Hapunten ka kang Oman oge panitia sanesna, si kuring teu tiasa ngaluuhan acara pajemuhan. Kamari mah alesanana teh nyaeta nuju ngadamel tugas ti sakola-perkawis estetika sunda tea- padahal rarasaan karek ge asup, geus kudu nyieun paper.
kanggo ngeuyeuban bahan, Insya alloh bade ngulem narasumber kanggo ngabahas eta, bade ditandean ku si kuring di pusat studi sunda. insya alloh, jumaah 15 februari jam 2an siang. Narasumberna: 1. Abah Surya kanggo estetika sunda umum, 2. kang Roza Mintareja kanggo arsitektur. Kapayun insya alloh kang tedi perkawis kujang, oge narasumber sanesna. urang ondang pembimbingna sakalian. heuheu. ka bah Willy, iraha bah bade ka Sumedang? upami bade ajak abdi nya. heuheu. bade nyimpang ka museum Geusan Ulun, teras maluruh bumi tilas bupati bandung nu urang sumedang, Martanagara, manawi tiasa dipotret sareng ditoong lebetna. Aya buku dua kardus kintunkeuneun ka jampang teu acan. Ka teh Imas, wayahna nya. Rada lami, da ongkoh danana paciwit-ciwit lutung. Tos aya nu ngantos ukeun dikirim deui ti garut, oge aya tempat enggal guru di garut oge, balad kang Deny Suwarja. Alesan ka dua teu tiasa ngaluuhan, nyaeta panyawat lami nu matuh mucunghul deui, sabot pindah ka cihideung, seueur kembang, jorojoy panyawat ngalukis mucunghul deui. Atuh ngumaha ka indung budak, hayang kanvas, ari cet akrilikna mah aya, oleh2 Abah Joe ti New York (nuhun pisan Bah Joe, nembean yeuh ngangge cet made in amrik, biasana mun teu walanda, china) sareng sesa kapungkur. Kanu bade noong aya di http://mangjamal.multiply.com/paintings Dinten minggu kamari teh teu emut ongkoh, n milarian novel munggaran karya sobat, Jurie G. Jarian, saurna tos medal ku mizania, grup mizan. Kaget oge, judulna di robah, asalna Darul, jadi Opik Sok Cool, nih! Heuheu. Sigana pedah eusina komedi roman, bari nyaritakeun teroris lokal. Nya milari di pameran buku ikapi di landmark braga. Ngulibek pinuh ku jelema jeung buku. Saur Jurie G Jarian, hatur nuhun cenah ka baraya kusnet nu namina tos kaci ditambut dina novel eta, Soni Rosa, Deni Suwarja, Runa, Ajan Hudori, Ono Taryono, Kumi Iskandar, jaradi tangtara nu numpes teroris. Heuheu. Gambar jilid nebeng di http://mangjamal.multiply.com/bukuku -- geocities.com/mangjamal mangjamal.multiply.com
