Nambihan kang...
sateuacana hatur nuhun tos di wartosan mun akang teu ngalungkeun iyeu email
mah abdi moal terang aya pajemuhan di UNPAD, da' di pilari2 teh email ti
kang oman nah mah teu aya na inbox
janten heren ku rasa abdi naha bet kitu nya.. ari ngaran pajemuhan budaya
sunda ceunah ari di wartosan teu sakabeh, bujeng2 nu teu aya dimilis nu
dimilis oge teu kawartosan..
hal iyeu geus sababara kali kajidian boh waktos pamunutan sumbangan di HBH
teu sadayana wargi ka kintun serat/email eta mung sawatara jalma nu katanger
aya jeung kaciri boga duit ceuk kasarna mah..
sakitu heula we ahh engke teruskeun tunduh yeuh...
karek jol nepi ka jakarta
baktos
Agus Pakusarakan (anti diskriminasi)
On Sat, Feb 2, 2008 at 12:09 PM, dhipagaluh <[EMAIL PROTECTED]> wrote:
> Assalammu'alaikum Wr.Wb
> Sampurasun
>
> Alhamdulillah iber perkawis pajemuhan anu badé lumangsung di Wisma
> Unpad parantos katampi. Mugia baé acarana tiasa lumangsung kalayan
> lungsur-langsar, kénging rido Nu Maha Kawasa geusan ngahontal udagan
> tur cita-cita wargi sadaya nu micinta Ki Sunda. Bingah tur reueus ka
> para inohong anu salawasna teu weléh merjoangkeun kabudayaan Sunda
> kalayan pok bari prakna, siga Pangersa Prof. Dr. Ganjar Kurnia, DEA,
> Pangersa Bapa Hidayat Suryalaga, Pangersa Kang Ahmad Gibson
> Al-Bustomi, Pangersa Kang Dingding Haérudin, M.Pd., Pangersa Apih
> Sidik, sareng seueur deui nu sanésna. Ku kituna, tangtos baé simkuring
> kalintang ngarojongna kana ieu kagiatan.
>
> Serat anu dikintun ka simkuring téh sumpingna ti Kang Oman. Nanging,
> patali Kang Oman nyebatkeun wawakil ti panitia, ieu waleran simkuring
> ogé ditujukeun kanggo panitia. Simkuring henteu ngatasnamikeun sasaha,
> éstuning kereteg simkuring pribadi anu tiasa janten saukur janten
> dogdog pangréwong.
>
> Perkawis jejer anu baris dipadungdengkeun, kalintang lumbrahna upami
> seueur nu naroskeun. Margi, ari badé paguneman, padungdengan, diskusi,
> atanapi sawala mah saéna kedah ditangtoskeun heula naon anu badé
> didamel jejerna supados mokus. Komo deui panitia tos langkung uninga,
> yén kabudayaan téh lega ambahanana (simkuring nembé nguping kecap:
> wengkuanana).
>
> Janten, supados teu mancawura, nya saéna kedah mokus. Anu langkung
> utami, supados peserta anu badé ngaluuhan gempungan téh, saperti
> simkuring, sakirang-kirangna mekel bahan kanggo paguneman.
>
> Panitia nyebatkeun "sok sanajan ukur ngawangkong malah ukur nepi ka
> ngabuntut bangkong sareng anu parantos puguh idek liherna atanapi
> icikibungna dina kabudayaan di darat; oge silaturahim papada anu
> sasari aktif di internet."
>
> Ku ngaos éta seratan, aya kahanjelu simkuring. Acara anu baris
> diluuhan ku inohong pinunjul, naha ukur ngararancang wangkongan nu
> baris ngabuntut bangkong? Siga anu henteu optimis, henteu sumanget,
> malah nyaketan kana pesimis. Padahal ari rarancang mah kedah sing
> asak, sumanget, optimis, ulah kalah miharep ngabuntut bangkong. Lebar
> kabina-bina upami para inohong anu sakitu sumangetna, dibagéakeun ku
> sikep panitia anu henteu optimis.
>
> Tina jejer kahiji anu didadarkeun ku panitia, simkuring henteu mendak
> jejer nanaon. Da ari perkawis silaturahmi mah otomatis, salaku umat
> Islam, dimana baé aya gempungan tangtos baé sakaligus silaturahmi.
> Malah ieu serat simkuring ogé hakékatna mah mugia sing janten silaturahmi.
>
> Jejer anu kadua, anu kaunggel ku panitia: "aya kereteg ti sababaraha
> dulur anu di internet, kahayang nyieun riungan anu maneuh ka hareup,
> upamana bulanan, pikeun nyieun garapan-garapan anu rada nerus tur
> puguh tuturusna enggoning ngalahirkeun tatapakan sumbangan keur
> masyarakat oge pamarentah (Jabar khususna, jembarna RI) dina widang
> kabudayaan ku cara nyieun pajemuhan antara "anu diinternet" sareng
> "anu di darat" tea. Anapon naon kurikulumna atawa agenda eta
> unggal-unggal pajemuhan maneuh teh (sakadang) justru eta anu
> diantarana bade dipadungdengkeun dina riungan ping 3 Pebruari 2008.
> Jadi, nyoko kana jejer nu kadua mah, jejer riungan teh justru keur
> maheutkeun jejer riungan-riungan maneuh anu haladir pikahareupeun."
>
> Ku ngaos éta seratan, balaka baé, numutkeun simkuring mah pabeulit
> (boa kétang simkuring anu kirang calakan mesékna). Nu karampa ku
> simkuring mah:
> 1. Panitia badé nampung aspirasi warga internét nu hoyong ngawangun
> riungan maneuh, upamana sasasih sakali (kalintang saéna).
>
> 2. Eta riungan téh rarancangna badé ngadamel garapan-garapan anu rada
> nerus tur écés tuturusna enggoning ngalahirkeun tatapakan sumbangan
> kanggo masarakat sareng pamaréntah (Jabar hususna, jembarna RI) dina
> widang kabudayaan.
>
> 3. Ari carana kumaha? Nya carana téh, masih numutkeun panitia: "ku
> cara ngadamel pajemuhan antara 'anu di internét' sareng 'anu di darat'
> téa.
>
> 4. Naon baé garapan pajemuhan téh? Saur panitia, "Anapon naon
> kurikulumna atawa agenda eta unggal-unggal pajemuhan maneuh teh
> (sakadang) justru eta anu diantarana bade dipadungdengkeun dina
> riungan ping 3 Pebruari 2008. Jadi, nyoko kana jejer nu kadua mah,
> jejer riungan teh justru keur maheutkeun jejer riungan-riungan maneuh
> anu haladir pikahareupeun."
>
> Duka naon maksadna kecap "sakadang" mah. Nu écés, sasarina kecap
> "Sakadang" sok dipasangkeun sareng Kuya, Mencek, Maung, anatapi paling
> banter ogé sok dianggo "gelar payun" kanggo mitoha, dina dongéng Si
> Kabayan.
>
> Leupas tina pasualan "sakadang", kacindekanna tina dadaran panitia téh
> rupina jejer gempungan kaping 3 Pébuari 2008 téh, diantarana badé
> nyusun jejer riungan maneuh. Kumargi aya kecap "diantarana", hartosna
> éta jejer téh mung sabagéan tina jejer poko. Naon atuh jejer anu
> pokona? Rupina, panitia teu acan panceg nyepeng jejer anu poko, sanés
> "henteu tiasa mayunkeun jejer atawa tema riungan leuwih ti anu kasebut
> di luhur".
>
> Mémang diaku ku panitia, yén: "Teu aya sanes kituna teh inggis ku
> bisi, rempan ku lengkah, palalaur anu kasorang jauh taneuh ka langit
> tinimbang anu dipimaksud lian ti anu kaceluk tadi di luhur. Eta oge
> rada hariwang, sieun dua anu geus disebutkeun tadi teh teu kahontal.
> Neda pangrojongna wae ti sadayana." (dirojong mah tangtos baé,
> nanging paribasa 'jauh tanah ka langit' kirang merenah dilarapkeun
> kana éta kalimah)
>
> Janten, panitiana henteu optimis sareng seueur kainggis. Malah
> katingali asa-asana téh, dina serat anu unina "pikeun nyieun
> garapan-garapan anu rada nerus tur puguh". Di dinya aya kecap "rada".
> Hartosna satengah-satengah. Antara "nerus" sareng "henteu nerus",
> atanapi antara "puguh" sareng "teu puguh" babandinganana téh 50-50,
> margi aya kecap "rada". Naha panitia henteu nyingkahkeun éta kecap
> "rada", supados jéntré katingali optimis sareng sumangetna?
>
> Pamungkasna, patali serat anu katampi téh atas nami panitia "Pajemuhan
> Nepungkeun nu Giat dina Kabudayaan antara nu di Darat jeung nu di
> Internet", mugia ka payunna mah ngadamel serat téh sing leres, teu
> kénging wawayagon siga kitu. Badé kumaha ngararancang kagiatan
> kabudayaan Sunda, bet basa Sunda anu dianggo ku panitiana ogé (dina
> serat) sanés picontoeun.
>
> Simkuring saleresna tara geureuhan kana basa Sunda dina serat, upami
> éta serat téh sumpingna ti kabogoh, calon kabogoh, tilas kabogoh,
> réréncangan, atanapi ti saha baé nu sipatna obrolan biasa. Tapi apan
> ieu mah serat resmi ti panitia nu bakal ngagelar acara penting. Saéna,
> panitia ngarékrut nonoman kanggo juru serat, upamina murid Pangersa
> Kang Ganjar ti Sastra Unpad, atanapi murid Pangersa Kang Dingding ti
> Pensatrada UPI, anu katingalina bakal kalintang bingaheun dipiwarang
> ngokolakeun serat-serat basa Sunda nu merenah. Atuh di Kusnét ogé apan
> seueur nu tiasa dipuntangan kanggo ngadamel serat baé mah. Kang Yaya
> di Koréa, kirang kumaha basa Sundana, numawi carponna kapeunten janten
> Carpon Pinilih Manglé. Néng Pupi ti Sastra Unpad, asa moal nampik tur
> moal nuhunkeun honor upami dipiwarang ngadamel serat. Komo Pangersa Ua
> Sas anu sakitu rancagéna.
>
> Sakitu anu kapihatur. InsyaAlloh simkuring badé ngaluuhan éta
> pajemuhan, sanaos moal langkung ti ngabandungan, da simkuring mah
> henteu ngaraos kalebet anu giat dina makayakeun kabudayaan, boh di
> internét, pon pilalagi di darat. Upami disebat micinta mah tangtos
> leres, simkuring kacida micinta kabudayaan Sunda, tapi henteu acan
> kalebet giat. Demi pajemuhan ping 3 Pébuari mah, apan badé "Nepungkeun
> nu Giat dina Kabudayaan antara nu di Darat jeung nu di Internet".
> Janten, anu henteu giat mah otomatis henteu kalebet (sanés kitu?).
>
> Pamungkasna, hapunten bilih aya kekecapan nu kirang merenah. Mugia
> kama'lum ku sadayana, da simkuring sanés ahlina. Sakali deui, mugia
> acarana tiasa lungsur-langsar tur aya dina karidoan Alloh SWT, amiiin.
>
> Hurip Sunda!
> Kusnét Muga Jaya Salamina!
> Ngalanglang Jomantara Sastra Sunda UNPAD!
> Ngalingling Wiati Pensatrada UPI!
>
> Wassalammu'alaikum Wr.Wb
>
> Baktosna
> Dhipa Galuh Purba
> galuh-purba.com
>
> Fri, 1 Feb 2008 00:25:51 -0800 (PST)
> From: Send an Instant Message "oman abdurrahman" <[EMAIL
> PROTECTED]<o_arahman%40yahoo.com>
> >
> Add Mobile Alert
> Yahoo! DomainKeys has confirmed that this message was sent by
> yahoo.com. Learn more
> Subject: Cios sakalian ngukuhkeun uleman pajemuhan ping 3 Pebruari
> 2008 jam 2 sore - Sareupna-->Re: Sawala Bulanan Kusnet
>
> Sinareng hormat
>
> Seja ngawartosan deui sakalian ngukuhkeun iber yen pajemuhan Kusnet
> anu direncanakeun kaping 3 Pebruari 2008, tbh 14.00 dugi ka rengse (kl
> sareupna, pk. 18.00) teh cios. Mugia sadayana anu tos ngiberan, boh
> via email, sms, chatting atawa telepon langsung, yen paheut bade
> sumping, tiasa sumping dina waktosna, teu aya pamengan naon-naon. Ka
> baraya anu nembe diwartosan danget ieu, hapuntenna bilih panitia telat
> nya ngawartosan, sareng sami, diantos pisan kasumpinganana.
>
> - Jejer Pajemuhan
>
> Seueur anu naroskeun ka panitia, bo via sms atawa chatting, naon cenah
> jejer atawa tema riungan ping 3 Pebruari 2008 teh? Waleran ti panitia,
> sakumaha parantos didugikeun dina email-email ti payun, jejer riungan
> teh anu utamana mah aya dua. Anu kahiji, seja silaturahim diantara
> urang sadaya, bil khusus silaturahim antara anu biasa madungdengkeun
> perkara kabudayaan (kabudayaan tea lega wengkuanana), sok sanajan ukur
> ngawangkong malah ukur nepi ka ngabuntut bangkong sareng anu parantos
> puguh idek liherna atanapi icikibungna dina kabudayaan di darat; oge
> silaturahim papada anu sasari aktif di internet.
>
> Jejer anu kadua, aya kereteg ti sababaraha dulur anu di internet,
> kahayang nyieun riungan anu maneuh ka hareup, upamana bulanan, pikeun
> nyieun garapan-garapan anu rada nerus tur puguh tuturusna enggoning
> ngalahirkeun tatapakan sumbangan keur masyarakat oge pamarentah (Jabar
> khususna, jembarna RI) dina widang kabudayaan ku cara nyieun pajemuhan
> antara "anu diinternet" sareng "anu di darat" tea. Anapon naon
> kurikulumna atawa agenda eta unggal-unggal pajemuhan maneuh teh
> (sakadang) justru eta anu diantarana bade dipadungdengkeun dina
> riungan ping 3 Pebruari 2008. Jadi, nyoko kana jejer nu kadua mah,
> jejer riungan teh justru keur maheutkeun jejer riungan-riungan maneuh
> anu haladir pikahareupeun.
>
> Baraya sadaya, hapuntenna ti panitia henteu tiasa mayunkeun jejer
> atawa tema riungan leuwih ti anu kasebut di luhur. Teu aya sanes
> kituna teh inggis ku bisi, rempan ku lengkah, palalaur anu kasorang
> jauh taneuh ka langit tinimbang anu dipimaksud lian ti anu kaceluk
> tadi di luhur. Eta oge rada hariwang, sieun dua anu geus disebutkeun
> tadi teh teu kahontal. Neda pangrojongna wae ti sadayana.
>
> - Tetengger Runtuyan Acara
>
> Pikeun tetengger acara pajemuhan, kirang langkungna tiasa kadugikeun
> sarupi kieu (bisi diperlukeun wae ieu mah keur ancer-ancer):
>
> "Agenda Pajemuhan Nepungkeun nu Giat dina Kabudayaan antara nu di
> Darat jeung nu di Internet" (judul kirang langkungna)
>
> 14.00 - 14.10 Bubuka ku panitia, doa pamuka
> 14.15 - 14.30 Pangbagea ti sohibul bet kersana Kang Ganjar Kurnia
> 14.30 - 15.00 Presentasi ti Kusnet ngeunaan potensi dunya internet
> keur dokumentasi karya budaya + wikipedia Sunda + Unicode (anu akhir:
> tentatif)
> 15.00 - 15.20 Istirahat, sholat Ashar
> 15.20 - 16.30 Pamairan atawa pangbagea ti para narasumber (anu
> giat/icikibung dina kabudayaan anu midengna "di darat"; kirang
> langkung 7-an @ 10 menit)
> 16.30 - 17.30 Maheutkeun agenda riungan maneuh pikahareupeun lengkep
> sareng agendana (upami peryogi ngadamel beungkeutanana nya katut ka
> nami jeung wangun eta beungkeutan)
> 17.30 - 18.00 Kacindekan sareng kecap pamungkas acara, doa panutup
>
> - Anu bade Sarumping
>
> Sawatara ieu anu parantos nyatujuan bade sumping kana acara ping 3
> Pebruari 2008 sakumaha kasebut diluhur tos aya kana 20 urangna,
> diantarana 7-10 urang ti para narasumber ("anu ti darat" tea) sareng10
> dugi ka 13 urang "anu ti internet" tea. Pamugi wae sadayana teu aya
> halangan harungan, tiasa sumping dina waktosna.
>
> - Panutup
>
> Rupina sakitu wae iber anu akhir ti si kuring salaku wawakil ti
> panitia patali sareng rencana pajemuhan ping 3 Pebruari 2008 di Wisma
> Unpad, Jl. Cimandiri No. 14, Bandung. Pamugi Gusti anu Maha Kawasa
> tiasa nepangkeun urang sadaya dina pamaksudan anu sae. Mugia wae
> tepunglawung urang engke ping 3 Pebruari 2008 kaparengkeun keuna kana
> babasan, malati lingsir ku wanci, campaka medal na mangsana. Billahi
> taufik wal hidayah.
>
> Cag.
>
> Baktosna,
> manAR
>
>
>
--
-----------------------------------------------------------
AGUS PAKUSARAKAN
08128377662
www.hr-uwj.com (mangga geura deu2l dulur urang rek manggung
-----------------------------------------------------------
Koperias Amanah Sunda
www.inkas.wordpress.com
www.azzoman.wordpress.com
www.azzoman.indonetwork.co.id
www.indonetwork.co.id/azzoman
---------------------------------------------------------------------
http://aguspakusarakan.blogspot.com/
http://geocities.com/prabu_siliwangi
http://geocities.com/lodaya_9
http://siliwangi.blogs.friendster.com
