Andiko.
Mamahami pandangan Hatta tantulah awak liek pulo relasi dan konteksnyo. Apo
latar belakangnyo, kabilo disampaikan, sarato hadok kato-katonyo. Kalau nan
ambo tangkok dari pernyataan beliau, iyo kutiko ka marumuskan atau
mengkonstruksi negara, dan latar belakangnyo bukan budaya, tapi pengalaman dari
negara lain. Jadi kurang basasuaian kalau itu digunokan sabagai pisau analisis
untuak manilai budaya awak.
Namun kalau kadijadikan analogi, dapek sajo. Sasuai nan disabuikkan sudah,
apokoh agamo talatak di tapi ataukah ka di tangah? Nan agamo baitu sajo, nan
babeda adolah penafsiran masyarakat satantang agamo itu. Kalaulah manjadi inti
dari kebudayaan masyarakat, tantu ado cerminan dalam perilaku dan perwujudan
kebudayaan. Tapi kalau saroman sanak sampaikan, nan dipagunokan adolah lambang
atau simbolnyo sajo, mako disiko agamo alah manjadi alat, atau kalau ambo
sederhanakan: manjadi totem. Kok itu agamo alah barado di tapi. Memang susah
bana bagi awak manampekkan aqidah dan syariah dalam pemahaman kehidupan. Paralu
guru-guru nan manuntun masalah itu.
Hinggo itu dulu sanak.
Wassalam,
-datuk endang
--- On Sun, 7/4/10, andi ko <andi.ko...@gmail.com> wrote:
Mamak
Yo itu konteknyo. Kalaulah Minangkabau itu sebuah negara, apakah pandangan
hatta bisa menjadi pisau bedah ABS-SBK itu, mancaliak hubungan antaro agamo
dengan adat, dan agamo dengan peraturan daerah yang dilahirkan pemerintah saat
kini. Apakah urusan agamo alah menjadi urusan negara Minangkabau, atau saat ini
sedang berlangsung proses menegarisasi ajaran-ajaran agamo di Minangkabau
melalui peraturan hukum negara. Apokah agamo kehilangan kemurniannyo ketika
perda wajib jilbab dibuat dan deretan perda syariah lainnyo yang pernah
didiskusikan di palantako. Apokah dalam konteks itu simbol-simbol agamo telah
di pakai oleh politik lokal untuk tujuan-tujuan tertentu yang barangkali jauh
dari makna agamo yang murni, dimano simbol-simbol kesalehan itu menjadi
kendaraan untuk mencapai sesuatu. Atau memang itulah jalan terkini yang relefan
ketika ABS-SBK sebagai filosofi semakin jauh dari kehidupan keseharian,
sehingga dibutuhkan daya paksa dari tangan-tangan
negara, untuk tegaknyo ABS-SBK.
Pertanyaan itu yang dapek ambo kontekskan dari pidato Hatta.
Salam
Andiko
Pada 4 Juli 2010 03:41, Datuk Endang <datuk_end...@yahoo.com> menulis:
Andiko yth.
Ambo kurang manangkok konteksnyo. Namun kalau dikaji pandangan Hatta, ambo raso
karono ado pengalaman baliau memperhatikan negara-negara Eropah nan sebagian
balandasan sucaro itu. Namun kenyataannyo, walaupun Piagam Jakarta ditulak maso
itu, namun dalam kabinet ado Menteri Agamo, nan di negara-negara Arabpun sampai
kini indak ado jabatan seperti itu.
Kalau bantuak pemerintahan di Minangkabau hinggo nagari sajak maso saisuak alah
ado peran pemuka agamo dalam pemerintahan, nan hinggo kini dikobek dalam tali
tigo sapilin tungku tigo sajarangan.
Permasalahannyo, apokoh agamo dilatakkan di tepi ataukah di tangah dalam world
view masyarakat? Kalau mengkaji ABSSBK, nampak agamo alah barado dalam inti
kebudayaan, nan artinyo pandangan itu alah mambangun raso solidaritas, empati,
sarato keterlibatan dalam permasalahan dan konflik. Kok nan iko paralu
dikambangkan kajiannyo.
Wassalam,
-datuk endang
--- On Sat, 7/3/10, andi ko <andi.ko...@gmail.com> wrote:
Mamak
Sebagai bahan pemikiran, menarik dibaco pendapat Hatta tentang hubungan negara
dan agama, yang baliau sampaikan dalam rapek Sanyo Kaigi. Satu kalimat dari
pidatonyo nan terkenal itu adolah
"Kita tidak akan mendirikan negara dengan dasar perpisahan antara agama dan
negara, melainkan kita akan mendirikan negara modern diatas dasar perpisahan
antara urusan agama dengan urusan negara. Kalau urusan agama juga dipegang oleh
negara, maka agama menjadi perkakas negara, dengan itu hilang sifatnya yang
murni.
Sebagai bahan sajo untuak merenung
Salam
Andiko
Sadapeknyo memang tanggapan iko ambo tujukan ka Prof Nursyirwan, kalau-kalau
baliau masih mamonitor diskusi kito.
Bamulo dari pertanyaan: 'binatang apokoh ABSSBK itu?'; nan manunjuakkan ado
persepsi nan indak samo di antaro urang Minang, namun nan pantiang inyo adolah
'sesuatu'. Dek karono itu ambo takana jo kajian Radcliffe-Brown, nan
manunjuakkan adonyo totem, mite, saroto taboo. Jadi nan nampaknyo awak alah
malatakkan ABSSBK iko sabagai totem: nan baitu adonyo, mampunyai mite sejarah
kelahirannyo, sarato mampunyai hukum-hukum taboo dalam pelaksanaannyo. Kok
dimintak diurai, alun takao pemahaman nan ado; nan mungkin adolah baagak-agak,
atau manggunokan analogi sabagai suatu caro berpikir nan biaso digunokan urang
Minang. Dek karono itu kito tanpa melalui kesadaran alah malatakkan ABSSBK
sabagai totem: tanpa mengerti tentang mediasi nan manghubungkan kito dengan
sistem nilai itu.
Memang alun nampak kaji pemahaman satantang itu sucaro mendalam, nan kiro-kiro
artinyo, di maso kini pengetahuan dan pemahaman kito alun sampai pado
me-dekonstruksi dan me-rekonstruksi falsafah itu. Nan artinyo juo, alun ado
kesepahaman tentang bantuak pengembangan nan saharusnyo taurai dalam berbagai
segi kehidupan. Jadi kendalanyo adolah zaman. Mungkin suatu maso akan sampai
juo ka arah itu.
Salamo masih menjadi diskursus, ado duo hal nan dapek disikapi: sebagai
falsafah yang terwariskan, paralu ado limbago nan manjago hal itu; dan kaduo
bagi masyarakat badarai tatap paralu dipercikkan pemahaman-pemahaman sederhana
nan mudah dimangarati dan diterapkan. Metodanyo: analogi, perbandingan, uraian
hikmah, dan lain sebagainyo. Namun kalau kaji suri disarahkan kapado urang
banyak, mungkin ka basuo juo kito jo pertanyaan nan disabuik samulo.
Sungguahpun baitu, baharok kito ka nan mudo-mudo, nan dapek taruih menggali
nilai ajar nan takanduang dalam ABSSBK dan aktualisasinyo dalam berbagai segi
kehidupan, sebagai tanggungjawab sejarah ke masa depan. Nan berkembang salamo
iko kini, bialah menjadi bahan dalam pelajaran untuak itu, yaitu menoleh dari
totem menuju sistem nilai kehidupan nan labiah aktual.
Di ambo kini tatap mangharokkan KKM dapek ditaruihkan, dengan mengkaji
bahan-bahan nan iyo takao jo kemampuan nan ado kini dalam sekelompok orang nan
merintis hal itu, dan menyisihkan hal-hal nan dapek menjadi perdebatan. Dengan
jiwa saling menghargai dan tahu posisi masiang-masiang, mudah-mudahan acaro
dapek berjalan lancar.
Baitu kiro-kiro, baalah agak hati Prof dan dunsanak sekalian. Talabiah takurang
mohon dimaafkan.
Wassalam,
-datuk endang
--
--
.
Posting yang berasal dari Palanta RantauNet ini, jika dipublikasikan di tempat
lain wajib mencantumkan sumbernya: ~dari Palanta r...@ntaunet
http://groups.google.com/group/RantauNet/~
===========================================================
UNTUK DIPERHATIKAN, melanggar akan dimoderasi:
- DILARANG:
1. E-mail besar dari 200KB;
2. E-mail attachment, tawarkan di sini dan kirim melalui jalur pribadi;
3. One Liner.
- Anggota WAJIB mematuhi peraturan serta mengirim biodata! Lihat di:
http://groups.google.com/group/RantauNet/web/peraturan-rantaunet
- Tulis Nama, Umur dan Lokasi pada setiap posting
- Hapus footer dan seluruh bagian tidak perlu dalam melakukan reply
- Untuk topik/subjek baru buat e-mail baru, tidak me-reply e-mail lama dan
mengganti subjeknya.
===========================================================
Berhenti, bergabung kembali serta ingin mengubah konfigurasi/setting-an
keanggotaan di: http://groups.google.com/group/RantauNet/subscribe.
