Antaux jaroj iuj ja malhelpis, ke en ReVo registrigxu "sinkrona", cxar
lauxaserte "superflua". Cxu vi povas helpi al mi traduki la supre menciitan
nocion sen "sinkrona"? ("tersamtempa orbito" laux mi estas nekontentiga).
Pri kio temas, vi vidas tie cxi
// http://de.wikipedia.org/wiki/Geosynchrone_Umlaufbahn
aux en iuj el la aliaj lingvoj - vi certe trovos iun, kiun vi povas lege
kompreni (cxiuj havas "geosinkron", cxe la lasta nur aperas kestetoj sur mia
ekrano).
Cxu la difino de orbito kombinita kun tiu de astro en ReVo ne estas tro
malvasta? Laux tio oni ne povus paroli pri "satelita orbito", kiu klare
kontrauxas la uzon en cxiuj etnolingvoj en Viki.
Cxu iu povas klarigi al mi, kion la ekzemplo-frazo cxe "orbiti" signifas? "
kvazausatelitoj ... orbitas la Sunon apud najbareco de planedo" (... apud
najbareco de planedo??? - cxu simple "proksime de planedo" ?? kial ReVo
diskonigas tiel malklaran kaj malbonan stilon, tute nek modelan nek
imitindan?) - cxu do kvazauxsatelitoj ja povas orbiti, kvankam ili laux ReVo
ne estas astroj? Vd. ankaux enorbitigi: do satelitoj kaj orbito kune, ca va,
comme même?
Antauxdankon
Bernhard
P.S. Cxe la ekzemplo-frazo cxe orbito 3 mankas font-indiko: "tiu speco de
fenomeno entrenigxas iom post iom en la orbiton de la hxemiaj sciencoj".
Evidente gxi estas prenita el PIV. Sed tie la precia frazo estas "... de la
**k**emiaj sciencoj". Iom mallojala sxteleto, cxu ne?
