Bana, Pustaka Paklawan itu nan ambo mukasuik dan Angku St. Asali tu nan ambo kenal dahulu karano ambo acok winggah ka Toko Buku Paahlawan tu manjapuik surek kaba. Sanang ambo mandanga baliau lai sehat-sehat. Baliau labiah tuo dri ambo, saangkek kakak lah tibonyo. Mungkin baliau indak takana jo ambo lai karano langganan baliau banyak.
Dahulu, ambo maaja di ST-2 Lambau tahun 1955-58 dan kuliah di B-I Sejarah Bukittinggi. Sasudah bagolak 1961 ambo langsuang baliak ka ST-2 dan manaruihkan kuliah nan tabangkalai sampai 63 sampai B-I Sejarah manjadi FKIP Unand Jurusan Sejarah Cabang Bukittinggi. Sudah tu sampai 1966 ambo mambantu saurang anthropologist masuak kampuang ka lua kampuang manamui berbagai lapisan Narasumber guno mamparajai kebudayaan Minangkabau. Salah satu projek kami wakatu itu 2 tahun ambo mambaco ratusan berkas Pakaro-pakaro nan lah putuih (1898-1965) di Pengadilan Negri Bukittinggi istimwewa nanmanyangkuik saluak baliuak harato Pusako jo Harato Pancaharian. [Baiak Gedung B-I Sejarah maupun Kantor Pengadilan Negeri Bukittinggi kini lah hilang dari mukobumi diatehnyo dibuek Novotel Hotel atau kin kabanyan manjadi Hill Hotel. Cuma kalau pulang sakali-sakali ambo dapek barangan di swimming pool Novotel tu sambia nan lataknyo kiro-kiro diateh bulakang geduang kuliah kami dahulu tu]. Salam, --MakNgah Sjamsir Sjarif --- In rantau...@yahoogroups.com, Maharaja <indramahar...@...> wrote: > > Satahu ambo panabik Indah tu indak urang Kapau doh tapi urang > Padanglua, tapi kalau toko buku Pustaka Pahlawan iyo urang Kapau. Namo > baliau K St Asali, dan alhamdulillah baliau lai sehat2 sajo. Kami > batetangga jo baliau wakatu masih tingga di sabalah Wowo (pandakian > jalan ka Kabun Binatang). > > Sakali lai ambo sampaikan ucapan tarimo kasih ka MakNgah ateh atensi > MakNgah jo kegiatan ambo ko. Mudah2an jo doa kito basamo usaho ko > berlanjuik taruih dalam barokah Nan Maha Kuaso. > > Wassalam, > H. Arfizal Indramaharaja > -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe
