Mi jxus rimarkis strangan eraron (kaj jam retposxtis korekton) en la difina ekzemplo de abolicii: ial aperas 1885 anstataux 1865 rilate al la fino de sklaveco en Usono. Mi scivolas kiel la eraro originale aperis, cxar gxi estas en la originala versio de la artikolo, sed ne en iu ajn versio de PIV aux PV (1964, supozeble sensxangxa de 1934) kiun mi havas. Mi scias ke ie mi legis informon pri kiel la unuaj difinoj de PV eniris ReVo-n, sed mi ne nun trovas la informon en la ampleksa ttt-ejo. Cxu iu skanis la tutan PV, do temas pri simpla skanada eraro? Aux cxu iu versio de PV efektive havis tiun eraron? Cxu aliaj tiaj eraroj eblas?
Krome mi rimarkis ke dum la jaroj PV/PIV sxangxis sian opinion pri kiu radiko cxefas: cxu abol(ici)i (1964, do supozeble 1934) cxu aboli aludas abolicii (1970) cxu abolicii aludas aboli (2002). Nun ReVo arangxas ke aboli aludas abolicii, kvankam "aboli" sxajnas pli ofta ol "abolicii" (almenaux laux google-sercxado pri 'abolas kaj la' kaj 'abolicias kaj la'; simile pri 'abolo kaj la' kaj 'abolicio kaj la'... abol- evidente pli uzatas ol abolici-.). Cxu la pli ofta vorto devas tiel aludi la malpli oftan vorton, aux cxu ne gravas? amike, russ
