Assalamualaikum ww Sanak Dasriel Noeha dan para sanak sapalanta, Kok ditanyo surang-surang, iyo akan bamacam-macam pulo jawaban taradok pertanyaan Sanak nan sabana barek tu. Maklum, rambuik nan samo hitam, pandapek balain-lain. Nan rancak tantu duduak kito basamo, dibahas dan ditungkuik talangkan mancari pasamoan pandapek. Masalahnyo: sia nan maadokan rapek gadang tu? sia nan kahadir ? apo acaranyo ? sia nan ka manyampaikan prasaran dan sia pulo nan akan mambandiang ? ado ciek lai : sia nan akan manjadi penyandang dana ? Saparati kito katahui, tahun 2010 nan lalu Gebu Minang alah mancubo memprakarsai sabuah Kongres Kebudayaan Minangkabau (KKM) nan bafokus ka ABS SBK sbg jatidiri Minangkabau, dan maajak sagalo urang awak untuak manyumbangkan pikiran. A nan tajadi ? Baru sajo kami malangkah, alah muncul kelompok penentang nan manamokan diri GM KKM, nan malakukan sagalo macam caro - haluih dan kasa - utk menggagalkan KKM tu. Aksi GM KKM ko - nan didukuang dek babarapo pejabat teras Pemda Sumbar - hampia berhasil menggagalkan KKM. Syukurnyo, sacaro indak diduga, perlindungan datang dari Walikota Padang Fauzi Bahar, nan manyatokan bhw jankan kongres urang Minang, kongres urang Toraja pun di Padang akan baliau lindungi. Baliau hanyo mamintak supayo istilah 'kongres' diganti jo 'seminar'. Itu langsuang kami setujui, dan dalam format seminar (SKM), substansi KKM nan alah dipersiapkan basamo salamo satahun tu dapek dibahas dan disepakati sacaro batanang. Kini Alhamdulillah alah agak jaleh apo hakekat,intisari,fungsi, tolok ukur, limbago, dan pedoman pengamalan ABS SBK tu, tantu manuruik pemahaman peserta SKM. Kesimpulan SKM tu kini sadang disetting di percetakan, dan akan dilewakan diinternet ateh kebaikan hati bung Armen Zulkarnain dan admin eNewsletter. Apo alah salasai ? Alun, karano fihak nan manantang kan alun sato lai. Jadi baa ? Seluruh peserta SKM GM menyerahkan ka Pemda Sumbar utk maadokan KKM nan labiah langkok ko, dgn syarat sagalo peserta SKM GM diundang sbg peserta. Manuruik pandapek ambo, jawaban pertanyaan-pertanyaan Sanak tu dapek - atau paralu - dibahas dalam KKM nan insya Allah akan dijanangi dek Pemda Sumbar tu. Talabiah takurang, ambo mintak maaf. Wassalam,
Saafroedin Bahar. Taqdir di tangan Allah swt, nasib di tangan kita. -----Original Message----- From: Dasriel Noeha <dasrielno...@yahoo.com> Sender: rantaunet@googlegroups.com Date: Sun, 16 Jan 2011 16:49:37 To: <rantaunet@googlegroups.com> Reply-To: rantaunet@googlegroups.com Subject: Re: [R@ntau-Net] Re: Metoda Dakwah islamiyah - Tarbiyah & Militansi Ambo maunjuekan lutuik nan duo, maaturkan jari nan sapuluah, manakuekan kapalo, mancubo mambarasiahkan hati, mamintak maaf kabakeh alek nan mulie, di sidang Palanta nan aguang, kakak, ibu, etek, rang kayo, mamak, kamanakan, samo gadang, adiak, kamanakan, sado alahe. Tagarak bibie nak mangato, tagarak hati nak babisiak, manggarik lidah nak babicaro, manyampaikan nan takana di hati, mangaluakan nan takalang di mato. Kabakeh dunsanak kakak nan mulie, kakanda Saaf nan bijaksano, sarato sidang Palanta nagko. ambo nak kabatanyo, mohon jawek elok-elok, mohon curai papakan malah ka ambo, buliah nak sanang kiro-kiro, nak sajuak pulo hati ambo, Adopun soalan nan kadikamukokan, io saputa diskusi kito, tantangan alam Bundo Kanduang, nan alah kito pusakoi, sajak sisuak kito jago, sajak dulu kito paliharo. Mohon ijin ambo batanyo: 1) Apo nan dimukasuik dengan Kamajuan Minangkabau? 2) Apokoh alamnyo nan harus barubah? Apokoh tapian nan harus barasak? Apokoh anak kamanakan nan harus batambah cadiak? Apokoh urang tuo makin bijaksano? Apokoh ugamo lai bapaliharo? 3) Nan ado kiniko di calaik di Minangkabau, banyak bangunan nan baru-baru, tokoh alah badiri di satiok palosok, urang rami tangah balai, lai nampak urang bajua bali, apokoh iko tando kamajuan? 4) Kok dipihak Rang rantau, io banyak nan tambah cadiak, gala baderek di muko jo dibalakang, propesor disabuik urang, inyo manjadi guru di satiok suduik dunia, apokoh iko tanda kamajuan? 5) Kok nan urang awak nan bagala Sutan Kayo, io banyak pulo di rantau ko, oto bakilek sampai limo, rumah gadang tiok kota, kama kapai naiak kapa nan pandai tabang. Apokoh iko tando kamajuan? 6) Kok di pihak Rang Kayo, banyak nan jadi Puti-Puti, rupo nan rancak wajahnyo rupawan, langkah co siganjue lalai, ciek duo tambah tigo, suluiknyo ameh ba mego-mego, baju suto bakilauan, ameh jo perak bagantuangan, banyak bagala Putri Pariwisata, jo bagala Putri Indonesia, kajadi impian pangeran dari nagari Singo, kajadi jodoh Rajo dari nagari Nago. Apokoh iko tando kamajuan? 7) Kok tapulang jo Ranah Bundo, io kamajuan sampai kama nan kito cito? Apokoh ka dijadikan Ustano Rajo? 8) Sajak ranah Bundo di hoyak gampo, pakiak jo tangih manggajuju, urang balari ingkin kama-i, mambaok angok takuik kalapeh, dikaja tsunami nan manggilo, kamajuan apo nan ka di cito? Iko nan takalang di hati ambo, tabaok mimpi dalam tidue, mambaco diskusi sanak kasadono, auih rangkungan ambo, nak mintak jawek dari nan basamo. Itu sajo pinta jo pinto, ka bakeh alek kasadono, talabiah takurang itu salah ambo, tolong maafkan malah diriko... wassalam, DAN/Balikpapan --- Pada Ming, 16/1/11, Dr Saafroedin Bahar <saafroedin.ba...@rantaunet.org> menulis: > Dari: Dr Saafroedin Bahar <saafroedin.ba...@rantaunet.org> > Judul: Re: [R@ntau-Net] Re: Metoda Dakwah islamiyah - Tarbiyah & Militansi > Kepada: "Rantau Net" <rantaunet@googlegroups.com> > Tanggal: Minggu, 16 Januari, 2011, 6:07 PM > Assalamualaikum ww Sanak Yasrul Huda > dan Ajo Buyuang, > Buliah ambo manyalo ? Saparati jo Sanak Yasrul Huda, ambo > juo tatarik ka konflik batin Syech Achmad Chatib dalam > mamikiakan Minangkabau (pado zaman baliau). > Di satu sisi, jaleh baliau mancintai Minangkabau sebagai > kampuang halaman baliau. Namun juo jaleh bahaso dalam > kenyataannyo alun juo banyak garak ka tagaknyo Islam - nan > baliau hayati sapanuah jiwa - sacaro mendasar dan malimbago > di Minangkabau, walau alah lego pagai salamo 35 tahun ( 1803 > - 1838). Batua, baliau mamiliah untuak bamukim sajo di > Makkah, sambia mandidik kader. > Alhamdulillah, baliau berhasil, baiak untuak mameloki > Minangkabau - dalam babarapo aspek - maupun untuak mamajukan > Indonesia sacaro manyaluruah, malalui kader-kader pembaharu > Islam nan baliau didik. > Maambiak tuah ka nan manang, Sanak Yasrul mamutuihkan > ka-'manikam jajak' ulama gadang kito tu. Ambo doakan > sapanuah hati, supayo Sanak juo berhasil, walau akan mamakan > wakatu panjang. > Dalam pado itu, ado nan takana dek ambo, yaitu sasudah > Minangkabau maju dalam dasawarsa 1920-1930an, baa sabananyo > keadaan Minangkabau kini, tahun 2011 ? Maju, mundur, atau > jalan di tampek ? > Kalau mamparatikan wacana di Rantau Net ko, rasonyo hampia > indak ado nan manilai Minangkabau tu maju. Nan banyak > manilai Minangkabau tu mundur, atau jalan di tampek, maju > indak mundur indak. > Persoalannyo: 1) a nan bisa kito - urang Rantau - pabuek > utk kampuang halaman ? 2) alah dianggap urangkah kito urang > Rantau ko dek sanak kito di Ranah, untuak dibao baiyo > batido, atau masih dinilai 'karatau madang di hulu, babuah > babungo balun' ? 3) apo batua kecenderungannyo kini adolah > 'marantau cino' saparati nampak pado gejala banyaknyo rumah > gadang nan indak lai bapanghuni ? 4) apo tanggapan kito > taradok alah mulai banyaknyo saudaro-saudaro kito sabangso > nan masuak mancari nafkah ka dan di nagari ? 5) Lai koh > bafungsi 'Tungku Tigo Sajarangan' sebagai 'baringin di > tangah padang' atau indak ? 6) lai koh ado nan mamparatikan > dan meneliti kondisi Minangkabau tu sacaro bakalanjutan ? > Atau alah sibuk mamuji-muji tokoh-tokoh maso lampau sajo: > Hatta, Sjahrir, Yamin, Haji Agus Salim, Natsir, Hamka dan > lain-lain? > Mari kito inok-inokkan sacaro jujur ka diri kito > surang-surang. > Wassalam, > > Saafroedin Bahar. Taqdir di tangan Allah swt, nasib di > tangan kita. > > -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/ -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
