. > > Wassalam, > H. Arfizal Indramaharaja -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe
