Angku Dasriel nan ambo hormati. Karano pertanyaannyo tantang Minangkabau (Minang Kabau) iko mendasar mako ambo copykan baliak dan ambo lah lancang pulo maagiah tanda petik dan perubahan susunan kalimat (maaf !) sbb:
1) Apo nan dimukasuik dengan "*Kamajuan*" Minangkabau? 2) Apokoh "*alamnyo"* nan harus barubah? Apokoh "*tapian nan harus barasak?*" Apokoh anak "*kamanakan nan harus batambah cadiak?*" Apokoh "*urang tuo makin bijaksano?*" Apokoh "*ugamo lai bapaliharo*?" 3) Nan ado kiniko di calaik di Minangkabau, banyak bangunan nan baru-baru, tokoh alah badiri di satiok palosok, urang rami tangah balai, "*lai nampak urang bajua bali, apokoh iko tando kamajuan?"* 4) Kok dipihak Rang rantau, io banyak nan tambah cadiak, *"gala baderek di muko jo dibalakang, propesor disabuik urang, inyo manjadi guru di satiok suduik dunia"*, apokoh iko tanda kamajuan? 5) Kok nan urang awak nan bagala Sutan Kayo, *"io banyak pulo di rantau ko, oto bakilek sampai limo, rumah gadang tiok kota, kama kapai naiak kapa nan pandai tabang." * Apokoh iko tando kamajuan? 6) Kok di pihak Rang Kayo, "*banyak nan jadi Puti-Puti, rupo nan rancak wajahnyo rupawan, langkah co siganjue lalai, ciek duo tambah tigo, suluiknyo ameh ba mego-mego, baju suto bakilauan, ameh jo perak bagantuangan, banyak bagala Putri Pariwisata, jo bagala Putri Indonesia, kajadi impian pangeran dari nagari Singo, kajadi jodoh Rajo dari nagari Nago". * Apokoh iko tando kamajuan? 7) Kok tapulang jo Ranah Bundo, io kamajuan sampai kama nan kito cito? Apokoh ka dijadikan Ustano Rajo? 8) Sajak ranah Bundo "*di hoyak gampo, pakiak jo tangih manggajuju, urang balari ingkin kama-i, mambaok angok takuik kalapeh, dikaja tsunami nan manggilo", * kamajuan apo nan ka di cito? Iko nan takalang di hati ambo, tabaok mimpi dalam tidue, mambaco diskusi sanak kasadono, auih rangkungan ambo, nak mintak jawek dari nan basamo. Itu sajo pinta jo pinto, ka bakeh alek kasadono, talabiah takurang itu salah ambo, tolong maafkan malah diriko... ------------- Kalau dibaco atau mandanga urang bakaba, tampaknyo diambo, iyo indak basuo do istilah "kemajuan Minangkabau", antah kok ambo kurang teliti mambaco nan tasurek atau mandanga dendang tsb. di maso ketek ketek daulu ! Nan acok tadanga kutiko urang bakaba satantangan "alam/ atau bumi, dan orang orangnya" sbb: Untuk bumi/tanah dan produktivitasnyo sbb: * "bumi sanang, padi manjadi" "hewan bakambang, teranak berbiak"* Untuak urangnyo sbb: "*mandeh kayo, mamak disambah urang pulo" "ka tapi ba gantang padi, ka tangah batabua urai" *(indak sarupo jadul di nagari gadang iko, ....masokini tampaknya indak banyak mamak awak nan disambah urang Tapi kalau mangacu kapado standar internasional, kito pakai indeks HDI atau IPM --------------- Tampaknyo kiniko nan tajadi....bak kato Jepe ....kalau *daulu alam tu tahu bilo hiduik dan bilo mati,* ...tapi indak sarupo itu lai kiniko. --->*Bumi tak lagi sanang*, dan hewan liar tak punya hak hidup, berkembang biak, tupai, burung, tenggiling, landak dijadikan objek buruan untuk memenuhi kesenangan pribadi. Kalaupun padi lai manjadi, itupun dek karano dipaso dengan pupuak kimia,... dan kalaupun petani indak punyo pitih untuak mambali pupuak mako padi indak ka manjadi. Bukti "kakurangan padi/bahan makanan" di kampuang bisa dipareso angko status gizi balita di kampuang awak http://nagari.or.id/?moda=sumbar Mungkin itu jawaban ambo dari referensi kaba tsb. Salam dan maaf bilo salah manafsirkan curito kaba. Salam Abraham Ilyas lk. 65 FB. Datuk Soda -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
