Saluton, freŝdate mi legis en nia Yahoo-grupo por bretonaj esperantistoj ke iuj skribas en eo.wikipedia.org pri la "sept saints fondateurs de la Bretagne" do pri la "sep sanktuloj fondintaj Bretonion". Kompreneble la temo interesas min ĉar Bretonio estas kaj mia naskiĝloko kaj mia vivloko. Mi do atente legis la paĝon pri "la sep sanktuloj fondintaj Bretonion". Ja mia regiono estas forte markita de katolikismo sed de katolikismo kiu stariĝis sur forta kelteca grundo. Spuroj de katolikismoj svarmas en la kamparo de la areo kiun okupis la osismoj, la plej okcidenta gaŭla popolo de la iama Armoriko (france oni skribas "osismes") en frua epoko (longe antaŭ romianiĝo kaj kristaniĝo de la regiono). Ekzemple plenplenas la kamparo de mia naskiĝloko, tiu de mia edzo kaj ankaŭ en Finistero de ŝtonaj alte starigitaj krucoj rande de la kamparaj vojoj, eĉ foje ili reprezentas kalvarion. Mi ne scias kiel nomi tiajn kristanaj markilojn renkontitajn rande de la vojoj. Mi esploris en la reto kaj oni trovas ilin ankaŭ en aliaj eŭropaj regionoj. Kiel vi proponu ke mi nomu ilin? Jen bilda ekzemplo de la priparolata objekto kiun nomon mi volas trovi plej taŭge kiel eble. http://www.corobu.com/croas.jpg <http://www.corobu.com/croas.jpg>
Mi dankas al tiuj kiuj helpos min por trovi taŭgan vorton en Esperanto. Mia hodiaŭa intenco ne estas registri la vorton en ReVo, mi volas trovi ĝin kaj por la paĝo kiun mi kreis hieraŭ http://eo.wikipedia.org/wiki/Bretonaj_sanktuloj kaj por ŝanĝi la stultan nomon kiun mi trovis en http://eo.wikipedia.org/wiki/Dia_torturo Mireja Eblas skribi respondon al mi al mia privata adreso.
