Pak Gani jo Da Rahmadanil sarato Dunsanak sakalian, Nan jaleh warna hitam ko menyerap paneh. Itu sababnyo banyak pakaian pajabaik kolonial dulu bawarna putiah, supayo paneh indak taserap ka badannyo. Kalau indak, makin kalimpasiangan urang bule tu di di nagari awak, dek ndak tahan paneh. Sejarah mancataik, dulu kutiko urang2 bule nan dikirim penjajah Ulando dari Eropa sampai di Tanduak Afrika atau Terusan Suez, biasonyo pakaiannyo baganti jo warna putiah, dek lah masuak ka cuaca angek manintiang. Kudian warna pakaian nan putiah ko diadopsi pulo dek kalangan pejabat pribumi. Nan kini banyak urang awak bajas atau pakaian lain dari kain bawarna hitam. Alah paneh badan tu, akibatnyo banyak nan lalok sadang rapek atau kuker; kalau sadang malobi2 lai nyalang taruih mato. Jadi, agak ati ambo, manga sarawa galembong ko itam rono e, mungkin supayo badan nan mamakai paneh taruih. Maklumlah, namo e basilek jo barandai, kan? Badan harus paneh, harus basumangaik taruih. Di sampiang tu, warna itam ko dalam konteks budaya urang awak punyo konotasi adaik, sadangkan warna putiah nan punyo konotasi agamo. Lieklah pakaian2 tuanku-tuanku jo ulama-ulama kito dulu. Itulah sabanyo di ukatu Parang Paderi ado konotasi Kaum Hitam (Kaum Adaik) jo Kaum Putiah (Kaum Agamo), bantuak nan dituluh dek Fakih Saghir dalam memoarnyo. Iko interpretasi ambo sajo, tapi mudah2an bukan interpretasi nan arbitrer sajo. Salam, Suryadi
--- Pada Rab, 6/4/11, Ramadhanil pitopang <pitopang...@yahoo.com> menulis: Ass. Iyo menarik pulo untuak dikaji mengenai Sarawa Galembong iko yo...Ambo yakin Sarawa "Tapak Itiak" nan banyak dipakai dek pandeka, atau pemain randai iko asli Minangkabau. Indak sarupo jo pakaian minang lain nan merupakan budaya "bapinjam" sarupo jo "Baju Guntiang Cino", "Deta Jawa", Sarawa Aceh.. Nan jaleh kalau di Kajang Sulawesi Selatan atau pada masyarakat adaik Badui Dalam di daerah Banten pakaian tradisonal mereka berwarna hitam Mungkin sanak nan lain bisa manjalehkan ttg warna hitam iko, barangkali dasar pemikirannya.... Wassalam, Ramadhanil --- Pada Rab, 6/4/11, syaukani yusup <bayurper...@yahoo.com> menulis: Dari: syaukani yusup <bayurper...@yahoo.com> Judul: [R@ntau-Net] SARAWA GALEMBONG Kepada: rantaunet@googlegroups.com Tanggal: Rabu, 6 April, 2011, 12:22 PM Assalamualaikumww Niniak Mamak nan Gadang Basa Batuah sarato sanak sapalanta. Sabalunnyo ambo mohon maaf kalau bakato indak pado tampeknyo. Ambo tapikia dari sudut hal Sarawa Galembong. Sarawa Galembong adolah diantaro pakaian tradisi asli Minangkabau nan tak ado di tampek lain. Kaunikan sarawa galembongko kambang kabawah nan bafungsi untuak digunokan sabagai bahan bunyian tatkalo digunokan samaso randai ataupun silek. Bunyi lapoh nan menggegarkan lapangan mambari sumangat persembahan. Paranah ndak kito tapikia, sia penciptanyo??? bilo diciptakan??? baa mangko warnanyo hitam dan subalah atehnyo merah??? apo simbul disubaliak warna tu??? dan ndak panah nampak galembong ba warna putiah. Mungkinko warna putiah ndak sasuai??? Dizaman muderenko lah banyak diciptakan galembong dari jenis songket tapi jenis iko hanyo dipakai dek Marapulai atau nan duduak di pentas. Nan dipakai maso persembahan pasti tatap dasarnyo hitam sakalipun disulam jo banang ameh batarawang. Adoko warna hitam jo merahtu malambangkan kahebatan sipemakainyo??? misalnyo manggambarkan bahwa sipemakainyo adolah urang sakeh, urang sakti, urang yang disegani atau urang yang ditakuti??? Mohon pandangan dari Niniak Mamak nan arif bijaksana untuak pangatahuan generasi kini dan sataruihnyo. Wassalam. Gani50 Kajang . -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/