Wah nuju ngaheureuyan abdi panginten ieu mah Kang Resoma teh. Upami dibandingkeun sareng nu kitu mah atuh sanes masalah metodologi deui tapi masalah rasional vs irasional. Kalemahan pangageungna si dukun teluh (siga metode irasional nu lian) nyaeta henteu testable alias teu bisa diverifikasi, diuji tur ditangtang ku data, fakta, teori, atanapi "dukun" sejen.
Naha Vialls kitu? Ceuk kuring mah henteu. Sadaya omongan Vialls bisa diuji jeung diverifikasi ku data/fakta lian. Contona, diantawis alesan Vialls yakin yen aya micro nuclear teh nyaeta ayana kawah (crater) di tempat bom. Nurutkeun manehna, TNT, C4 atawa RDX teu mungkin nyieun kawah, komo deui nurutkeun polisi yen bom teh bom dibeledugkeun dina mobil saluhureun taneuh! Kadua, loba korban (ceuk manehna) nu leungit beak dagingna nu, nurutkeun manehna, teu bisa ditimbulkeun ku panas nu diakibatkeun ku bom biasa.
Ceuk abdi sagala "baceo" ieu gampil pisan dilawan. Tinggal sodorkeun fakta yen kawah teh muncul kusabab kieu kieu jst jst.. Jelema nu paeh mayatna buleger kabeh, ieu statistikna, ieu foto2na atawa (contona ieu mah). Benten pan sareng dukun nu misalna ngaku meunang wangsit ti sinuhun Abah Buli van Toyoda! Teu tiasa dilacak!!
Perkawis keur naon Amrik nyerang Indo, seueur pisan kaayaan pulitik harita nu tiasa diperhetangkeun pangaruhna jangka pendek atanapi jangka panjang. Misalna, dunya mulai teu percaya Amrik masalah "teroris" padahal Amrik geus nyerang Afghanistan. Atanapi alesan Vialls yen Amrik perlu "ngajewer" publik Ostrali nu mulai wani ngiritik Amrik! jrrd...
Tapi sakali deui inti masalahna sanes nu dibahas di luhur tapi perkawis informasi nu bebas tea! Langkung sae ngalilieur jalma ku teori, sakantenan nyebarkeun kimia/fisika aplikasi tinimbang langsung nyingkahkeun hiji teori. Mun teu acan2 tos disingkahkeun, tiasa2 malah ngabalukarkeun "Leminghood Syndrome" tea!
Mugi katampi, punten bilih seueur lepatna.
Yudi
> Kang Yudi, teori-teori dina fisika gaduh pijakan ilmiah anu kiat, kitu deui dina nurunkeun teori-teori anyar, aya alatna, nyaeta matematika. Matematika sanes elmu nu tiasa didamel keur "spekulasi", eta elmu di urang mah sakapeung sok ditarjamahkeun elmu Pasti. Tapi sanajan teori dina fisika, dijelaskeun saeces-ecesna ku matematika, tetep we acan diaku bener satungtung acan aya percobaan ilmiah nu ngadukung teori ieu. Einstein henteu meunang nobel tina teori relativitasna, tapi anjeunna kenging noble tina teori dina ngajelaskeun phenomena efek fotolistrik kulantaran jaman harita mah acan bisa nyieun percobaan dina ngetest bener henteuna teori relativitas. Kitu deui Stephen Hawkin, sanajan kapinteranana dina fisika teori, geus teu diragukeun deui, tapi anjeunna teu acan kantos kenging hadiah Noble!. Dina astronomi, di dunya ieu aya sabaraha puluh obsevatorium jiga Boscha jeung Observatorium signal Radio luar angkasa nu dijieun keur pengamatan astronomi? keur kapentingan astronomi oge teropong Huble dipasang diluar angkasa. Astronomi lain elmu nu dasarna teori, tapi dasarna tina pengamatan!. Tah kumargi kitu, para elmuwan ieu teu tiasa disebut dukun, disebut dukun lamun teu logis jeung spekulatif.
>
> Balik deui ka soal Vials, alesan kuring kunaon sababna kuring nyebut Vials "dukun" sabab teori "persongkokolan" Vials eusina teori nu pijakanana spekulatif. Soal bom Bali, alesan anu teu asup akal Amerika kudu susulumputan ngebom di Bali jeung nu digunakeun bom mahal, nyaeta bom Nuklir. Memangna Indonesia teh nagara kuat, sapertos Uni Soviet (baheula) atawa Cina Komunis? Keur naon ngebom Indonesia kudu make susumputan, ari nyerang Irak mani terang-terangan kitu, naon leuwihna Indonesia dibandingkeun jeung Irak dina hal kakuatan angkatan perangna?. Kitu deui soal penjelasan "ilmiahna" soal bom nuklir nu teu jelas juntrunganana (rada isin nyebat-nyebat nuklir teh, sabab di Kusnet teh aya Kang Mike Ontohod nu didamel di IEAA, badan pengawas Nuklir dunya di Austria .....hehehehe).
>
> Baheula, jaman kuring keur budak, aya tatangga gering bareuh beuteung, dibawa ka dokter, ceuk diagnosa dokter. ieu teh panyakit lever kudu diopname di Rumah Sakit. Aya sabagian kulawargana tatanya oge ka dukun, ceuk dukun nu gering teh diteluh, tuh nu neluhna si X, nu kabeneran jelema kurang akur jeung tatangga, sok pasea wae. Si dukun geus make "pijakan" spekulatif keur diagnosana, spekulatif sabab teluh mah teu bisa dibuktikeun, spekulatif oge dina nuduh ka Si X, sugan-sugan we bener da kabeneran si X teh jelema kurang hade. Cik naon bedana dukun ieu jeung Tuan Vials?
>
> Baktos,
> WALUYA
--------Yudi,engkau hanyalah kumpulan dari hari-hari yang terhitung, bila berlalu satu hari, hilanglah pula sebagian darimu [Hasan al Bashri]__________________________________________________
Do You Yahoo!?
Tired of spam? Yahoo! Mail has the best spam protection around
http://mail.yahoo.com
--------Yudi,engkau hanyalah kumpulan dari hari-hari yang terhitung, bila berlalu satu hari, hilanglah pula sebagian darimu [Hasan al Bashri]__________________________________________________
Do You Yahoo!?
Tired of spam? Yahoo! Mail has the best spam protection around
http://mail.yahoo.com
--------
Yudi,
engkau hanyalah kumpulan dari hari-hari yang terhitung, bila berlalu satu hari, hilanglah pula sebagian darimu [Hasan al Bashri]
__________________________________________________
Do You Yahoo!?
Tired of spam? Yahoo! Mail has the best spam protection around
http://mail.yahoo.com
Komunitas Urang Sunda --> http://www.Urang-Sunda.or.id
Yahoo! Groups Links
http://groups.yahoo.com/group/urangsunda/
[EMAIL PROTECTED]
